Kemal Sunalın "hakim əmi"si vəfat etdi

Kemal Sunalın
10:55
11.08.2017
169
Dünya
A
Bir çox filmdə Kemal Sunal ilə tərəf müqabili olan aktyor Seyfəddin Karadayı vəfat edib.

"Ölkə.Az" xəbər verir ki, aktyor "Yeşilçam"ın bir çox usta aktyoru ilə tərəf müqabili olub.

Aktyorun ölüm xəbərini Onur Akay İnstaqram səhifəsində bildirib. Akay yazıb: "O "Yeşilçam"ın yaşayan ən yaşlı aktyoru idi. Kemal Sunal ilə 12 filmə çəkilən Seyfəddin Karadayı ümumilikdə 750 filmdə iştirak edib. Bu gün 94 yaşında vəfat edib. Artıq vidalaşırıq".

Seyfəddin Karadayı Mahsun Kırmızıgülün "Beyaz Melek" filmində də iştirak etmək istəyib. Amma bu ona nəsib olmayıb.

Bu gün Levent məscidində günorta namazından sonra aktyorun cənazə namazı qılınacaq. Sonra isə Yeniköy qəbirsanlığında dəfn ediləcək.

Karadayı 1923-cü ildə anadan olub və "Kara Harp Okulu" məzunudur. 46 yaşında polkovnik kimi istefaya çıxdıqdan sonra aktyorluğa keçib.

Hikmət Həsənov
Ölkə.Az

ŞƏRH YAZ
0

Türkiyə ordusundan Afrində daha bir uğur — Strateji yüksəklik ələ keçirildi + FOTO

Türkiyə ordusundan Afrində daha bir uğur
20:57
Bu gün
58
Dünya
A
Türkiyə ordusu Suriyanın şimalındaki Afrin bölgəsində “Zeytun budağı” əməliyyatını uğurla davam etdirir.

“Ölkə.Az” xəbər verir ki, bu barədə Türkiyə Silahlı qüvvələri məlumat yayıb. Bildirilib ki, ordu əməliyyat çərçivəsində Burseya strateji yüksəkliyini ələ keçirib. 10 terrorçu isə əsir götürülüb.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.

Əməliyyata ilk öncə Türkiyə Hərbi Hava Qüvvələrinin 72 ədəd “ F-16” təyyarəsi cəlb edilib. Türkiyə hərbçiləri “Azad Suriya ordusu” müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.

Verilən məlumatlara görə, əməliyyatın ilk günü Türkiyə döyüşçüləri Afrinin 3.5 kilometrliyinə qədər irəliləyiblər. Hələlik terrorçular onlara güclü müqavimət göstərə bilməyiblər. Əməliyyatlar zamanı terrorçular çox sayda canlı qüvvə itiriblər.

Ziya Səccad
Ölkə.Az

ŞƏRH YAZ
0

Moskvanın sərt bəyanatı — "Yəmən dərhal blokadadan azad edilməlidir"

Moskvanın sərt bəyanatı
18:20
Bu gün
369
Dünya
A
Rusiyanın XİN rəhbəri Sergey Lavrov Yəmən blokadası ilə bağlı bəyanat səsləndirib.

"Ölkə.Az" xəbər verir ki, üç ildir vətəndaş müharibəsi gedən ölkə blokadaya alınıb.

Nazir Lavrov yəmənli həmkarı Abdul Malik Əl-Məhləfi ilə görüşündə deyib: "Rusiya ərəb koalisiyasının Yəmənistanın Xodeyda limanındakı blokadanı yumşaltması barədə qərarını alqışlayır. Bu liman Yəmənin əsas şəhərini və şimal vilayətini xarici dünya ilə birləşdirən əsas nəqliyyat dəhlizidir. Əsas məsələ hava və sudan olan blokadanı tam aradan qaldırmağa nail olmaqdır".

Hikmət Həsənov
Ölkə.Az

ŞƏRH YAZ
0
BAĞLA