Kəşmirdə nazirin kortecinə hücum etdilər
Hindistanın Cammu və Kəşmir ştatında nazir Naim Axtarın kortecinə hücum edilib.
"Ölkə.Az" xəbər verir ki, insident Kəşmirin cənubundakı Tral şəhərində baş verib. Nazir əraziyə infrastruktur obyektinin açılışında iştirak etmək üçün səfər edib. Yüksək rütbəli qonağın səfəri səbəbindən şəhərdə əlavə təhlükəsizlik tədbirləri görülüb.
Amma bununla yanaşı naməlum şəxs avtomobil karvanına əl qumbarası atıb. Əl bombasının partlaması nəticəsində yoldan keçən iki nəfər həlak olub. Bir neçə nəfər isə yaralanıb. Naim Axtar xəsarət almayıb.
Qeyd edək ki, artıq bir ildən çoxdur ki, Kəşmirdə etiraz aksiyaları keçirilir.
Hikmət Həsənov
Ölkə.Az
