KORONAVİRUSA YOLUXANLARIN SAYI - CANLI STATİSTİKA

Kayseridə Xocalı parkının və Xocalı şəhidləri abidəsinin açılışı olub — FOTO

Kayseridə Xocalı parkının və Xocalı şəhidləri abidəsinin açılışı olub
00:29
21.10.2018
3825
Siyasət
A
Oktyabrın 20-də Türkiyənin Kayseri şəhərində Heydər Əliyev Fondunun, Türkiyənin Ərciyəz Universitetinin və Talas Rayon Bələdiyyəsinin birgə təşkilatçılığı ilə “Müasir dünyada dialoq” mövzusunda konfrans keçirilib, Xocalı parkının və Xocalı soyqırımı qurbanlarının xatirəsinə ucaldılmış abidənin açılışı olub.

"Ölkə.Az" AzərTac-a istinadən xəbər verir ki, Azərbaycan Respublikası Prezidentinin ictimai-siyasi məsələlər üzrə köməkçisi–şöbə müdiri Əli Həsənov tədbirlərdə iştirak edib.

Kayseri şəhərinin Talas bələdiyyəsi ərazisində Xocalı parkının və Xocalı soyqırımı qurbanlarının xatirəsinə ucaldılmış abidənin açılış mərasimi keçirilib.

Əvvəlcə ulu öndərlər Heydər Əliyevin və Mustafa Kamal Atatürkün, eləcə də Xocalı şəhidlərinin xatirəsi bir dəqiqəlik sükutla yad olunub.

Azərbaycanın və Türkiyənin dövlət himnləri səsləndirilib.

Xocalı soyqırımını bəşəriyyətə qarşı cinayət kimi dəyərləndirən Talas Rayon Bələdiyyəsinin sədri Mustafa Palancıoğlu bu faciəni törədənlərin beynəlxalq ədalət məhkəməsi tərəfindən mühakimə olunmasının vacibliyindən danışıb. Bələdiyyə sədri qeyd edib ki, bütün Türkiyə xalqı Xocalı soyqırımını öz dərdi kimi yaşayır. Bu parkda Xocalı şəhidlərinin hər birinin xatirəsinə ehtiram əlaməti olaraq 613 ağac əkilib.

Sonra çıxış edən Ramin Qasımov Xocalı parkının və abidəsinin açılışında Rusiyanı təmsil edən geniş heyətin iştirakının önəmini bildirib. O vurğulayıb ki, Xocalı şəhərində beynəlxalq hüququn qadağan etdiyi faşist əməlləri törədilib. Bu gün biz Rusiya nümayəndə heyəti olaraq burada iştirak edir və bu qətliam barədə həqiqətləri bütün dünyaya çatdırmaq istəyirik. Biz bu faciəni heç vaxt unutmayacağıq. Bu dəhşətli faciəni yaşayan şahidlərin danışdıqlarını eşidənlər göz yaşlarını saxlaya bilmirlər. Əminik ki, bu qətliamı törədənlər gec-tez öz cəzalarını alacaqlar.

Dmitri Savelyev çıxışında bildirib ki, 26 il əvvəl Xocalıda dəhşətli faciə törədilib, dinc sakinlərə hücum edilib. Bu cinayət nəticəsində 613 günahsız insan qətlə yetirilib. Bu, soyqırımıdır. Bunu törədənlər isə indiyədək cəzalarını almayıblar. Biz hamılıqla çalışmalıyıq ki, Xocalı soyqırımı barədə həqiqətləri bütün dünyaya çatdıraq və bu faciəni törədənlər cəzalarını alsınlar. Türkiyədə təhsil alan xarici tələbələr öz dövlətlərinin rəhbər şəxslərinə təsir göstərməli, Xocalı soyqırımı ilə bağlı ölkələrinin parlamentlərinə çağırış etməlidirlər. Belə bir vəhşiliyin cəzasız qalmaması üçün onlar təbliğat işlərinə qoşulmalıdırlar.

Xocalı soyqırımını təkcə Azərbaycanın yox, bütün insanlığın faciəsi kimi dəyərləndirən Şamil Ayrım bildirib ki, Ermənistan təcavüzkar siyasətindən əl çəkməli, işğal altındakı Azərbaycan torpaqlarını geri qaytarmalıdır. O deyib ki, bu gün Türkiyə xalqı Xocalı soyqırımı acısı ilə yaşayır. Hər kəs bu soyqırımı barədə məlumatlandırılmalıdır. Videolar, fotolar, şahidlər var, amma dünyanın böyük bir hissəsi yenə də susur. Xocalı soyqırımını bütün dövlətlər tanımalıdır.

