Kazbek Tuayev Nazim Süleymanovu
"Ölkə.Az" xəbər verir ki, bunu AFFA İcraiyyə Komitəsinin üzvü Kazbek Tuayev deyib. O, Nazim Süleymanovun rəhbəri olduğu AFFA Həmkarlar İttifaqı ilə bağlı tənqidi fikirlər səsləndirib.
Tuayev həmkarını bacardığı işlə, məşqçiliklə məşğul olmağa dəvət edib: "Nazim Süleymanov gözəl futbolçu olub. Lakin məşqçi kimi işləri heç də yaxşı alınmadı. Hər yaxşı futbolçu heç də həmişə yaxşı məqşçi olmağı bacarmır. Amma düşünürəm ki, Süleymanov üçün heç də hər şey bitməyib. Heç bir işlə məşğul olmadan futbol xadimi kimi davranmaq, özünü insanların hüquqlarının müdafiəçisi kimi təqdim etmək lazım deyil.
Ələlxüsus, o insanların belə müdafiəyə ehtiyacı olmadığı halda. Baş katib Elxan Məmmədov təxminən 3 ay əvvəl Nazim Süleymanovu nümayəndə heyəti ilə birgə qəbul edib. Həmin heyətə, yumşaq desək, futbol keçmişi heç də şəffaf olmayan bəzi şəxslərin də daxil olduğunu bilirəm.
Baş katib görüşə gələnləri dinlədikdən sonra xahiş edib ki, müvafiq hüquqi sənədlər təqdim olunsun. 3 ay keçib və sənədlər barədə hələ də xəbər yoxdur.
Hesab edirəm ki, AFFA-ya anlaşılmaz üsullarla müraciət etmək əvəzinə, sənədləri təqdim etmək lazım idi. İcraiyyə Komitəsinin üzvü olaraq, Nazim Süleymanovun digər futbol veteranları ilə münaqişə yaratmasını yolverilməz hesab edirəm".
