İki məşhur güləşçimiz Hindistan klubları ilə müqavilə bağladı

İki məşhur güləşçimiz Hindistan klubları ilə müqavilə bağladı
18:57
03.01.2018
7919
İdman
A
Azərbaycanın 2 sərbəst güləşçisi yanvarın 9-da start götürəcək Hindistan Liqasında mübarizə aparacaq.

"Report"un məlumatına görə, bunlar 3 qat dünya çempionu Hacı Əliyevlə dünya çempionatının mükafatçısı Aslanbek Alborovdur.

65 kq çəki dərəcəsində yer alan Əliyev 36 min dollarlıq müqaviləyə imza atıb. 92 kq çəkidəki Alborovun anlaşmasının dəyəri isə 28 min dollardır. Onlar ayrı-ayrı klubların heyətində çıxış edəcəklər.

Qaydalara əsasən, hər bir klubun heyətində 5 kişi və 4 qadın güləşçi çıxış etməlidir.

Qeyd edək ki, Pro Wrestling League adlanan yarış 3 ildir keçirilir. 

Ölkə.Az

ŞƏRH YAZ
0

Cüdoçumuz 8 qat dünya çempionu oldu

Cüdoçumuz 8 qat dünya çempionu oldu
11:21
Bu gün
72
İdman
A
Meksikanın Kankun şəhərində veteran cüdoçular arasında dünya çempionatına start verilib.

"Ölkə.Az" xəbər verir ki, yarışın ilk günündə Azərbaycan millisi bir qızıl medal qazanıb. Fərhad Rəcəbli M-6 kateqoriyası üzrə 90 kq çəki dərəcəsində Rusiya, ABŞ və Braziliyadan olan rəqiblərini məğlub edərək, fəxri kürsünün ən yüksək pilləsinə qalxıb. 

Qeyd edək ki, bu, Rəcəblinin usta cüdoçular arasında qazandığı 8-ci dünya çempionluğudur.

ŞƏRH YAZ
0

"Şah" dünya çempionuna uduzmasa da...

01:29
17.10.2018
439
İdman
A
Yunanıstanda keçirilən şahmat üzrə klublararası Avropa çempionatında (AÇ) V tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız Norveçin “Volerenqa” klubu ilə üz-üzə gəlib.

İlk lövhədə Şəhriyar Məmmədyarovla dünya çempionu Maqnus Karlsen mübarizə aparıb. Görüşdə qalib müəyyənləşməyib.

Lakin ümumi hesabda Norveç komandası 3,5:2,5 hesabı ilə qalib gəlib. Həlledici görüşdə Qədir Hüseynov Borki Predoyeviçə uduzub.

Bununla da “Odlar Yurdu” ilk məğlubiyyətini alıb. Reytinqdə III sırada olan komandamız indi turnir cədvəlində yeddi xalla IX pillədədir.

“Odlar Yurdu”nun qadınlar komandası isə İtaliya klubunu 3:1 məğlub edib. Bununla da komandamız altı xalla B qrupunda III pilləni tutub.

“Odlar Yurdu”nun qadınlar komandası V yer uğrunda Kiyev Şahmat Federasiyasının kollektivi ilə qarşılaşacaq.

Ölkə.Az

ŞƏRH YAZ
0
BAĞLA