Milli Məclisin deputatı Elman Məmmədov 1992-ci fevralın 25-dən 26-na keçən gecə şahidi olduğu soyqırımı barədə dəhşətləri tədbir iştirakçıları ilə bölüşüb. O deyib ki, həmin gecə ermənilər qocalara və qadınlara, uşaqlara rəhm etməyiblər. Bu soyqırımını təcavüzkar Ermənistan dövləti və erməni terror təşkilatları törədib. Cəsədlər təhqir olunub. Bu cinayəti törədənlər bu gün sərbəst gəzirlər, beynəlxalq tribunlarda onlara söz demək üçün şərait yaradılır.

Ərciyəz Universitetinin məzunu Nəcəf Qəmbərov əmin olduğunu bildirib ki, Dağlıq Qarabağ problemi gec-tez beynəlxalq hüququn normaları əsasında öz həllini tapacaq. Azərbaycan işğal altında olan ərazilərini təcavüzkardan azad edəcək və bir gün Xocalı şəhərində Kayseri parkı salınacaq.

Xocalı parkının salınması və şəhidlərin xatirəsinə abidə ucaldılmasında əməyi olan bütün şəxslərə Azərbaycan dövləti adından təşəkkürünü ifadə edən Prezidentin köməkçisi Əli Həsənov Xocalı soyqırımının dəhşətləri barədə danışıb. Sovetlər İttifaqı dağılandan sonra əhatə dairəsinə və cinayətin metodologiyasına görə ən dəhşətli faciənin Xocalı soyqırımı olduğunu diqqətə çatdıran Prezidentin köməkçisi deyib ki, 26 ildir bu qanlı cinayətin acılarını yaşayırıq. Xocalı soyqırımını törədənlər Ermənistan dövlətinə rəhbərlik ediblər, onlara BMT tribunasında meydan verilib. Biz Xocalı haqqında həqiqətləri dünyaya çatdırmaqla, Xocalı barədə kitablar nəşr etdirməklə, abidələr qoymaqla erməni xalqına qarşı düşmən əhval-ruhiyyəsi aşılamaq istəmirik. Biz erməni xalqının içərisindən çıxmış, uzun müddət hakimiyyətdə olmuş o cinayətkarları dünyaya tanıtdırmaq istəyirik. Bunların törətdiyi əməllərin mahiyyətini dünyaya çatdırmaq istəyirik ki, bir də tarixdə belə qanlı faciələr təkrarlanmasın. Tarix buna qiymət vermədikcə belə halların təkrarlanması mümkün ola bilər. Buna görə də sülhsevər bəşəriyyəti bu faciəyə düzgün qiymət verməyə çağırırıq.

Ölkə.Az

ŞƏRH YAZ
0

Mehriban Əliyeva şəhid ailələrinin ev probleminin həlli ilə bağlı göstəriş verib — FOTO

Mehriban Əliyeva şəhid ailələrinin ev probleminin həlli ilə bağlı göstəriş verib
20:29
08.07.2020
769
Siyasət
A
“2016-cı ilin aprel döyüşlərində şəhid olan gizirlər Adil Adilzadənin və Teymur Qasımovun Mingəçevirdə yaşayan, təşkilatımızın üzvü olan ailələri tərəfindən mənzil şəraitinin yaxşılaşdırılması ilə bağlı müraciətə Heydər Əliyev Fondunun prezidenti Mehriban xanım Əliyeva tərəfindən dərhal müsbət münasibət bildirildi”.

"Ölkə.Az" APA-ya istinadən xəbər verir ki, bunu “Zəfər” Şəhid Ailələrinə Dəstək İB-nin sədri, aprel şəhidi Raquf Orucovun həyat yoldaşı Sevinc Orucova bildirib.

Onun sözlərinə görə, hər iki ailə uzun müddətdir, çətin şəraitli, qəzalı vəziyyətdə olan evdə yaşayıb: “Bizim təşkilata - "Zəfər" Şəhid Ailələrinə Dəstək İctimai Birliyinə qəza vəziyyətində olan evlərinin təmiri ilə əlaqədar ünvanlanmış müraciətlə bağlı Heydər Əliyev Fondunun rəhbərliyinə məlumat verdik.

Fondun prezidenti Mehriban xanım şəhid ailələrinin qəzalı vəziyyətdə olan evlərinin əvəzinə, bütün məişət təminatı ilə birlikdə yeni fərdi yaşayış sahəsinin tikilib təhvil verilməsinə dair göstəriş verib.

Ən qısa zamanda yeni fərdi yaşayış evləri tikilərək hər iki şəhid ailəsinə təhvil veriləcək.

