"Keşlə"dən ilk qələbə, "Sabah" yenidən üçüncü pillədə — VİDEO

22:25
21.10.2018
4367
İdman
A
Bu gün Topaz Premyer Liqada 8-ci tura yekun vurulub.

"Ölkə.Az" qol.az-a istinadən xəbər verir ki, son oyun günündə 2 qarşılaşma keçirilib. Günün ilk matçında "Sumqayıt" "Sabah"ı qəbul edib. 1:0 hesabı ilə qalib gələn "Sabah" turnir cədvəlində yenidən 3-cü pilləyə yüksəlib.

Turun son oyunu isə autsayderlər arasında olub. "Zirə" "Keşlə"nin qonağı olub. Rəqibini 1:0 hesabı ilə məğlub edən "Keşlə" bu mövsüm ilk qələbəsini qazanıb və 7-ci pilləyə yüksəlib.

21 oktyabr (bazar)

19:00."Keşlə" - "Zirə" - 1:0
Qol: Denis Silva, 2
Hakimlər: Əliyar Ağayev, Zeynal Zeynalov, Rza Məmmədov, Kamal Umudlu
"ASK Arena"

17:00."Sumqayıt" - "Sabah" - 0:1
Qol: Miloş Bosançiç, 36
Qırmızı vərəqə: Vurğun Hüseynov, 15 ("Sumqayıt")
Hakimlər: İnqilab Məmmədov, Namiq Hüseynov, Vüqar Bayramov, Səbuhi Bayramov
"Dalğa Arena"

20 oktyabr (şənbə)

19:00."Qarabağ" - "Səbail" - 1:0 

17:00."Qəbələ" - "Neftçi" - 3:1

Ölkə.Az

ŞƏRH YAZ
0

“Formula”da bolidinin biri iki nəfəri vurdu, digərinin təkəri qopdu — VİDEOLAR

“Formula”da bolidinin biri iki nəfəri vurdu, digərinin təkəri qopdu
18:07
Bu gün
257
İdman
A
“Formula-1” üzrə Azərbaycan Qran-Prisində növbəti qəza baş verib.

"Ölkə.Az"ın məlumatına görə, hadisə marşallar nasazlıq yaranan “Formula-2” pilotu Şon Qlaelə yardım edən zaman baş verib.

Bu zaman bolid hərəkətə gəlib və iki marşalı vurub. Hadisə zamanı marşallar xəsarət almayıb. 

Qeyd edək ki, bundan öncə “Williams” komandasının pilotu Corc Rassellin bolidi kanalizasiya lyukuna ilişdikdən sonra onu aparan evakuasiya maşınının kranı da yerüstü piyada keçidinə dəyib. 

Həmçinin, “ART Grand Prix” komandasının rusiyalı pilotu Nikita Mazepin dönmə edərkən qəza edib.

"Ölkə.Az" xəbər verir ki, ikinci sərbəst yürüş zamanı “Racing Point” komandasının sürücüsü Lens Strolun idarə etdiyi bolid beton səddə çırpılıb.

Zərbənin gücündən maşının sol təkəri sıradan çıxıb. Bolid trasdan evakuasiya olunub. 

Qeyd edək ki, ilk sərbəst yürüş zamanı Böyük Britaniyanın “Williams” komandasının pilotu Corc Rassellin idarə etdiyi bolid drenaj lyukunun qapağına toxunaraq qəzaya uğrayıb. Bu səbəbdən birinci yürüş ləğv olunub.

Ölkə.Az

ŞƏRH YAZ
0

Bakıda “Formula-1”də bolid kanalizasiya lyukuna ilişdi — VİDEO

Bakıda “Formula-1”də bolid kanalizasiya lyukuna ilişdi
15:01
Bu gün
1114
İdman
A
SOCAR Azərbaycan Qran-Prisi zamanı daha bir xoşagəlməz hal baş verib.

"Ölkə.Az" xəbər verir ki, “Formula-1”də sərbəst yürüş zamanı qəza keçirən “Williams” komandasının pilotu Corc Rassellin bolidi kanalizasiya lyukuna ilişib. 

Bundan sonra bolidi aparan evakuasiya maşınının kranı yerüstü piyada keçidinə dəyib.

Nəticədə keçid zədələnib.

Kran isə qırılıb və ondan axan yağ bolidin üzərinə tökülüb.

Yekunda Corc Rasselin bolidini boksa ikinci kranla gətirmək mümkün olub.

Qeyd edək ki, bu qəza səbəbindən sərbəst yürüş yarımçıq saxlanılıb və ləğv olunub. Buna FIA qərar verib.

***

Bakıda “Formula-2” üzrə sərbəst yarışlar keçirilib.

SOCAR Azərbaycan Qran-Prisində artıq ilk qəza baş verib.

Belə ki, “ART Grand Prix” komandasının rusiyalı pilotu Nikita Mazepin dönmə edərkən qəza edib.

Həmçinin, “MP Motorsport” komandasının hindistanlı pilotu Mahavir Raqunatan da bu döngəni düzgün keçə bilməyib.

ŞƏRH YAZ
0
BAĞLA