Kim Çen İn Trampa söz verdi: “Raket poliqonu məhv ediləcək”
Kim Çen İnin ABŞ lideri Donald Trampla Sinqapurda keçirdiyi görüş barədə yeni məlumat üzə çıxıb.
“Ölkə.Az” xəbər verir ki, Şimali Koreya lideri Trampa Soxe poliqonunu ləğv edəcəyinə dair söz verib. Bu poliqonda Şimali Koreya hərbçiləri ballistik raketləri sınaqdan keçirirlər.
Nüvə başlığı daşıyan “Xvason-15” qitələrarası ballistik raketin sınaqları məhz Soxe poliqonunda keçirilib.
Tramp bəyan edib ki, Sinqapurda böyük uğura imza atıb: “Biz əla görüş keçirdik. Bu, əla nəticə idi. Mən Kim Çen İnlə münasibətləri normallaşdırdım, bu yaxşıdır”.
Hikmət Həsənov
Ölkə.Az
