Kim Çen İnin mühafizəçilərinin sirri — Şimali Koreya liderini kimlər qoruyur?

Kim Çen İnin mühafizəçilərinin sirri
18:03
11.06.2018
17843
Dünya
A
Dünya Kim Çen İnin avtomobilinin ətrafında qaçışan mühafizəçiləri bir də Sinqapurda gördü.

“Ölkə.Az” xəbər verir ki, bu mühafizəçilər şoudan çox liderin təhlükəsizliyi təhlükə altına düşəndə hər üsula əl atırlar.

“BBC”yə müsahibə verən Şimali Koreya üzrə mütəxəssis Maykl Madden bu mühafizəçilərin xüsusiyyətlərindən danışıb.

Sirr

Şimali Koreyada Kimin mühafizəçiləri üç fərqli təhlükəsizlik xidmətində oturur. Sinqapurda isə bunun bir az dəyişdirilmiş forması tətbiq edilir. Hər kəsin gözü qarşısında tünd rəngli kostyum geyinən mühafizəçilər var idi. Onlar Kimin limuzinin yanında qaçırdılar.

Mühafizəçilər ordudan seçilir. Seçilmə şərtləri arasında Kim ilə eyni boyda olmaq və gözlərində heç bir problem olmaması lazımdır. Eyni zamanda sərrast atıcılıq və əlbayaxa döyüş sənətlərində usta olmaq şərtdir.

Eyni zamanda mühafizəçinin iki nəsil şəcərəsi araşdırılır. Qrupun bir çox üzvü Kim ailəsi və Şimali Koreyanın seçilmiş ailələri ilə qohumluq əlaqələrinə məxsusdur.

Mühafizəçi seçilənlər ciddi bir təlimdən keçirlər. Bu təlimlərdə silahdan istifadə, iz itirmə və müxtəlif döyüş sənətləri öyrədilir. Eyni zamanda mühafizəçilər fiziki dözümlülük, davranış sahəsində də müəyyən təlimlərdən keçirlər.

Mühafizəçilər həm ətrafı, həm də ətrafdakı kütləni 360 dərəcə görə biləcək bir qoruma çəpəri yaradırlar. Kimin önündə 3 və ya 5 mühafizəçi olur.
Sağ və sol tərəfin də hər birində 2-3 mühafizəçi yer alır. Bunlar Şimali Koreya liderinin yanında odlu silah gəzdirməyə icazə verilən nadir insanlardır. Odlu silah daşısalar da, onların əsas üsulu liderin ətrafını müşahidə etmək və təhlükə anında əlləri və vücudları ilə müdaxilə etməkdir.

Kim Çen İnin mühafizəçilərinin sayı atasının mühafizəçilərinin sayına nisbətən azdır. Mühafizəçilər əsasən kostyum geyinirlər. Kimin sürücüləri isə dəri və ya kətan əlcək taxırlar. Eyni zamanda qulaqcıqlarla bir-birləri ilə əlaqə qururlar. Özlərini tanıtmaq üçün müəyyən kartlar və ya nişan taxır, müəyyən şifrəli sözlərdən istifadə edirlər.

Mühafizə qurumunun 200-300 üzvü var. Bunların yarısı mühafizəçi, yarısı da sürücü və texniki heyətdir. Bəzi mühafizəçilərin uzun müddətli karyerası olsa da, ümumi olaraq xidmət müddəti 10 ildir. Mühafizə komandanlığı isə Kimin ətrafındakı birinci və üçüncü təhlükəsizlik halqasını yaradırlar.

Birinci briqada liderin təhlükəsizliyini təmin edir, digər qruplar isə onun gedəcəyi yerlərin çevrə təhlükəsizliyini təmin etməklə mükəlləfdirlər.  Eyni zamanda bəzi logistik və texniki xidmətləri də yerinə yetirirlər.

Sinqapura 3 təyyarə ilə gedən Kimin 2 təyyarəsi mühafizəçilərdən ibarətdir. Bu heyət lideri güvənli telefon xətti ilə təmin etməli və kompüterin təhlükəsizliyinə cavab verməlidir.

Bundan başqa Kimin Sinqapur səfərində istəyə biləcəyi içki, qida və ya siqaretə sahib olmaq, liderə təqdim edilən bütün qida və içkiləri nəzarətdən də keçirməlidirlər. Kimin şəxsi həkimi və tibb bacıları da bu heyətə daxildir.

