Kinoteatrın tualetində tərk edilən körpə 60 il sonra ailəsini tapdı

"Ölkə.Az" xəbər verir ki, tərk edilən uşaq uzun illər sonra qardaş və bacılarını tapıb. Bu işdə o, DNA testindən istifadə edib.

3 aylıq körpənin tualetdə tərk edilməsi o dövrün mətbuatında hay-küyə səbəb olmuşdu. Amma körpənin ailəsi heç vaxt məlum olmamışdı. Körpəyə onu tapan polisin adı verilmişdi. Robert Vetson 60 ildən sonra bacı və qardaşlarını Şotlandiyada tapıb.

Ögey qardaşlarının bildirdiyinə görə atası bir başqa qadınla yaşamaq üçün ailəsini tərk edib, amma sonra yenidən ailəsinə qayıdıb. Vetson bu günə qədər anasının kim olduğunu və onu niyə tərk etdiyini bilmir.

Əvvəlcə yetimxanada böyüyən, sonra isə 7 yaşında övladlığa götürülən Vetson genetik ailəsinin kim olduğu ilə maraqlanıb.

61 yaşlı ingilis dili müəllimi Vetson 34 yaşlı qızının köməyi ilə bacı və qardaşlarını tapıb. Emma atasının ailəsini tapmaq üçün "Facebook" səhifəsi açır və DNA mütəxəssisi ilə tanış olur. Onun sayəsində isə atasının ailəsini tapır.

Hikmət
Ölkə.Az