Keçmiş məhkum avtomobili soydu
Soyğunçuluq etməkdə şübhəli bilinən şəxs Yasamal polisi tərəfindən saxlanılıb.
"Ölkə.Az" xəbər verir ki, Yasamal RPİ-nin 29-cu Polis Şöbəsinə müraciət edən Şamaxı rayon sakini V.Ağakişiyev M.Həsənov küçəsində naməlum şəxsin onun “VAZ-2104” markalı avtomobilindən 100 manatını götürüb qaçdığını bildirib. Müraciətlə əlaqədar dərhal əməliyyat-axtarış tədbirlərinə başlanılıb və qısa müddətdə soyğunçuluğu törətməkdə şübhəli bilinən şəxs polis əməkdaşları tərəfindən saxlanılıb.
Araşdırmalarla onun Cəlilabad rayon sakini, əvvəllər məhkum olunmuş E.Kazımov olduğu müəyyən edilib.
Faktla bağlı araşdırma aparılır.
Natiq Allahverdiyev
Ölkə.Az