Hikmət Həsənov
Ölkə.Az

ŞƏRH YAZ
1

Madurodan Trampa gözlənilməz təklif

Madurodan Trampa gözlənilməz təklif
01:30
Bu gün
3414
Dünya
A
Venesuela prezidenti Nikolas Maduro amerikalı həmkarı Donald Trampa açıq dialoqa başlamağı təklif edib.

"Ölkə.Az" xəbər verir ki, Maduro bunun üçün ABŞ prezidentinin Venesuela ilə bağlı siyasətini dəyişmək niyyətini nümayiş etdirməli olduğunu bildirib.

O həmçinin qeyd edib ki, Trampla bütün vacib məsələlər üzrə dialoqa başlamağa hazırdır.

Xatırladaq ki, bir müddət öncə Maduro ABŞ prezidentinin milli təhlükəsizlik məsələləri üzrə müşaviri Con Boltonu Venesuelada çevriliş hazırlamaqda ittiham edib.

Ölkə.Az

ŞƏRH YAZ
0

Ulu öndər Heydər Əliyevin xatirəsi İtaliyada yad olunub — FOTO

Ulu öndər Heydər Əliyevin xatirəsi İtaliyada yad olunub
01:04
Bu gün
2106
Dünya
A
Dekabrın 12-də İtaliyanın Neapol şəhərinin Şərqşünaslıq Universitetində ulu öndər Heydər Əliyevin xatirəsinə həsr olunan anım tədbiri keçirilib.

"Ölkə.Az" report-a istinadla xəbər verir ki, Bakı-Neapol Assosiasiyası, Neapol Şərqşünaslıq Universiteti və Azərbaycan Dillər Universitetinin birgə təşkilatçılığı ilə keçirilən tədbirdə şəhər ictimaiyyətinin, elmi-akademik dairələrin, kütləvi informasiya vasitələrinin nümayəndələri iştirak ediblər.

Tədbirdə çıxış edən Azərbaycanın İtaliyadakı səfiri Məmməd Əhmədzadə ulu öndər Heydər Əliyevin Azərbaycan tarixindəki mühüm rolu, müstəqilliyimizin qorunması, dövlətçiliyimizin möhkəmlənməsi və ölkəmizin dayanıqlı inkişafının təmin olunmasındakı xidmətləri barədə danışıb.

Ümummilli Liderin Azərbaycan-İtaliya əməkdaşlığının, iki ölkənin xalqları arasında əlaqələrin, o cümlədən Neapol şəhəri ilə təmasların inkişafına xüsusi diqqət yetirdiyini bildirən diplomat Ulu Öndərin Azərbaycana rəhbərlik etdiyi 1972-ci ildə Bakı və Neapol şəhərləri arasında qardaşlaşma münasibətlərinin əsasının qoyulduğu, eyni zamanda, 1997-ci ildə İtaliyaya rəsmi səfəri çərçivəsində Neapol şəhərinə də səfər etdiyi barədə məlumat verib.

Ulu Öndərin əsasını qoyduğu siyasi xəttin bu gün Prezident İlham Əliyev tərəfindən uğurla davam etdirildiyindən bəhs edən diplomat, habelə Heydər Əliyev Fondunun Azərbaycan mədəniyyətinin dünyada təbliğinə, o cümlədən Azərbaycan və İtaliya arasında humanitar sahələrdə əlaqələrə verdiyi töhfələrdən danışıb.

Tədbirdə Neapol Şərqşünaslıq Universitetinin rektoru Elda Morlikkio və universitetin professoru, tanınmış şərqşünas alim Mikele Bernardini də çıxış ediblər. Onlar Neapol Şərqşünaslıq Universitetinin Azərbaycanın ali təhsil müəssisələri ilə əməkdaşlıqda maraqlı olduğunu, iki ölkə arasında mədəniyyət və təhsil sahələrində mübadilələrə töhfə verməyə hazır olduqlarını bildiriblər.

Sonda Ulu Öndərin Azərbaycanın müasir tarixindəki rolundan bəhs edən, italyan dilində hazırlanmış "Xilaskarın həyatı" adlı sənədli film nümayiş etdirilib.

Qeyd edək ki, tədbirdən əvvəl səfir M.Əhmədzadə ilə Neapol Şərqşünaslıq Universitetinin rektoru Elda Morlikkio arasında keçirilmiş görüşdə əməkdaşlıq imkanları müzakirə edilib, bu universitetlə Azərbaycan Dillər Universiteti arasında əməkdaşlıq haqqında anlaşma memorandumu imzalanıb.

Tədbir çərçivəsində İtaliyanın yerli televiziya kanallarına müsahibələr verilib.

Ölkə.Az

ŞƏRH YAZ
0
BAĞLA