Kim Çen İn: “Beynəlxalq sanksiyalar quldurluqdur”
Şimali Koreyanın lideri Kim Çen İn ölkəsinə qarşı tətbiq edilən beynəlxalq sanksiyaları ciddi şəkildə tənqid edib.
“Ölkə.Az” xəbər verir ki, bu barədə Koreyanın mərkəzi teleqraf agentliyi məlumat yayıb. Məlumata əsasən, Kim Çen İn beynəlxalq sanksiyaları quldurluq adlandırıb və Koreya xalqını boğmaq üçün nəzərdə tutulduğunu deyib.
“Sahil zolağında Vonsan-Kalma turizm rayonunun tikintisi Koreya xalqını quldur sanksiyalar, blokada və digər üsullarla boğmağa çalışan düşmən qüvvələrə qarşı mübarizədir”, - deyə Şimali Koreya lideri qeyd edib.
Kim Çen İn qeyd edib ki, əgər belə böyük və əla layihə uğurla başa çatsa, dünyaya bir daha partiyanın, xalqın və ordunun birliyini göstərəcək. Turizm zonası xalqımız üçün əla hədiyyə olacaq”.
Hikmət Həsənov
Ölkə.Az
