“Kedicik”lərin əfəndisi Adnan Oktar həbs edildi

“Kedicik”lərin əfəndisi Adnan Oktar həbs edildi
09:25
11.07.2018
4833
Dünya
A
Türkiyədə hazırladığı verilişlərlə tez-tez tənqid edilən Adnan Oktar və 200 müridi saxlanılıb.

 “Ölkə.Az” xəbər verir ki, Adnan Oktar azyaşlı uşaqlara təcavüz, mütəşəkkil cinayətkar dəstə qurmaq, beynəlxalq casusluq, çirkli pulların yuyulması, təhdid və şantaj maddələri ilə ittiham edilir.

Türk mətbuatının xəbərinə görə, Çengelköy səmtindəki evində saxlanılan Adnan və mühafizəçiləri polisə müqavimət göstərib. Əməliyyat nəticəsində çoxlu silah, zirehli jilet, zirehli avtomobil ələ keçirilib. Bundan başqa Adnanın verilişlərini canlı yayımlayan “A9TV”yə də səhər saatlarında əməliyyat təşkil edilib.
Polisə Adnan və müridləri barədə çoxsaylı şikayət daxil olub. Şikayət edənlər arasında azyaşlı qız uşaqlarının ailələri, aldadılanlar, qruplaşmadan ayrıldığı üçün iftira və şantaja məruz qalanlar var.

Hikmət Həsənov
Ölkə.Az

ŞƏRH YAZ
1

Modelin üzünə xlor turşusu tökən köhnə sevgilisinə 15 həbs cəzası verildi — FOTO

Modelin üzünə xlor turşusu tökən köhnə sevgilisinə 15 həbs cəzası verildi
17:00
Bu gün
105
Dünya
A
2007-ci ildə "Miss İtaliya" gözəllik yarışına qatılan, modellik edən və Rimini şəhərində delfin akvariumunda işləyən Gessika Notaro 2017-ci ilin yanvarında köhnə sevgilisi Edson Tavares tərəfindən hücuma məruz qalmışdı.

"Ölkə.Az" xəbər verir ki, hadisəni törədən Tavares 15 il 5 ay 20 gün həbs cəzası alıb.

Notaro Tavareslə ayrıldıqdan sonra uzun müddət onu narahat etdiyinə görə məhkəmənin qərarı ilə uzaqlaşdırma qərarı almışdı. 30 yaşındakı Tavares hidroxlor hücumundan sonra ötən il 18 il həbs cəzası almışdı.

Appelyasiya şikayətindən sonra isə Bolonya Appelyasiya Məhkəməsi cəzanı nisbətən yüngülləşdirib. Məhkəmə iclasında danışan Notaro qərardan məmnun olduğunu bildirib.

"Məhkəmədə qərar oxunarkən Edson dönüb mənə baxdı. Provokativ baxışı vardı. Bu cür bitməsi inanılmazdır, bir film kimidir. 3 il boyunca birlikdə yatdığım biri idi. Amma bunu özü istədi".

Ölkə.Az

 

ŞƏRH YAZ
0

Hindistanda partlayış törədilib, ölənlər və yaralananlar var — VİDEO

Hindistanda partlayış törədilib, ölənlər və yaralananlar var
14:36
Bu gün
976
Dünya
A
Hindistanın Amritsar şəhərində partlayış törədilib.

"Ölkə.Az" məlumat verir ki, bu barədə polisdən bildirilib.

Məlumata görə, hadisə Radjanasi qəsəbəsində baş verib. Üzlərində maska olan iki nəfər motosikletlə ibadət evinin qarşısına gələrək, içəri qumbara atıblar.

Partlayış nəticəsində 3 nəfər həlak olub, daha 10 nəfər müxtəlif dərəcəli bədən xəsarətləri alıb. 

Cinayətkarlar hadisə yerindən qaçaraq gizləniblər. Hadisənin başvermə şəraiti müəyyənləşdirilir.

Ölkə.Az

ŞƏRH YAZ
0
BAĞLA