Kim Çen İnn dünyaya meydan oxudu — ŞOK BƏYANAT

Kim Çen İnn dünyaya meydan oxudu
00:24
21.03.2017
230
Dünya
A

ABŞ-ın xarici işlər naziri Reks Tillerson Şimali Koreyanın nüvə proqramına qarşı daha sərt sanksiyaların tətbiqi və hərbi müdaxilə barədə xəbərdarlıq etmişdi. 

“Ölkə.Az” xəbər verir ki, Şimali Koreyanın xarici işlər nazirliyi mövzu ilə bağlı bəyanat yayıb. Bəyanatda deyilir: 

“Nüvə gücümüz xalqımızı qorumaq üçün ən güvənli vasitədir. ABŞ-ın hərbi müdaxiləsindən qorxmuruq. Şimali Koreyanın nüvə gücü çox qiymətli bir ədalət qılıncıdır və sosialist ana vətənimiz və xalqımızı qoruyur”.

Xarici işlər nazirinin mətbuat katibinin sözlərinə əsasən, ABŞ Şimali Koreyanın nüvə gücünü qəbul etməlidir: 

“Əgər iş adamına çevrilmiş ABŞ rəsmiləri Şimali Koreyanı qorxudacaqlarını düşünürlərsə, bilməlidirlər ki, bu vasitələr işə keçmir”.

Hikmət
Ölkə.Az

ŞƏRH YAZ
0

Gürcüstanda xüsusi əməliyyat — Kriminal avtoritetlər saxlanıldı

Gürcüstanda xüsusi əməliyyat
21:32
Bu gün
565
Dünya
A
Gürcüstan Daxili İşlər Nazirliyi Avropol ilə birgə ölkə ərazisində xüsusi əməliyyat keçirib.

“Ölkə.Az” yerli mətbuata istinadən xəbər verir ki, əməliyyat Tbilisi və Siqnaxi şəhərlərində baş tutub. Nəticədə 3 kriminal avtoritet saxlanılıb. Onlar Dmitri Çrelaşvili, Qivi Beqiaşvili, Kaxa Bejitaşvilidir.

DİN rəsmisi Mamuka Çelidze əməliyyatdan danışarkən deyib ki, saxlanılan şəxslərin hazırda Avropada olan “qanuni oğrular”la sıx əlaqələri olub və onlardan tapşırıqlar alaraq cinayətlər törədiblər. Onların Avropada olan “qanuni oğrular” Malxaz Zedelaşvili, Kaxa Şavliaşvili, Abesalom Papiaşvili və Qeorqi Xatiaşvili ilə daim əlaqədə olduqları açıqlanıb.

Ölkə.Az

ŞƏRH YAZ
0

Fransızların yeni Romomobili — FOTOLAR

Fransızların yeni Romomobili
20:00
Bu gün
814
Dünya
A
Fransanın “Renault” şirkəti gələcəyin avtomobilini təqdim edib.

“Ölkə.Az” xəbər verir ki, yeni konsept “EZ-GO” adlanır. Bu konsept eyni zamanda “avtomobil və servis” adlanır.  Gələcəkdə bu maşınlar həm yüngül maşınları həm də ictimai nəqliyyatı əvəz edə bilər.

“Renault EZ-GO” avtomobilinin uzunluğu 5.2 metr, eni isə 2.2 metrdir. Hündürlüyü 1.6 metr olan avtomobilin şüşə damı çıxarılır. 6 nəfərlikdir. Yük üçün də yer var. 

Konsept bir elektrik mühərriki ilə təchiz edilib. Sürəti 50 km/saatla məhdudlaşdırılıb. 

Şirkət “EZ-GO” modelini 2022-ci ildən istehsal edəcək.

Hikmət Həsənov
Ölkə.Az

ŞƏRH YAZ
0
BAĞLA