KİV Valentina Matviyenkonun Azərbaycana səfəri zamanı dediyi sözləri təhrif edib

KİV Valentina Matviyenkonun Azərbaycana səfəri zamanı dediyi sözləri təhrif edib
21:37
13.04.2019
3562
Siyasət
A
Rusiyada Azərbaycan-Rusiya münasibətlərinin uğurlu inkişafı məmnunluqla izlənilir.

"Ölkə.Az" haqqqın.az-a istinadən xəbər verir ki, Azərbaycan parlamentinin hüquq siyasəti və dövlət quruculuğu komitəsinin sədri Əli Hüseynli müsahibəsində bildirib ki, Rusiya Federasiyası Federal Məclisi Federasiya Şurasının sədri Valentina Matviyenkonun Azərbaycana uğurlu səfəri növbəti dəfə Rusiya-Azərbaycan münasibətlərinin yüksək səviyyəsini və iki ölkənin möhkəmlənən strateji tərəfdaşlığını göstərdi.

Valentina Matviyenko səfər çərçivəsində Azərbaycan Prezidenti İlham Əliyev və Birinci vitse-prezident Mehriban Əliyeva ilə görüşüb, Milli Məclisdə, ASAN xidmətdə və Gimnastika Federasiyasında olub. Özünün görüşləri və çıxışlarında rusiyalı qonaq Rusiya-Azərbaycan münasibətlərinin dirçəldilməsində Azərbaycan dövlətinin qurucusu Heydər Əliyevin böyük rolunu xüsusi olaraq vurğulayıb.

Əli Hüseynli qeyd edib ki, Valentina Matviyenko Azərbaycanda rus dilinə və rus ədəbiyyatına bu cür hörmət göstərilməsindən, rus icmasının vəziyyətindən məmnunluq ifadə edib, həmçinin bildirib ki, Rusiyada Azərbaycan-Rusiya münasibətlərinin uğurlu inkişafı məmnunluqla izlənilir.

Bununla yanaşı, qeyd etmək lazımdır ki, bir sıra Rusiya KİV-ləri Valentina Matviyenkonun Prezident İlham Əliyevlə görüşündə səsləndirdiyi fikirlərdən bir neçəsini kontekstdən çıxararaq, xüsusilə bəyan ediblər ki, “Matviyenko Azərbaycan Prezidentinə “total imla” yazmağı təklif edib. Ona görə də bir neçə Azərbaycan KİV-ləri Rusiya KİV-lərinin xəbərlərinə istinad ediblər. Mən bu məsələyə aid olan çıxışın tam mətnini təqdim etmək istəyirəm.

“Universitetlər çərçivəsində elmi əməkdaşlığı da, rusiyalı tələbələrin Azərbaycanda və azərbaycanlı tələbələrin Rusiyada təhsil almasına yönəldilmiş gənclərin mübadiləsini son dərəcə mühüm hesab edirəm.

Biz hər il Azərbaycandan olan tələbələrə dövlət təqaüdü ayırırıq. 2018-ci ildə 205 təqaüd ayrılıb, lakin ümumilikdə Rusiyanın bütün universitetlərində müxtəlif formalarda 15 min azərbaycanlı tələbə təhsil alır.

Biz qəbulun həcmini artırmağa hazırıq. Bu istiqaməti olduqca mühüm hesab edirik.

Bilirəm ki, sizdə rus dili üzrə olimpiada da keçirilir. Mənə məlumdur ki, rus dili üzrə ümumi imla olub. Əgər növbəti dəfə Azərbaycan Prezidenti bu imlada iştirak edərsə, düşünürəm ki, hamı fəal şəkildə ona qatılacaq. Bu, bir növ simvolik aksiyadır, lakin çox mühümdür”.
Əli Hüseynli deyib: “Yuxarıda göstərilən çıxışın mətnindən də məlum olur ki, xanım Matviyenkonun İlham Əliyevlə görüşündə söylədiyi sözlər təhrif edilib”.

Milli Məclisin deputatı bildirib ki, rus dili üzrə “Total imla” rus dilinin bütün dünyada inkişafı üzrə ən populyar aksiyalardan biridir. Xatırladaq ki, artıq üç ildir ki, Bakı Slavyan Universitetində də “Total imla” humanitar aksiyası keçirilir.

Əli Hüseynli deyib: “Bütün dünyada keçirilən bu aksiyada adi vətəndaşlarla yanaşı, görkəmli ictimai və siyasi xadimlər də iştirak edirlər. Hətta bir sıra böyük dövlətlərin başçıları da bu aksiyada iştirak etməyə dəvət alırlar. Beləliklə, Valentina Matviyenko məhz İlham Əliyevi bu aksiyada iştirak etməyə dəvət edib və bu, birmənalı olaraq, dövlətimizin başçısına dərin ehtiramın təzahürüdür”.

Ölkə.Az

 

ŞƏRH YAZ
0

İlham Əliyev Xorvatiya və Sloveniya dövlət başçılarını təbrik etdi

İlham Əliyev Xorvatiya və Sloveniya dövlət başçılarını təbrik etdi
18:37
Bu gün
1579
Siyasət
A
Azərbaycan Respublikasının Prezidenti İlham Əliyev Xorvatiya Respublikasının Prezidenti Kolinda Qrabar-Kitaroviçə təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:   

"Hörmətli xanım Prezident,

Ölkənizin milli bayramı – Dövlətçilik Günü münasibətilə Sizi və xalqınızı öz adımdan və Azərbaycan xalqı adından səmimi qəlbdən təbrik edirəm.

