KORONAVİRUSA YOLUXANLARIN SAYI - CANLI STATİSTİKA

"Kişi müğənnilərə qarşı bunu etmək düzgün deyil" — “Altın Kelebek”in namizədi Oksana Rəsulova

22:42
08.11.2019
8922
Maqazin
A
Gələn həftənin şənbə günü (16 noyabr) “Altın Kelebek” mükafatlandırma gecəsi ilə bağlı Bakıda təşkil olunacaq mərasimə sayılı günlər qalır.

"Ölkə.Az" bildirir ki, ötən illərdən fərqli olaraq, bu il ulduzlarımız (Xalq artist Röya Ayxan, müğənnilər Sevda Yəhyayeva, Nura Suri, Gülay Zeynalova, Murad Arif, Xəyyam Nisanov, Elçin Cəfərov, Azad Şabanov, aktrisalar Pərvin Abıyeva və Oksana Rəsulova) yalnız bir kateqoriya - “Azərbaycanın ən parlaq ulduzu” nominasiyası üzrə mübarizə aparacaq. Bizim məşhurlar arasında səsvermə hələ də davam edir.

Dekabırın 8-də İstanbulun Zorlu PSM-də keçiriləcək “Altın Kelebek”də həm Türkiyədən həm də Azərbaycandan olan namizədlərə maraq həddən artıq yüksəkdir. Türkiyənin “Oskar”ını yerli məşhurlarımızdan kimin qazanacağı sosial media əhli tərəfindən geniş müzakirə olunur.

Oxu.Az-ın əməkdaşı azərbaycanlı namizəd hind rəqslərinin mahir ifaçısı, rəqqasə və aktrisa Oksana Rəsulova ilə əlaqə yaradıb. Məşhur Azərbaycanla bağlı bir nominasiyanın olmasından narahatlıq keçirdiyini və bunda məntiq olmadığını dilə gətirdi :

“Artıq üçüncü ildir ki, Azərbaycan Türkiyənin keçirdiyi bu cür mötəbər “Altın Kelebek” mükafatlandırma mərasimində iştirak edir. Azərbaycanın hər bir ulduzu istəyər ki, “Altın Kelebek” kimi prestijli gecədə həm çıxış etsin, həm də qalib gəlsin. Xalq artistləri Röya Ayxan və Aygün Kazımova artıq bu mükafata sahibləniblər. Mən də istəyərəm ki, namizədlər arasında qalib gəlib, “Altın Kelebek” mükafatına layiq görülüm. Şanslarım az deyil. Amma etiraf etmək lazımdır ki, Röyanın şansları bizim digər ulduzlarımız arasında daha çoxdur. O, həm mahnıları, həm klipləri, həm də konsertləri ilə Türkiyədə yetərincə tanınır. Sadəcə bir məqama çox üzülürəm ki, Azərbaycan üçün nominasiya yalnız bir dənədir. O da ki, “Azərbaycanın ən parlaq ulduzu”. Çünki müğənnilər arasında aktrisalar yəni mən və Pərvin Abıyeva var. Müğənnilər üçün ayrı, aktrisalar üçün ayrı nominasiyalar olsaydı, daha məqsədəuyğun olardı. Belə olduğu təqdirdə məntiq görmürəm və məni bu hadisə narahat edir.

“Altın Kelebek”i qazanmağı mən şansa bağlayıram. Çünki sənə izləyicilər səs göndərə də bilər, göndərməyədə. Burada hər şey səsvermədən asılıdır”.

Müğənni Elçin Cəfərovun “xanım sənətçilərə təyyarə biletləri alınıb, bəylərə isə yox” açıqlaması təşkilati işlərə kölgə salıb.

“Sizin İstanbula təyyarə biletiniz, orada qalacağınız hotel nömrəsi rezervasiya olunub?” sualına Oksananın reaksiyası birmənalı olmadı.

“Mən heç bu barədə düşünməmişəm belə. Əslində bizim hər birimiz üçün həm təyyarə bileti alınmalı, həm də hotellərin birində qalmağımız üçün rezervasiya işləri görülməlidir. Kişi müğənnilərə qarşı bunu etmək düzgün deyil. Bu artıq ayrıseçkilikdir. Birinci dəfədir belə bir şey eşidirəm. Düzünü desəm, anlamadım. Təşkilatçılardan bunu dəqiqləşdirmək lazımdır”.

