Kərim hönkür-hönkür ağladı — VİDEO

Kərim hönkür-hönkür ağladı
15:51
15.05.2019
1637
Maqazin
A
ARB TV-nin “Səhər-Səhər” proqramında ifaçı Kərim Abbasovun atasının yas mərasimindən olan görüntüləri nümayiş olunub.

"Ölkə.Az" xəbər verir ki, atasını itirən müğənni hələ onun yoxluğunu anlaya bilmədiyini deyib:

“Mənim Kərim olmağıma, özümü tapmağıma səbəb olan insanı itirdim. Hələ şokdayam. Elə bilirəm haradadırsa, gələcək. 25 ildir ürək xəstəsi idi. Sadəcə son 15-20 gün yata bilmirdi. Elə bilirdik yata bilməməyi ürəyindəndir. Amma böyrəklərindənmiş. Yazıq, gün görməyən atam. Sonuncu dəfə, ötən gün yanında oldum. Soruşdum, nə edim sənin üçün? Dedi, nə edə bilərsən? Əzrayıl dayanıb burada. Həmin axşam da keçindi. Elə yanıram. Mənə də ata lazımdır”.

Ölkə.Az

ŞƏRH YAZ
0

"Əxlaqsız insanla erməninin fərqi yoxdur" — Nadir Qafarzadə qalmaqallı açıqlamasına AYDINLIQ GƏTİRDİ

13:50
Bu gün
1435
Maqazin
A
Müğənni Nadir Qafarzadə son günlər sosial mediada etirazlara səbəb olan "pis qadının başı kəsilməlidir" açıqlamasına aydınlıq gətirib.

Sənətçi "Ölkə.Az"-ın əməkdaşı ilə söhbətində bildirib ki, onu tənqid edənlər pis yola meylli insanlardır:

"Məndən soruşuldu ki, Türkiyədə bir qadın keçmiş həyat yoldaşı tərəfindən qətlə yetirilib, münasibətiniz necədir? Çünki mənim o hadisədən xəbərim yoxdur. Harda nəyin baş verdiyi marağımda deyil. Evimdə baş verənlərə cavabdehəm, öz işimlə məşğulam və kənardakılara görə cavabdeh deyiləm. Bu dəqiqə hamı öz probleminin ardınca qaçır. Yazırlar ki, can almaq Allaha məxsusdur. Mən də bu fikirlə razıyam. Əgər belədirsə, erməninin də canını almayaq. Sözümdə məntiq varmı? Mənə görə pozğun insanla erməninin arasında heç bir fərq yoxdur. Erməni torpaqlarımızı zəbt edib, pozğun insan da cəmiyyəti korlayır. Allahın verdiyi bədəni alver vasitəsinə çevirərək, Azərbaycan cəmiyyətini korlayan insanla erməninin fərqi yoxdur. Bizim gözəl ailələrimiz, yaxşı qızlarımız, gəlinlərimiz, oğlanlarımız var. Belələri həmin yaxşıların gələcəyi üçün təhlükə və ləkədirlər.

Mənim fikrimə qarşı çıxanlar pis yola meylli insanlardır. Deyirlər ki, it itin ayağını tapdalamaz. İstər qadın, istər kişi, əgər pozğundursa, bu, cəmiyyət üçün zəhərli ilan deməkdir". 

N.Qafaradə bildirib ki, əxlaqında problem olan insanlar cəmiyyətdən təcrid edilməlidir:

"Belə insanları cəmiyyətdən xaric etmək etmək lazımdır.  Öldürməkmi, ölkədən çıxartmaqmı, hansısa vasitəylə bu, olmalıdır. Əgər biz gözəl cəmiyyət qurmaq istəyiriksə, belə adamlarla bir yerdə yaşamamalıyıq. Elə adamlar yabanı bitkilərdi, harda gəldi yaşayırlar, harda olsa pozğunluq edirlər, yer, zaman anlayışları yoxdur. Şəxsən mən belələrinə görə ailəmlə şəhərə çıxmağa utanıram. Niyə mən belələrinə görə ev dustağı olmalıyam? Qadın adı ləkəni tez götürür. Çünki qadın adının məsuliyyəti də çox ağırdır və buna görə də qadın öz adını kişidən də çox qorumalıdır. Azərbaycan qadınının adı hər zaman uca olub". 

Qeyd edək ki, N.Qafarzadənin  Türkiyənin Kırıkkale bölgəsində 38 yaşlı Emine Bulutun keçmiş həyat yoldaşı tərəfindən dəhşətli şəklildə övladının gözü qarşısında öldürülməsinə münasibət bildirərkən səsləndirdiyi bu fikirlər etirazla qarşılanmışdı: 

“Bu hadisə qeyrətsizlik səbəbindən baş veribsə, ərinin onun başını kəsməsi düzdür. Pis qadının başı kəsilməlidir. Əgər qadın pozğunluq edirsə, kişi ona dözməlidir? Mən dəqiq bilmirəm, o cinayətin baş vermə səbəbi nədir. Mən inanmıram ki, kişi başqa hansısa səbəbdən bunu etsin”. 

İntiqam VALEHOĞLU
Ölkə.Az

ŞƏRH YAZ
0

Əməkdar artistin çəkildiyi Bollivud filminin kadrarxasından MARAQLI MƏQAMLAR — FOTO / VİDEO

Əməkdar artistin çəkildiyi Bollivud filminin kadrarxasından MARAQLI MƏQAMLAR
13:30
Bu gün
1491
Maqazin
A
Xəbər verdiyimiz kimi, əməkdar artist Cavanşir Hadıyev Bollivud filmində baş rolda oynayır.

"Ölkə.Az" xəbər verir ki, aktyor hazırda çəkilişləri davam edən 2 seriyalı kriminal-dram-döyüş janrında filmin çəkilişlərindən kadrları və rejissorla aralarındakı söhbətin bəzi məqamlarını sosial şəbəkədə paylaşıb: 

"Quruluşçu rejissor Ahmad İbrahim əsl alicənab insan və aktyoru hiss edən bir rejissor. Uzaqdan görürəm ki kiməsə işarə edir gedin aktyorun üst geyimini soyundurun ona istidir. Onunla olan ilk söhbətimizdə  bildirmişdim ki, obrazım müsəlman terrorçudursa və yaxud ssenaridə antiİslam və antiPakistan işarələri cüzi da olsa varsa, mən razı deyiləm və gedirəm. O mənə bildirdi ki, bütün ailəm mömindir, evimdəki qadınların hamısı örtülüdür. Mən müsəlmanam, vətənim Hindistandır. Onu var qəlbimlə sevirəm. Gözlə gedim namazımı qılım gəlirəm".

Aktyor digər paylaşımında isə Azərbaycan və Hindistan rejissorlarının çəkiliş proseslərini müqayisə edib

Hindistanlı prodüser: "Ser do you want mojito"(Ser,moxito istəmirsiz?)

"Mister Javanshir, Would you like to relax?" (mister Cavanşır bəlkə istirahət edəsiz?)

"Ser,do not want to eat" (Ser, yemək istəyirsiz?).....

Bizim produksion: "Soyuq su var?...Müəllim,hələ yoxduyeeee...."

Rejissor həmçinin qeyd edib ki, çəkilişlər Azərbaycanda, Qazaxıstanda, Hindistanda və Dağıstanda aparılacaq. Ekran işində  Bollivud ulduzlarından birinin iştirak edəcəyini də diqqətə çatdırıb.  

 

Ölkə.Az

ŞƏRH YAZ
0
BAĞLA