1 kilosu milyon dollara — Dünyanın ən bahalı çayları

1 kilosu milyon dollara
12:51
10.07.2018
11906
Maraqlı
A
Çay içmək gündəlik həyatımızın vazkeçilməz parçasına çevrilib. İsti, aromatlı çay bütün dünyada insanlar tərəfindən sevilir. Planetimizdə gün ərzində milyonlarla fincan çay içilir. Çay sudan sonra ikinci ən populyar içkidir. Amma elə çaylar da var ki, onu almaq hər adama qismət olmur.

“Ölkə.Az” dünyanın ən bahalı çaylarının qiymətini təqdim edir.

“Tienhchi” gül çayı

Qiyməti: 1 kq 330 dollar

Dünyanın ən yaxşı çaylarından biri hesab edilir. “Panax notoginseng” elmi adıdır. “Panax” latın dilindən tərcümədə bütün xəstəliklərin dərmanı kimi məna verir. Çində becərilir. Yuxusuzluq, baş gicəllənməsi, zəhərlənmə və dəri problemlərinə qarşı əladır.

“Silver Tips İmperial” çayı

Qiyməti: 1 kq 400 dollar

Makaybari plantasiyalarında yığılır. Himalay dağlarının 750-2000 metr hündürlükdəki hissələrində becərilir.

Göykuro çayı

Qiyməti: 1 kq 3.300 dollar

Şərqdə becərilir. Yığımdan iki həftə əvvəl kölgəyə çəkilir. Bu isə yarpaqlarda amin turşusunun miqdarını artırır. Yaponiyanın Udzi vilayətində becərilir.

“Pu Pu Puer” çayı

Qiyməti: 1kq 2.100 dollar

Çox əla aromatı var. Çinin Yunnan əyalətində becərilir. Maraqlıdır ki, bu çayı aromatlı edən ömrü boyu çay yarpaqları ilə qidalanan həşəratlardır. Çox kiçik olduqları üçün  fermerlər onları pinset vasitəsilə çay yarpağından təmizləyirlər. İlk dəfə XVIII əsrdə kəşf edilib və həkimlər tərəfindən imperator Tsyanlunuya hədiyyə edilib.

“Yellow Gold Tea Buds” çayı

Qiyməti: 1 kq 6200 dollar

Dünyada yeganə bir yerdə becərilir. Dağ ətəyində becərilən çayı bir gün ərzində qızıldan hazırlanmış qyaçı ilə kəsirlər. Xüsusi bağlı konteynerlərdə qurudulur. Çay yarpaqlarının üstünü 24 karatlıq qızılla örtürlər. Bu çayı ancaq bilən adamlar Sinqapurdan ala bilərlər. İnternet vasitəsilə sifariş qeyri-mümkündür.


 

“Tieguanyin” çayı

Qiyməti: 1 kq 6.600 dollar

Buddizmin mərhəmət tanrısının şərəfinə adlandırılıb. Qara və yaşıl çayın bir neçə növündən əldə edilir. Ulun çay ailəsinin kralı sayılır. Bu üsul XIX əsrdə kəşf edilib. Yarpaqlar yığıldıqdan sonra isti günəş altında qurudulur, sonra soyudulur, sonra yenidən açıq havada qurudulur. Bundan sonra doğranır və aromatlaşdırılır. Onun yarpaqlarını ən azı 7 dəfə dəmləmək mümkündür. Çay aromatını itirmir.


“Vintage Narcissus Ui Ulun” çayı

Qiyməti- 1 kq 12 min dollar

2013-cü ilin noyabr ayında Honkonqdakı sərgidə cəmi 20 kq-lıq qutu nümayiş edilib. Bu qutunun başına ötən əsrin ortalarından çox macəra gəlib. 1960-cı illərdə bu çayı Çinin Ui rayonundan Sinqapura ixrac ediblər. Bir neçə sahib dəyişən çay bir kolleksioner tərəfindən alınaraq yenidən Honkonqa gətirilib. Qədim yunan ilahəsi Narsisin şərəfinə adlandırılıb.

