Kim Çen İn “Rolls-Royce” aldı
Şimali Koreyaya qarşı BMT-nin iqtisadi sanksiyaları var və bu sanksiyalara əsasən sözügedən ölkəyə dəbdəbəli məhsulların satılması qadağan edilib.
“Ölkə.Az” xəbər verir ki, bununla belə, Kim Çen İn “Rolls-Royce” markalı bahalı avtomobildə gəzir.
Kim Çen İn ABŞ dövlət katibi Mayk Pompeo ilə görüşə “Rolls-Royce Phantom” avtomobili ilə gəlib. Bu barədə CNN məlumat yayıb. Fotolarda avtomobil tam görünməsə də, təkərlərdəki loqonu aydın etmək mümkündür.
Bundan başqa Şimali Koreya lideri “Mercedes-Maybach Pullman Guard” avtomobilinə də sahibdir. Bu maşının da qiyməti 1 milyon dollara yaxındır. Amma bu avtomobillərin dəqiq Kim Çen İnin qarajında olması barədə rəsmi məlumat yoxdur. Bir versiyaya görə maşınlar görüşlər üçün kirayəyə götürülür.
Hikmət Həsənov
Ölkə.Az
