Kənandan nümunəvi addım — VİDEO

Kənandan nümunəvi addım
11:38
13.06.2018
5523
Maqazin
A
Rejissor Kənan M.M Əşrəf adlı fiziki qüsurlu pərəstişkarı ilə görüşüb.

"Ölkə.Az"ın məlumatına görə, o, bu barədə sosial şəbəkədəki hesabında yazıb:

"Düşündüm ki, bu görüntüləri paylaşmağım birmənalı qarşılanmaya bilər. Bir ay öncə xanım mənə yazdı ki, Əşrəf adlı balamız var, qüsurludur, ən böyük arzularından biri sizi görməkdir. Xalqın sevgisi önündə boynum qıldan incədir.  Bu gün Əşrəf balamızın 16 yaşı tamam olur. Bir insanın gülüşü dünyanın ən böyük xəzinələrindən daha bahalı, daha vacibdir. Qəlbimin səsi məni Əşrəfə götürdü. Hisslərimi anlatmaqda acizəm". 

Rejissor bildirib ki, Əşrəfin arzuladığı digər sənət adamı xalq artisti Murad Dadaşovdur:
"Söhbət əsnasında bəlli oldu ki, müğənni Mirkamil Kamilov tez-tez bu ailəyə baş çəkir. Sevindim, duyğulandım. Əşrəfin görmək istədiyi insanlardan biri hamımızın sevimlisi, xalq artistimiz Murad Dadaşovdur.  İnanıram ki, bir gün Murad bəy də bu balamızı sevindirəcək. Bir-birinizi sevin. Həyat paylaşdıqca və sevdikcə daha gözəldir. Allah hamınızdan razı olsun".

İntiqam VALEHOĞLU  
Ölkə.Az

ŞƏRH YAZ
0

"Serenay dünyanın ən gözəl qadınıdır" — Dünyanın ən yaraşıqlı türk kişisi

22:35
22.06.2018
3061
Maqazin
A
"Dünyanın ən yaraşıqlı 100 kişisi" siyahısına daxil olan Kerem Bürsin 3 illik sevgilisi Serenay Sarıkayanın dünyanın ən gözəl qadını olduğunu deyib.

"Ölkə.Az" Türkiyə mətbuatına istinadən xəbər verir ki, dünən Serenay Sarıkaya və Jabbarın "Magnum" üçün səsləndirdikləri "Həzz" adlı mahnının təqdimat mərasimi keçirilib. Gecədə aktrisanın sevgilisi Kerem Bursin də iştirak edib.

Sevgilisini tək qoymayan Kərəm Bürsin "Dünyanın ən yaraşıqlı 100 kişisi" siyahısına daxil edildiyi üçün özünü çox xoşbəxt hiss etdiyini deyib: "Bu nəticə nə qədər doğrudur, bilmirəm. Mən dünyanın ən yaraşıqlı 100 kişisi siyahısındayammı, bilmirəm. Amma Serenay dünyanın ən gözəl qadınıdır".

S.Sarıkaya isə sevgilisi Kerem Bursinin "Dünyanın ən yaraşıqlı 100 kişisi" siyahısına düşməsi haqqında bunları deyib: "Çox qürurvericidir. Türk kişiləri diqqət çəkir, bu, gözəl haldır".

Ölkə.Az

ŞƏRH YAZ
0

"Ərə getdiyim kişi nəslimi də saxlamalıdır, məcburdur" — Xoşqədəm Hidayətqızı

22:06
22.06.2018
3489
Maqazin
A
Aparıcı Xoşqədəm Hidayətqızı ilə şairə Nazilə Səfərli arasındakı qalmaqal məhkəməlik olub.

"Ölkə.Az" axşam.az-a istinadən bildirir ki, N.Səfərli aparıcı haqda "Ərim keçmişdə Xoşqədəmi yox, məni aldığını indi məndən qisas alır" sözlərini deyib. X.Hidayətqızı qarşı tərəfə "Səni axtarıram" verilişində cavab verib:

"Nazilə Səfərli, səni məhkəməyə verdim. Şər və böhtan atdın, dünəndən işlər başlayıb. Bunu mənə sübut edəcəksən. Ailəmə dil uzatmısan. Həyat yoldaşım idmanla məşğul olan, sözünü deyən biridir. Amma mən məhkəməni seçdim. Mənim həyat yoldaşımın harada yaşamasının nə fərqi var? Biz ailə quranda hər ikimiz öhdəliyimizi bildirdik. Nə mən, nə də yoldaşım pul üçün ailə qurmadıq. Hamı gözləyirdi ki, bu gün evləndi, sabah ayrılacaqlar. 

Nazilənin ərinin necə adam, kişi olduğunu bilmirəm. Naziləyə sual verirlər ki, ailədə son qərarı kim verir? Cavab verir: "Pulu kim çox qazanırsa, o da son qərarı verir. Yoldaşım metropolitendə işləyir, ayda 400 manat maaş alır. Mənim təkcə aylıq benzinimin pulu 400 manatdı". 

Mən Xoşqədəm Hidayətqızı ailəni saxlayan, benzin pulumu verən kişiyə ərə gedirəm. Mənim saxlayacağım kişiyə ərə getmərəm, ailəm belə qoymaz bunu. Atam işləməyən, əlində sənəti olmayan kişiyə qız verməzdi. İlk həyat yoldaşım da, indiki də qazanıb.

Heç vaxt mən evə pul aparmamışam. Bəli, mən indi qazanıram, amma Doğuş bəyin bir konsertdə qazandığını mən 1 il boyunca qazana bilmirəm. Bir də mən həyatı boyu ailəsini saxlaya bilməyən evinə, uşağına baxa bilməyən kişiyə ərə gedib evimə gətirmərəm. Nə də yanımda saxlamaram. Çünki mən qadınam, o kişini əzmərəm. Niyə o kişini əzirəm ki? 

Məni saxlayan, uşaqlarını, evini saxlayan, hələ mənim ailəmə də kömək edən kişiyə ərə gedərəm. Ailəmə də kömək etməlidir. Mənim atam, anam, bacım, nəslimdən birinin ehtiyacı varsa, onlara da kömək etməyə məcburdur. Çünki mənim yaxınlarımdır".

Qeyd edək ki, Nazilə Səfərlinin qardaşı arvadı Pərvanə Xoşqədəm Hidayətqızının verilişində şairənin ailəsi haqda qalmaqallı açıqlamalar verib. O, 3 illik həyat yoldaşından boşanmasında baldızlarının və qayınanasının əli olduğunu söyləyib. Pərvanə Nazilə Səfərlidən kömək istədiyini, ama heç bir yardım görmədiyini bildirib. Aparıcı ilə şairə arasında qalmaqal bundan sonra başlayıb.

Ölkə.Az

ŞƏRH YAZ
0
BAĞLA