Klint İstvud Avropa terroruna aid film çəkir

Klint İstvud Avropa terroruna aid film çəkir
16:07
21.04.2017
200
Mədəniyyət
A
Amerikalı aktyor, rejissor və prodüser 86 yaşlı Klint İstvud yeni film çəkiminə hazırlaşır.

"Ölkə.Az" xəbər verir ki, film 2015-ci ilin yay aylarında Amsterdamdan Parisə səfər edən qatarda terror aktının qarşısını alan 3 amerikalıdan bəhs edir.

Çəkilişlər "Warner Bros" studiyasında aparılacaq. Filmin ssenarisi "15:17 Paris qatarı: Terror, qatar və üç amerikalı qəhrəman haqqında əsl tarix" kitabı əsasında yazılıb. Əsər bütün hadisələri gözləri ilə görən Entoni Sedler, Alek Skarlatos və Spenser Stounun xatirələrinə əsasən qələmə alınıb. Məşhur yazıçı Ceffri Stern baş verənləri kitab halına salıb.

2015-ci ilin avqust ayında 26 yaşlı Mərakeş sakini Əyyub əl-Kazzani Amsterdam-Paris sürət qatarında atəş açıb. Ekstremist qatar briqadası və sərnişinlər tərəfindən qısa müddətə zərərsizləşdirilib. Sərnişinlər arasında 3 amerikalı da olub.

Onlardan biri Oregon ştatının milli qvardiyasında hərbi xidmət keçib. Digəri isə ABŞ hərbi hava qüvvələrində xidmət edib. Onların köməyi olmasaydı, terrorçu bir çox sərnişini qətlə yetirə bilərdi. Qatarda cəmi 554 sərnişin olub.

Hikmət
Ölkə.Az

ŞƏRH YAZ
0

"Ayşad Fuad Poladovu anmazdan əvvəl rəhbərliklə məsləhətləşməliydi" — Əli Nur

12:30
16.05.2018
6231
Mədəniyyət
A
Əməkdar artist Əli Nur mərhum xalq artisti Fuad Poladovun Akademik Milli Dram Teatrında tamaşada əməkdar artist Ayşad Məmmədov tərəfindən anılmasına münasibət bildirib.

"Ölkə.Az"a danışan aktyor bildirib ki, həmin aktyor bununla bağlı rəhbərliklə məsləhətləşməliydi:

"Bu məsələdən mən də xəbərdaram. Həmin gün "Şah Qacar" tamaşaçısı olub. Fuad Poladov Şah Qacar rolunun əvəzolunmaz ifaçısıydı və mədəniyyət tariximizdə sənətkar kimi qalacaq. Ayşad Məmmədovun tamaşadan öncə Fuad Poladovu anmağında qəbahət yoxdur. Çünki Həsənağa Turabov, Səməndər Rzayev kimi sənətkarları da səhnədə yad etmişik. Ancaq burada bir incə məsələ var. Teatr çox böyük ictimai tribuna olduğuna görə proqramdan kənar çıxış etmək olmaz. Teatrın rəhbərliyi, nazirliyin səlahiyyətli şəxsləri var. Onlarla məsləhətləşmək lazım idi. Belə demək mümkünsə, Ayşad həm düz edib, həm də səhv".

Qeyd edək ki, əməkdar artist Ayşad Məmmədovun "Şah Qacar" tamaşasından əvvəl xalq artisti Fuad Poladovu anması teatr rəhbərliyinin narazılığına səbəb olmuşdu.

İntiqam VALEHOĞLU  
Ölkə.Az

ŞƏRH YAZ
0

17 yaşlı xanəndəmiz Tacikistanda konsert verdi — FOTOLAR

17 yaşlı xanəndəmiz Tacikistanda konsert verdi
18:15
14.05.2018
2726
Mədəniyyət
A
VI Muğam Müsabiqəsinin qalibi Almaxanım Əhmədli Tacikistanın paytaxtı Düşənbədə solo konsert proqramıyla çıxış edib.

 "Ölkə.Az"-ın məlumatına görə, Azərbaycan Xalq Cümhuriyyətinin 100, Ümummilli lider Heydər Əliyevin anadan olmasının 95 illiyinə həsr edilmiş konsert proqramı saat yarım davam edib. Gənc xanəndə saytımıza açıqlamasında bildirib ki, konsertdə Tacikistan və Azərbaycanın dövlət rəsmiləriylə yanaşı, xarici ölkələrin diplomatik korpuslarının nümayəndələri də iştirak ediblər:

"Kosnertdə "Cəngi" Folklor Ansamblının və Mədəniyyət Nazirliyinin xəttiylə getmişdik. 

Konsertimiz çox yüksək səviyyədə keçdi. "Şeş Makom" muğam festivalında oxuduğum "Qarabağ şikəstəsi" isə gözlədiyimdən də yüksək səviyyədə qarşılandı. Konsertdən sonra Tacikistanın Dövlət Televiziyasına müsahibə verdim. Tacikistandakı səfirimiz Həsən Məmmədzadəylə də görüşümüz oldu". 

Qeyd edək ki, A.Əhmədli 2017-ci ildən AzTV-nin solisti, eyni zamanda Azərbaycan Milli Konservatoriyasının solo oxuma fakültəsinin tələbəsidir.

İntiqam VALEHOĞLU
Ölkə.Az

ŞƏRH YAZ
0
BAĞLA