Keçmiş məhkumdan qonşu qadına qarşı İYRƏNC HƏRƏKƏT
Qonşusunun boynundakı 1200 manat dəyərində qızıl boyunbağını qıraraq aparmaqda şübhəli bilinən şəxs saxlanılıb.
"Ölkə.Az" xəbər verir ki, Suraxanı RPİ 31-ci Polis Bölməsinə müraciət edən Suraxanı qəsəbəsində yaşayan bir qadın oktyabrın 2-də həyətində qonşusunun onun boynundakı 1200 manat dəyərində qızıl boyunbağını qıraraq aparmasını bildirib.
Keçirilmiş əməliyyat-axtarış tədbirləri nəticəsində bu cinayət əməlini törətməkdə şübhəli bilinən, əvvəllər oğurluq, soyğunçuluq, narkotiklərlə əlaqəli cinayətlərə görə məhkum olunmuş qəsəbə sakini E.Səfərov saxlanılıb.
Faktla bağlı cinayət işi başlanılıb.
Natiq Allahverdiyev
Ölkə.Az