Mehriban xanımın bu addımı bir daha sübut edir ki, ölkəmizdə koronavirus pandemiyasına qarşı mübarizə apardığımız bir dövrdə heç bir sosial layihə diqqətdən kənarda qalmayıb. Şəhid ailələrinin sosial-məişət problemləri ən yüksək səviyyədə həllini tapır.

Hər bir şəhid ailəsi qəhrəmanlarımızın bizlərə əmanətidir. Hər kəs bu əmanətə sayğı duymağa, qayğı göstərməyə çalışmalıdır. Bizlərə ən mükəmməl örnək Mehriban xanımdır.

“Zəfər” Şəhid Ailələrinə Dəstək İctimai Birliyi olaraq, təşkilatımızın və şəhid ailələri adından göstərilən diqqət və qayğıya görə Heydər Əliyev Fondunun prezidenti Mehriban xanım Əliyevaya təşəkkürümüzü bildiririk”.

Ölkə.Az

ŞƏRH YAZ
0

Eyyub Hüseynov: “İcra Hakimiyyətinin göstərişi mağaza sahibinin hüququnun pozulmasıdır” — VİDEO

Eyyub Hüseynov: “İcra Hakimiyyətinin göstərişi mağaza sahibinin hüququnun pozulmasıdır”
18:07
08.07.2020
962
Siyasət
A
“Nazirlər Kabinetinin tərtib etdiyi qaydalardan kənara çıxılıbsa, bu, mağaza sahibinin hüquqlarının pozulması deməkdir”.
 
Ölkə.Az oxu.az-a istinadən xəbər verir ki, bu barədə Azad İstehlakçılar Birliyinin (AİB) sədri Eyyub Hüseynov Sabunçu Rayon İcra Hakimiyyəti tərəfindən Bakıxanov qəsəbəsində yerləşən “Megastore” mağazasında baş verən qanun pozuntusuna münasibət bildirərkən danışıb.
 
Belə ki, Sabunçu Rayon İcra Hakimiyyəti nümayəndələri tərəfindən sözügedən mağazada keçirilən reyd zamanı mağaza rəhbərliyinə karantin rejimi çərçivəsində Nazirlər Kabineti tərəfindən tərtib edilən qaydaların pozulduğu bildirilərək, xəbərdarlıq olunub. Növbəti dəfə həmin şöbələrin çalışdığı müşahidə edilərsə, cərimə tətbiq olunacağı vurğulanıb.
 
Söhbət hansı qanun pozuntusundan gedir? Nazirlər Kabineti tərəfindən karantin rejimi çərçivəsində fəaliyyətinə icazə verilən və fəaliyyəti məhdudlaşdırılan sahələr arasında bu məsələ öz əksini tapıbmı? Bu, mağaza sahibinin hüquqları pozulması demək deyilmi?
 
E.Hüseynov məsələ ilə bağlı açıqlamasında bunun hüquqi məsələ olduğunu və mağaza sahibinin hüquqlarının pozulmaması üçün dərindən araşdırılmalı olduğunu bildirib:
 
“Əgər reyd zamanı mağazanın sözügedən şöbəsində uşaqların sıx toplaşması, oynaması kimi məqamlar müşahidə edilibsə, bəlkə də, bu nöqteyi-nəzərdən qadağa qoyulub. Ya da Nazirlər Kabineti yanında operativ qərargahın tərtib etdiyi qaydalar birmənalı deyil.
 
Belə çıxır ki, qeyd edilən məsələlərə məhz bu kimi qarışıqlıq yaradan mövzular üzərindən yenidən baxılmalı, çeşidlənməli, ayrı-ayrı şəraitlərdə fəaliyyət göstərən mağazalara uyğun şəkildə tərtib olunmalıdır.
 
Əgər qərarda tələblər tam və əhatəli izah olunubsa, qeyd edilən məqamlar üzrə qayda pozuntusu yoxdursa, bu addım mağaza sahibinin hüququnun pozulması kimi qiymətləndirilir.
 
Geniş supermarketlərin digər mağazalardan fərqi vətəndaşın orada almaq istədiyi əksər malları rahatlıqla tapa bilməsidir. Bütün hallarda məsələ araşdırılmalıdır”.
 
Xatırladaq ki, ötən gün paytaxtın Sabunçu rayonu Bakıxanov qəsəbəsində yerləşən “Megastore” mağazasında Rayon İcra Hakimiyyəti tərəfindən reyd keçirilib. Mağaza daxilində fəaliyyət göstərən bir neçə şöbənin (Oyuncaq və tekstil şöbələri - red.) bağlanması tapşırılıb. Sabunçu Rayon İcra Hakimiyyəti tərəfindən keçirilən reyddə icra başçısı Adil Vəliyev də iştirak edib.

ŞƏRH YAZ
0
BAĞLA