“Kiçik təsərrüfatların sığortaya cəlb olunmasında ciddi problemlər olacaq”

“Ölkə.Az” xəbər verir ki, bunu deputat Əli Məsimli Milli Məclisdə İqtisadi siyasət komitəsində “Aqrar sığorta haqqında” qanun layihəsinin müzakirəsi zamanı deyib.

 Onun sözlərinə görə, 2002-ci ildə qəbul edilən aqrar sığorta haqqında qanunu yeni qanununla müqayisə etsək, yalnız bir-iki məqam fərqlidir: “Bəs köhnə qanun niyə işləmədi? Ona görə də yeni qanunun işləməsinə nail olmağa çalışılmalıdır. Bunun üşün işlək mexanizm yaradılmalıdır. Əgər işlək mexanizm yaradılmazsa, ən mütərəqqi qanun belə işləməyəcək.

Digər tərəfdən, kənd təsərrüfatında sığorta könüllü, yoxsa icbari olacaq? Layihədə bu, əksini tapmayıb. Həm də qanun layihəsi elə şriftlərlə yazılıb ki, oxumaq da mümkün deyil. Adətən, bank müqavilələrini belə yazırlar ki, insanlar oxuya bilməsin”.

Ə. Məsimov 800 mindən çox kiçik fermerlə bağlı məsələyə həssas yanaşılmalı olduğunu vurğulyaıb:

 “İri təsərrüfatların sığortaya cəlb olunmasında problem yoxdur.Ancaq kiçik təsərrüfatların sığortaya cəlb olunmasında ciddi problemlər olacaq.Onlar nəzərə alınmalıdır. Ona görə də qanun maksimum sadə, aydın və konkret olmalıdır. Yəni insanlar sığortanı hansı prinsiplər əsasənda edəcək bilməlidir.
Dolu yağanda mütəxəssislər bilirlər ki, hansı rayonda kənd təsərrüfatına necə zərər dəyib. Tutaq ki, əgər dəymiş zərərin 10 faizi ödəniləcəksə, bu qanun da işləməyəcək”.

Millət vəkili Rüfət Quliyev isə qanunla bağlı çıxışında Kənd Təsərrüfatı Nazirliyinə Kiçik və Orta Biznesin İnkişafı Agentliyi ilə işləməyi tövsiyyə edib.

Mürtəza
Ölkə.az