“Panda Dung” çayı

Qiyməti: 1 kq 70 min dollar

Tərcüməsi panda nəcisi deməkdir. Məhz bu çayın sirri də bu sözdədir. Pandalar vəhşi bambuk yeyirlər. Bambukun tərkibindəki 30% faydalı maddə pandanın mədəsi tərəfindən həzm edilir. Qalan 70% isə nəcis vasitəsilə çölə çıxır. Çinin Sıçuan vilayətində ilk dəfə üzə çıxıb.

“PG Tips” almaz çay paketi

Qiyməti: 1 paket 15 min dollar

2005-ci ildə İngiltərənin məşhur çay şirkəti “PG Tips” 75 illik yubileyi şərəfinə eksklüziv çay paketləri istehsal etdi. Almaz dizaynlı paketin birinin qiyməti 15 min dollar idi. Hər paketin tərkibində 280 karat brilliant və elit  “Sliver Tips İmperial” çayı var.

“Da-Hong Pao” çayı

Qiyməti: 1 kq 1.2 milyon dollar

Bütün Çin çayları və Ui Ulun çay növlərinin kralıdır. Tərcüməsi böyük qırmızı xələt deməkdir. Min sülaləsinin ən böyük sirrini saxlayır. Ehtimal edilir ki, imperator Mat ağır xəstəlikdən məhz bu çay vasitəsilə müalicə olunub. İmperator ən sadiq adamlarını bu çayın harada yetişdiyini öyrənmək üçün göndərir. Ui dağının ən hündür qayasında bu çayın 4 kolu tapılıb. Bu gün cəmi üç kolu qalıb. Satışda tapmaq mümkün deyil.

Hikmət Həsənov
Ölkə.Az

 

ŞƏRH YAZ
0

Almaniyada professor elmi adını qazanmış ilk azərbaycanlı alim

Almaniyada professor elmi adını qazanmış ilk azərbaycanlı alim
22:19
18.02.2020
782
Maraqlı
A
Uzun müddət AMEA-nın Molekulyar Biologiya və Biotexnologiya İnstitutunda elmi işçi kimi fəaliyyət göstərmiş Pərvanə Hacıyeva Almaniyada elm sahəsində çalışan həmvətənlərimiz arasında professor elmi adına layiq görülən ilk azərbaycanlıdır.

"Ölkə.Az" xəbər verir ki, bu barədə AMEA-dan məlumat verilib.

Qeyd olunur ki, o, Almaniyanın Hamburq Universitetinin Tibb fakültəsinin biokimya üzrə professoru, eyni zamanda, Alman Mitoxondrial Xəstəliklər Birliyində mütəxəssislər qrupunun və Biokimya və Molekulyar Biologiya Cəmiyyətinin üzvüdür.

P.Hacıyeva 1991-1996-cı illərdə Bakı Dövlət Universitetində tibbi biologiya ixtisası üzrə təhsil alıb. AMEA-nın Molekulyar Biologiya və Biotexnologiya İnstitutunda elmi işçi kimi fəaliyyətə başlayan alim burada elmi tədqiqat layihələri üzərində işləyib. O, 1998-ci ildə İtaliyanın Florensiya şəhərində yerləşən Nüvə Maqnit Rezonansı Mərkəzində doktoranturaya daxil olub və professor İvano Bertininin rəhbərliyi altında metal proteinlərin struktur-bioloji araşdırmasını aparıb.
Alim 2000-ci ildə Florensiya Universitetində “Təbii və modifikasiya olunmuş sitoxromların struktur və çeviklik xassələri” mövzusunda dissertasiya işini uğurla müdafiə edərək kimya üzrə fəlsəfə doktoru elmi dərəcəsini alıb. 2001-ci ildə Florensiya Universitetinin Kimya fakültəsinin nəzdində olan Nüvə Maqnit Rezonansı Mərkəzində elmi işçi kimi fəaliyyətə başlayıb. 2001-2002-ci illərdə elmi fəaliyyətini Münxen şəhərində yerləşən Maks Plank Elmi-Tədqiqat Cəmiyyətinin Psixiatriya İnstitutunda davam etdirən P.Hacıyeva qocalma prosesində hüceyrələrdə baş verən dəyişikliklərlə bağlı tədqiqatlar üzərində işləyib. Onun tədqiqatlarının əsas istiqamətini sinir sistemindəki neyronların qocalması prosesi təşkil edir.

