Klinton istintaqa cəlb edilə bilər
ABŞ ədliyyə nazirliyi Klintonlar ailəsinin fond fəaliyyəti və uran müqaviləsi ilə maraqlanır.
"Ölkə.Az" xəbər verir ki, Kanadanın "Uranium One" şirkətinin satışı da nazirliyin maraq dairəsindədir.
ABŞ mətbuatının xəbərinə əsasən, federal prokurorlar bu məsələ ilə bağlı baş prokuror Ceff Seşnsin bəzi tapşırıqlarını tədqiq edirlər.
Baş prokurorun köməkçisi Stiven Boydun məktubunda deyilir: "Bu prokurorlar uyğun məsələlərdə birbaşa baş prokurora və onun müavininə tabe olacaqlar və tədqiq edilən məsələnin istintaqa cəlb edilib-edilməməsi barədə rəy verəcəklər".
ABŞ Konqresinin təmsilçilər palatası Ədliyyə Nazirliyinə 27 iyul və 26 sentyabr tarixlərində uran müqaviləsinin istintaqı üçün xüsusi prokuror təyin edilməsi ilə bağlı tələbnamə göndərib.
Hikmət Həsənov
Ölkə.Az
