Kianu Rivz çəkilişlərə başlayır
Hollivud aktyoru Kianu Rivz "Matrisa" fantastik filminin dördüncü hissəsində oynamağa hazır olduğunu bildirib
"Ölkə.Az" xəbər verir ki, Hollivud ulduzu sikvel seriyanın lentə alınma imkanlarını müzakirə edib və filmə çəkilməyə hazır olduğunu bildirib. Amma Kianu Rivz şərt də qoyub. Aktyor ancaq Lana Vaçovski və Lilli Vaçovskinin rejissor kürsüsündə oturacaqları təqdirdə razılıq verəcəyini bildirib.
Rivz deyib: "Vaçovskilər cəlb edilməlidir. Onlar ssenari yazmalı və rejissorluq etməlidirlər. Sonra biz tarixə baxardıq. Bilmirəm, bu qəribə ola bilər, amma niyə də yox? İnsanlar ölür, tarix ölmür. Tarixdəki insanlar da ölmür".
Qeyd edək ki, "Matrisa" filminin 3 hissəsi 1999-2003-cü illərdə çəkilib. Kianu Rivzlə yanaşı Lorens Fişbern, Kerri-Enn Moss, Hyüqo Uivinq də filmdə rol alıblar.
Hikmət
Ölkə.Az
