Kim Çen İnin ABŞ-ı vurma planı üzə çıxdı — Quama 4 raket atılacaq

Kim Çen İnin ABŞ-ı vurma planı üzə çıxdı
11:21
11.08.2017
270
Dünya
A
Vaşinqton-Pxenyan arasında gərginlik artmağa davam edir.

"Ölkə.Az" xəbər verir ki, bu gərginlik fonunda Kim Çen İnin ABŞ-ı vurma planı üzə çıxıb. Plana görə rəsmi Pxenyanın atacağı 4 raket 3.356 km məsafə qət edərək Quam adasına düşəcək.

3-cü dünya müharibəsinin ilk addımları kimi qəbul edilən Kim Çen İn və Trampın söz duelindən sonra Şimali Koreyanın rəsmi xəbər agentliyi Quama raket hücumunun planını üzə çıxarıb. Avqust ayının ortasında həyata keçirilməsi planlaşdırılan hücum barədə Şimali Koreya ordusunun generalı Kim Rak Qyom məlumat verib: " "Hwasong-12" model 4 ədəd uzaqmənzilli ballistik raket eyni anda havaya qalxacaq və Yaponiyanın üstündən keçərək Quama doğru hərəkət edəcək. Raketlər 3.356 km məsafəni 17 dəqiqə 45 saniyəyə qət etdikdən sonra Quam adasına düşəcək".

General bildirib ki, avqust ayının ortalarına qədər plan dəqiqləşdirilib detallar üzərində işlənəcək. Kim Çen İnin əmrindən sonra isə start düyməsinə basılacaq.

Hikmət Həsənov
Ölkə.Az

ŞƏRH YAZ
0

Rusiyada dəhşət — Sevgilisini doğrayıb tualetə atdı

Rusiyada dəhşət
09:42
Bu gün
48
Dünya
A
Rusiyada bank rəhbəri olan bir şəxs mübahisə etdiyi sevgilisini əvvəlcə öldürüb sonra doğrayaraq tualetə atıb.

“Ölkə.Az” xəbər verir ki, məhkəmə cinayətkara 9.5 il cəza verib.

28 yaşlı bankir Sergey Kovalçul  sevgilisi Vera Nurbayevanı boğaraq öldürdükdən sonra çörək bıçağı ilə daxili orqanlarını çıxarıb tualetə atıb. Sergey 23 yaşlı sevgilisinin kəsilmiş başı ilə əl və ayaqlarını dörd zibil paketinə qoyaraq Moskvadan kənarda bir zibilxanaya atıb.

Bununla yanaşı, Sergey cinayəti etiraf edib və bundan peşman olduğunu bildirib.

Vera əvvəlcə bir dəfə beynəlxalq qadın alverçisi tərəfindən qaçırılıb. O, internet vasitəsilə Sergeylə tanış olub. Sergey gənc qızı telefonunu oğurlamaqda ittiham edib və tərəflər arasında mübahisə düşüb. Mübahisə isə qanlı cinayətlə başa çatıb.

Cinayəti etiraf etməsi, polisə təslim olması və məhkəmə və istintaq zamanı özünü yaxşı aparması səbəbindən 9.5 il həbs cəzasına məhkum edilib.

Hikmət Həsənov

ŞƏRH YAZ
0

ABŞ Rusiya və Çini özünün ticarət düşmənləri elan etdi

ABŞ Rusiya və Çini özünün ticarət düşmənləri elan etdi
23:44
15.07.2018
554
Dünya
A
ABŞ prezidenti Donald Tramp Rusiya, Çin və Aİ ölkələrini ölkəsinin ticarət "düşmənləri" adlandırıb.

"Ölkə.Az" CBS telekanalına istinadən xəbər verir ki, o, bu dövlətləri pis hesab etmir. Buna baxmayaraq, onlar ABŞ-ın rəqibləridir.

"Bu ölkələrin liderlərinə hörmət edirəm. Lakin ticarət baxımından həqiqətən bizdən faydalanırlar ... və borclarını ödəmirlər", - deyə Tramp bildirib.

Qeyd edək ki, bir müddət əvvəl ABŞ lideri Moskva ilə Berlin arasındakı "Şimal axını-2" boru kəmərinin inşasını "dəhşətli faciə", Almaniyanı isə Rusiyanın "girovu" adlandırmışdı.

Ölkə.Az

ŞƏRH YAZ
0
BAĞLA