Kənan İmirzalıoğlu və Cansu Dərə yeni serialda
"Ezel" serialında baş rol ifaçısı olan Kənan İmirzalıoğlu və Cansu Dərə yeni serialda rol alacaqlar.
"Ölkə.Az" xəbər verir ki, cütlük "Fatih" serialında tərəf müqabili olacaq.
Osmanlı dövlətinin ən tanınmış sultanlarından olan və 21 yaşında İstanbulu fəth edən Fatih Sultan Mehmetin həyatından bəhs edən serial "Fatih" adlanır.
Serialda kamera qarşısına keçəcək aktyor heyəti dəqiqləşdirilir.
Bildirilir ki, Fatih Sultan Mehmet obrazını Kənan İmirzalıoğlu canlandıracaq. Onun tərəf müqabili isə Cansu Dərə olacaq. Layihədə 15 məşhur aktyor iştirak edəcək. Artıq Fahriye Evcen, Çetin Tekindor kimi məşhurlarla danışıqlar aparılır.
Film Bursanın Karacabey rayonunda və İstanbulun tarixi məkanlarında lentə alınacaq.
Hikmət Həsənov
Ölkə.Az