Xatırladaq ki, Azərbaycan “Altın Kelebek” mükafatlandırma gecəsində iki dəfə iştirak edib. 2017-ci ildə mükafatı Xalq artisti Röya Ayxan, 2018-ci ildə isə Xalq artisti Aygün Kazımova qazanıb. Onlar hər ikisi “Azərbaycanın ən parlaq ulduzu” nominasiyasında qalib gəliblər.

Qeyd edək ki, noyabrın 16-da “Altın kelebek”in siması məşhur aktrisa Ebru Şahin paytaxt Bakının qonağı olacaq. Təşkil olunacaq möhtəşəm gecədə ulduz namizədlərin adı açıqlanacaq. Ötən ildən fərqli olaraq, namizədlərin iştirakı ilə konsert proqramı keçirilməyəcək.

Ölkə.Az

ŞƏRH YAZ
1

“Gecə yaralı əsgərlərə qan verməyə getdik...” — Kamil Zeynallı yalan məlumat yayanlara SƏSLƏNDİ

“Gecə yaralı əsgərlərə qan verməyə getdik...”
16:42
Bu gün
2985
Maqazin
A
“Bəzi səhifələr yaralı əsgərlərimizə qan tələb olunduğunu yazıblar. Biz də bu səbəbdən gecə hospitala qan verməyə getdik”.

“Ölkə.Az” xəbər verir ki, bu sözləri idmançı Kamil Zeynallı “İnstagram” səhifəsində cəbhədə yaralanan əsgərlər haqqında yayılan yalan məlumatlardan danışarkən deyib. O, insanları dezinformasiyalara uymamağa çağırıb.

“Bizə orada bildirdilər ki, heç bir əsgərə qan lazım deyil. Yaralı əsgərlərimiz hər bir şeylə təmin olunub, onların vəziyyəti stabildir. Bu barədə yayılan məlumatlar əsassızdır. Heç bir narahatlığa səbəb yoxdur”,- deyə o, bildirib. 

Xatırladaq ki, İyulun 12-də Ermənistan silahlı qüvvələrinin bölmələri Azərbaycan - Ermənistan dövlət sərhədinin Tovuz istiqamətində atəşkəs rejimini pozaraq mövqelərimizi ağır artilleriya atəşinə tutublar. Hücuma cəhd göstərən erməni dəstələri Azərbaycan Ordusunun şücaətli əsgərləri tərəfindən dəf edilərək, düşmən geri otuzdurulub.

Ölkə.Az

ŞƏRH YAZ
0

Məşhur aktyorun həyat yoldaşı XƏRÇƏNGƏ UDUZARAQ VƏFAT ETDİ

Məşhur aktyorun həyat yoldaşı XƏRÇƏNGƏ UDUZARAQ VƏFAT ETDİ
11:58
Bu gün
2253
Maqazin
A
Amerikalı aktrisa, Hollivud ulduzu Con Travoltanın həyat yoldaşı Kelly Preston 57 yaşında vəfat edib. Bu barədə aktyor İnstaqram səhifəsində məlumat verib.

"Ölkə.Az" xəbər verir ki, "Çox kədərlənərək bildirirəm ki, gözəl həyat yoldaşım Kellini iki il xərçənglə mübarizəsindən sonra itirdik. Həyatı üçün cəsarətlə vuruşdu, hər tərəfdən sevgi və dəstək aldı. Ailəm və mən həkimlər və tibb bacılarına və bizə kömək edən bütün tibb mərkəzlərinə sonsuz minnətdarlığımızı bildirəcəyik ",- deyə 66 yaşlı Travolta qeyd edib.

Preston, “Nothing to Lose,” “Jerry Maguire”, “Əkizlər”, “Qaçış” və “Ölüm hökmü” kimi filmlərdə rol alıb. Aktrisa, 1991-ci ildə Con  Travolta ilə ailə qurub. Cütlüyün bu  evlilikdən üç övladı var: 20 yaşlı qızı Ella və doqquz yaşlı Benjamin, başqa bir oğlu Jett isə 2009-cu ilin yanvar ayında 16 yaşında vəfat edib.

Ölkə.Az

ŞƏRH YAZ
0
BAĞLA