Klassik idman maşını satışa çıxarılacaq
"Ölkə.Az" xəbər verir ki, " Aston Martin DB4GT Zagato 2 VEV " modeli 1961-ci ildə istehsal edilib və " Works " tərəfindən istehsal edilən iki maşından biridir. İlkin ehtimala görə avtomobil 15 milyon funt sterlinqə təklif ediləcək.
Sözügedən avtomobil 1961-1962-ci illərdə keçirilən beynəlxalq yarışlarda iştirak edib. İkiqat "Formula1" çempionu və "İndi-500" yarışlarının qalibi Cim Klark bu maşının sükanı arxasında əyləşib.
Son 50 il ərzində "DB4GT" modeli müəyyən insanlarda olub Müxtəlif retro maşın festivallarında iştirak edib. 1993-cü ildə ciddi qəzadan sonra "Aston Martin" zavodunda təmir edilib.
Avtomobil 3.7 litr həcmli mühərriklə təchiz edilib. Aqreqat 314 at gücü hasil edir. Yerindən 97 km/saat sürəti 6.1 saniyəyə yığır. Maksimal sürəti 247 km/saatdır.
Hikmət Həsənov
Ölkə.Az