Azərbaycan-Xorvatiya münasibətlərinin inkişaf dinamikası məmnunluq doğurur. İnanıram ki, ölkələrimiz arasındakı strateji tərəfdaşlıq, qarşılıqlı maraq doğuran bir sıra sahələrdə əməkdaşlığımız xalqlarımızın mənafelərinə uyğun olaraq bundan sonra da müvəffəqiyyətlə davam edəcəkdir.

Belə bir əlamətdar gündə Sizə möhkəm cansağlığı, işlərinizdə uğurlar, dost Xorvatiya xalqına əmin-amanlıq və firavanlıq arzulayıram".

Azərbaycan Respublikasının Prezidenti İlham Əliyev həmçinin Sloveniya Respublikasının Prezidenti Borut Pahora da təbrik məktubu ünvanlayıb. Təbrik mətnində deyilir: 

"Hörmətli cənab Prezident,

Sloveniya Respublikasının milli bayramı – Dövlətçilik Günü münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi yetirirəm.

İnanıram ki, ölkələrimiz arasındakı münasibətlər xalqlarımızın mənafelərinə uyğun olaraq daim dostluq və əməkdaşlıq məcrasında inkişaf edəcəkdir.

Bu xoş gündə Sizə möhkəm cansağlığı, işlərinizdə uğurlar, dost Sloveniya xalqına əmin-amanlıq və rifah arzulayıram".

ŞƏRH YAZ
0

Novruz Məmmədov Yekaterina Zaxaryeva ilə görüşüb

Novruz Məmmədov Yekaterina Zaxaryeva ilə görüşüb
18:25
Bu gün
223
Siyasət
A
Azərbaycan Respublikasının Baş Naziri Novruz Məmmədov iyunun 24-də Bolqarıstan Respublikası Baş Nazirinin müavini və Xarici İşlər naziri Yekaterina Zaxaryevanın başçılıq etdiyi nümayəndə heyəti ilə görüşüb.

Bu barədə "Ölkə.Az" a Nazirlər Kabinetinin Mətbuat xidmətindən məlumat verilib. 

Azərbaycan-Bolqarıstan münasibətlərindən danışan Baş Nazir Novruz Məmmədov ölkələrimiz və xalqlarımız arasında çox yaxşı münasibətlərin olduğunu bildirərək deyib: 

“Azərbaycan ilə Bolqarıstan arasındakı münasibətlər strateji tərəfdaşlıq xarakteri daşıyır. Ölkələrimiz həm ikitərəfli müstəvidə, həm də beynəlxalq təşkilatlar çərçivəsində səmərəli əməkdaşlıq edirlər. Düşünürəm ki, sizin səfəriniz də ölkələrimiz arasında olan əməkdaşlıq əlaqələrinin daha da möhkəmlənməsinə töhfəsini verəcək”. 

Baş Nazir Azərbaycan ilə Bolqarıstan arasında siyasi əlaqələrin yüksək səviyyədə olduğunu söyləyib. Novruz Məmmədov ölkələrimiz arasındakı iqtisadi münasibətlərin daha inkişaf etdirilməsi üçün yaxşı potensialın olduğunu bildirib, qarşılıqlı faydalı əməkdaşlığın genişləndirilməsinin vacibliyini vurğulayıb. Baş Nazir Bolqarıstanın Yunanıstan – Bolqarıstan İnterkonnektoru vasitəsilə Cənubi Qaz Dəhlizi layihəsinə qoşulmasının ölkələrimiz arasındakı ikitərəfli əməkdaşlığın daha da inkişafına töhfə verəcəyini deyib. 

Novruz Məmmədov Ermənistan-Azərbaycan Dağlıq Qarabağ münaqişəsinin həllində Azərbaycanın ədalətli mövqeyinə verdiyi dəstəyə görə Bolqarıstan tərəfinə minnətdarlığını ifadə edib. 

Azərbaycan ilə Bolqarıstanın dost ölkələr olduqlarını vurğulayan Yekaterina Zaxaryeva 2015-ci ildə Prezident İlham Əliyevin Bolqarıstana səfəri zamanı imzalanan Strateji tərəfdaşlıq haqqında birgə bəyannamənin ikitərəfli əlaqələrin inkişaf etdirilməsi baxımından önəmli olduğunu bildirərək, ölkələrimiz arasında əməkdaşlığın daha da genişləndirilməsi istiqamətində mühüm addımların atıldığını diqqətə çardırıb . 

Söhbət zamanı Azərbaycanın Avropanın enerji təhlükəsizliyindəki önəmli rolundan bəhs edilib, enerji, turizm, ticarət, nəqliyyat sahələrində əməkdaşlığın genişləndirilməsinə və qarşılıqlı maraq doğuran digər məsələlərə dair fikir mübadiləsi aparılıb.

ŞƏRH YAZ
0
BAĞLA