"Kitab bizim ilk dostumuzdur!"

00:54
26.01.2018
4304
Mədəniyyət
A
Azərbaycan Respublikasının Prezidenti yanında Gənclər Fondunun maliyyə dəstəyi ilə 10-cu qrant müsabiqəsi çərçivəsində qalib olmuş "Kitab bizim ilk dostumuzdur!" adlı layihənin icrası yekunlaşıb.

"Ölkə.Az" xəbər verir ki, Binəqədi Gənclər evində yazarlarla 25 gəncin görüşü keçirilib. Layihə rəhbəri Aytən Yusifzadə son zamanlar kitab oxuyanların sayının azalmasından danışaraq Gənclər Fonduna belə layihələrə verdiyi dəstək üçün təşəkkürünü bildirib. O bildirib ki, layihənin əsas məqsədi gənclərin bədii və elmi ədəbiyyata maraqlarının artırılmasıdır. Layihə çərçivəsində hazırlanan və gəncləri mütaliəyə həvəsləndirən videoçarx təqdim olunub. Aytən Yusifzadə onu da bildirib ki, gənclərdə kitab oxumaq ənənələrinin inkişaf etdirilməsi və onların maarifləndirilməsi məqsədi ilə yazarlarla görüşün keçirilməsi də nəzərdə tutulub.

Tədbirdə yazıçı İbrahim Rüstəmli, şair Elçin Mirzəbəyli və yazıçı Kənan Hacı iştirak edib.

Qeyd olunub ki, Azərbaycan gənclərinin bədii və elmi ədəbiyyata marağı tarixin müxtəlif dövrlərində fərqli olub. Lakin Azərbaycan ədəbi və elmi mühiti hər zaman dünyaya öz töhvəsini verib. Bildirilib ki, gənclərin bədii və elmi ədəbiyyata maraqlarının artırılması üçün ədəbi və elmi ədəbiyyatın müəllifləri tanıması vacibdir. Vurgulanıb ki, kitab oxumaq bəziləri üçün gərəksiz, bəziləri üçün sadəcə hobbi, bəziləri üçünsə olmazsa olmazlardan biridir. Hər kitab fərqli şeylər öyrədir, fərqli duyğular hiss etdirir, fərqli həyatlar sərgiləyir, fərqli dünyalara aparır

Tövsiyyə olunub ki, yaxşı yazan müəlliflərin əsərlərini oxumaq lazımdır. Əsas oxunmuş kitabların çoxluğu deyil, məhz başa düşülən kitabların çoxluğudur.

Sonda Aytən Yusifzadə deyib ki, gənclərlə yazarların tanışlığı onlarda ədəbi mühitə maraq yaradacaq və gənclərin kitab oxumağı yaxşı adət olacaqdır.

Ölkə.Az

ŞƏRH YAZ
0

Əməkdar artist yarızirzəmidə yaşayırmış — "Özüm ikinci qrup əliləm, övladım da şikəstdir" "Özüm ikinci qrup əliləm, övladım da şikəstdir"

Əməkdar artist yarızirzəmidə yaşayırmış
13:47
19.04.2019
4145
Mədəniyyət
A
Abdulla Şaiq adına Dövlət Kukla Teatrının tanınmış aktyoru, əməkdar artist Rəhman Rəhmanov uzun illərdir yarızirzəmidə yaşayırmış.

 Bu barədə "Ölkə.Az"ın əməkdaşı ilə söhbətində aktyor özü danışıb:

"Qırx beş ildir ki, Azərbaycan səhnəsindəyəm, incəsənətimizə, teatrımıza xidmət edirəm. Xidmətimin əsas hissəsi uşaqlarla, azyaşlılarla bağlıdır. Cavanlığım Dövlət Kukla Teatrında xidmətə gedib. Neçə onillik əvvəl tamaşalarıma baxan balaca balalar indi özlərə babadırlar, nənədirlər, öz nəvələri ilə teatrımıza gəlirlər, tamaşalarıma baxırlar. Arzu edirəm ki, Allah mənə ömür versin, nəticələriylə də tamaşalarıma gəlsinlər. Amma Allah mənə elə bir xəstəlik verib ki... On beş ildir ağır dərəcəli şəkərdən əziyyət çəkirəm, ayağımda çürümə gedir, qaralıb. Təbii ki, xəstəliklər həm də mənzil şəraitindən əmələ gəlir. Mənim öz şəxsi mənzilim yoxdur. Həyat yoldaşımın balaca, nəm yarımzirzəmisi var, biz illərdir orada yaşayırıq. İnanın ki, oranın döşəməsi də yoxdur, yeri torpaqdır. Kim istəsə, gəlib baxa bilər. Bütün bunlar mənə çox təsir edir. Özüm də neçə illərdir ikinci qrup əliləm. Buna baxmayaraq, yenə də teatrda çalışıram, balacalarımıza xidmət edirəm. Neçə-neçə filmlərə çəkilmişəm, televiziya tamaşalarında iştirak etmişəm və o tamaşalar Qızıl Fonddadır. Qırx beş il ərzində bir çox xarici dövlətlərdə təşkil edilmiş beynəlxalq festivallardan ölkəmizə uğurlar gətirmişəm. Sənətimə də dövlət başçısı İlham Əliyev tərəfindən qiymət verilib. Onun imzası ilə "Əməkdar artist" fəxri adına layiq görülmüşəm. Ən əsası bir neçə ildir ki, Prezident mükafatı alıram. Həmin mükafat dərmanlarımı, iynələrimi almaq üçün böyük köməkdir". 

Tanınmış aktyor qeyd edib ki, övladlarından biri də ikinci qrup əlildir:

"Aldığım təqaüd və məvacib yalnız dərmanlarıma çatır. Övladlarımdan biri də şikəstdir, ikinci qrup əlildir, heç bir övladımın evi yoxdur, nəvələrim kirayələrdə qalırlar". 

İntiqam VALEHOĞLU
Ölkə.Az

ŞƏRH YAZ
0

Ağaxan Abdullayev, Alim Qasımov, Elnarə, Simarə... — ARXİV VİDEO

Ağaxan Abdullayev, Alim Qasımov, Elnarə, Simarə...
17:05
18.04.2019
2967
Mədəniyyət
A
Tanınmış xanəndə, əməkdar artist Elnarə Abdullayevanın təxminən iyirmi il öncə çəkilmiş görüntüləri yayılıb.

"Ölkə.Az"ın məlumatına görə, ustad xanəndə, mərhum xalq artisti Ağaxan Abdullayevin oğlu Xoşbəxt Abdullayevin toyunda çəkilmiş kadrlarda E.Abdullayevadan savayı xalq artistləri Alim Qasımov və Simarə İmanova da yer alıb.

Həmin görüntüləri təqdim edirik. 

Ölkə.Az

ŞƏRH YAZ
0
BAĞLA