P.Hacıyeva 2002-ci ildə Almaniyanın Mayns Tibb Universitetinin Fizioloji Kimya İnstitutunda elmi işçi kimi fəaliyyətə başlayıb, 2006-cı ildə bu universitetin Patobiokimya İnstitutunda “Oksidativ stress, antioksidantlar və mitofagiya” adlı elmi işçi qrupunu yaradıb. O, rəhbərlik etdiyi qrupda biokimya sahəsində mövcud problemlərin dərindən araşdırılması, eləcə də müxtəlif istiqamətlərdə görülən elmi layihələrin koordinasiyası ilə məşğul olub.

Alim 2016-cı ildə Mayns Tibb Universitetində biokimya sahəsi üzrə hazırladığı dissertasiya işini müdafiə edib və biokimya üzrə “venia legendi” elmi adına layiq görülüb. P.Hacıyeva həmin universitetin Tibb fakültəsində biokimya üzrə professor adını qazanaraq, hüceyrənin adaptasiya və metobalizmi üzrə elmi tədqiqat qrupunu yaradıb. O, tələbələrə müalicə işi fənni üzrə mühazirələr oxuyur, biologiya, kimya, əczaçılıq fənləri üzrə yerinə yetirilən elmi işlərə rəhbərlik edir.

P.Hacıyeva hazırda tibb sahəsində müxtəlif beynəlxalq jurnalların rəyçisidir. İngilis, alman, italyan və rus dillərini mükəmməl bilən alim elmi yaradıcılığı ilə yanaşı, poliqlot kimi də tanınır.

Ölkə.Az

ŞƏRH YAZ
0

Pişik bəsləmək ruh sağlamlığına YAXŞI TƏSİR EDİR

Pişik bəsləmək ruh sağlamlığına YAXŞI TƏSİR EDİR
19:05
18.02.2020
842
Maraqlı
A
Pişik bəsləmək ruh sağlamlığına yaxşı təsir etdiyi kimi insan həyatına da inanılmaz müsbət faydaları var.

''Ölkə.Az'' xəbər verir ki, dünyada bir çox ölkələr 17 fevralı ''pişik günü'' olaraq qeyd edirlər. Edilən elmi araşdırmalar göstərir ki, pişiklər insanlara həm fiziki həm də ruhən fayda verən hevanlardır. Pişik saxlayan insanlar saxlamayanlara nisbətən daha az infark keçirmə riski daşıyır. Eyni zamanda pişik olan evdə təzyiq xəstələrinin təzyiqi normal səviyyədə olur. Pişik bəsləyən valideynlərin uşaqları daha mərhəmətli, empatiya duyğuları güclü və məsuliyyət sahibi olurlar. Xüsusilə depressiyaya meyilli insanlar pişik saxlayarlarsa həyata bağlı olub, yaşam istəkləri artar. Bristol universitetinin araşdırmasına görə pişik sahibi olanlar oxumağa meyilli, univeristetdə uğur qazanan, bacarıqlı insanlar olurlar. Pişiklərlə bağlı edilən bütün araşdırmalar göstərib ki, insanların ruhən daha sağlam olması üçün, özlərini və həyatı sevmələri üçün heyvan saxlamaq qoruyucu faktor rolunu oynayır.

Kedi sahibi olmak, ruh sağlığına iyi geliyor

iStock-968588138

Ölkə.Az

 

ŞƏRH YAZ
0
BAĞLA