Kənd Təsərrüfatı Nazirliyi fermerlərin iştirakı ilə təlimlər keçirib
Füzuli və Beyləqan rayonlarında Kənd Təsərrüfatı Nazirliyinin mütəxəssisləri tərəfindən sahə nümayişi və təlimlər keçirilib.
"Ölkə.Az"a nazirllikdən verilən məlumata görə, təlimlərdə fermerlərin iştirakı ilə pambığın becərilməsi, aqrotexniki qulluq məqsədilə müxtəlif texnikalardan istifadə, zərərvericilərlə mübarizə tədbirlərinin aparılması, müxtəlif tərkibli pestisidlərdən istifadə qaydası öyrədilib.
Sahə nümayişlərində müxtəlif texniki vasitələrin istifadə qaydaları və onların tənzimlənməsi mexanizatorlar tərəfindən əyani şəkildə göstərilib.
Təlimlərdə fermerlərlə geniş müzakirələr aparılıb və onların sualları ətraflı şəkildə cavablandırılıb.
Ölkə.Az
