Kökəlmək istəməyənlərə — VACİB XƏBƏR

Kökəlmək istəməyənlərə
01:09
15.11.2017
2013
Maraqlı
A
İnsanlar tarix boyu kökəlməkdən və piylənməkdə qorxsalar, eyni zamanda bununla mübarizə aparsalar da, çox vaxt kilolar qalib gəlib. Bəzən insanlara hətta aclıq belə kömək edə bilməyib.

Bəs piylənməyin səbəbi nədir?

“Ölkə.Az” xəbər verir ki, amerikalı alimlərbu suala cavab tapmaq üçün araşdırmalar aparıblar. Aparılan araşdırmalardan məlum olub ki, piylənmə zülalların xüsusi bir mutasiya ilə əlaqələndirilə bilər. Təcrübələr yenə də siçanlar üzərində aparılıb.

Elm adamlarının keçirdiyi təcrübələr nəticəsində məlum olub ki, insan orqanizmində piylənmə qanda olan xüsusi gendən irəli gələ bilər. Bu gen sayəsində insan bədənində piylənmə yaranır. Çox qida qəbul etdikdə isə kökəlmə və piylənmə sürətlənir. Bundan başqa, qanda olan “Glut4” sayəsində insanın piy qatı qalınlaşır.

Biokimya mütəxəssissi və həkim Corc Qeller hesab edir ki, insan orqanizmində kökəlmək məhz qandan irəli gəlir. Əgər insan piylənməyin qarşısını almaq istəyirsə, mütəmadi olaraq qanına diqqət yetirməlidir. Qandakı zülalları və “Glut4” maddələri çoxaldığı zaman həkimə müraciət edilməlidir. Bu zaman qanı müxtəlif üsullarla ətmizləyirlər.

Braziliyalı alimlərin araşdırması nəticəsində isə insan orqanizmində piylənmənin səbəbi insan mədəsində və bağırsağında yığılan doymuş yağlarda tapılıb. Bu barədə araşdırmalar aparılıb. Araşdırmalar ilk öncə siçanın üzərində həyata keçirilib. Siçanlara doymuş yağlardan ibarət maddələr verilib. Nəticələr özünü çox gözlətməyib. Belə ki, siçanlar bir həftənin içərisində çəkilərini artırıblar. Həkimlərin fikrincə, doymuş yağlar bağırsağa və mədəyə düşdükdən sonra orqanizmdəki hüceyrələri öldürür. Nəticədə insanın doyma hissi öz funksiyasını itirir və siqnal beyinə gedib çatmır.

Hazırda həkimlər itirilmiş hüceyrələrin bərpasının necə həyata keçirilməsi üzərində çalışırlar. 

Ziya Səccad
Ölkə.Az

ŞƏRH YAZ
1

Gündə 3 xurma yemək... — Xurmanın bu günə qədər bilmədiyimiz FAYDALARI

Gündə 3 xurma yemək...
13:18
Bu gün
3793
Maraqlı
A
Xurma ləzzətli olmaqla yanaşı insan orqanizminə faydalıdır.

“Ölkə.Az” xəbər verir ki, dəmir, folik turşu və kalsium kimi bir çox mineral xurmanın tərkibində var. Amma qeyd etmək mütləq vacibdir ki, 3 ədəd xurmanın 60 kalorisi var. Bu səbəbdən də ləzzətinə qapılıb xurmanı daha çox qəbul etmək olmaz.

Aşağıda xurmanın insan orqanizminə olan faydalarını təqdim edirik.

Həzmi asanlaşdırır

Xurmanın tərkibində lif çoxdur. 100 qram xurmada 3.5 qram lif var. Buna görə də mədədə şişir və mədəni gec tərk etdiyi üçün toxluq hissi yaradır. Yüksək lif bağırsaqları işlədir və qəbz problemini həll edir.

Dərini təravətləndirir

Xurmanın tərkibi antioksidantla zəngindir. Bu isə dərilərin yenilənməsini təmin edir.  Xurma dərinin ehtiyacı olan nəmi ona verir, dəri daha elastik olur. Dəri elastikliyini itirdikdə isə üzdə qırışlar meydana gəlir.

Bundan başqa xurmanın tərkibindəki B vitamini dəridə yaranan yaraların da tez sağalmasına kömək edir.


Arıqlamağa kömək edir

Xurmanın tərkibində yüksək miqdarda lif olduğu üçün mədədə uzun müddət qalır və həzmin sürətini azaldır. Bu isə toxluq müddətinin uzanmasına, daha az qidalanmağa səbəb olur. Orqanizmində dəmir az olan insanlar arıqlamaqda çətinlik çəkirlər. Xurmanın tərkibində isə dəmirin miqdarı çoxdur. Bu isə metabolizmanı sürətləndirir.


Əzələ ağrıları

Orqanizmdə maqnezium azlığı tez-tez əzələ ağrılarına səbəb olur. Xurmanın tərkibindəki maqnezium əzələləri gücləndirir, protein sintezində və sovrulmasında dəstəkçi olur. Gündə 2-3 ədəd xurma qəbul etmək gündəlik maqnezium ehtiyacını qarşılayır.


Ürək sağlamlığı

Xurma ürəyin dostu olan qidalar siyahısında ilk yerdədir. Xurmanın tərkibindəki potasium mineralı qan təzyiqini stabilləşdirir və ürək ritmini normaya salır. Tərkibində xolesterol olmadığı üçün ürəyi ziyanlı bakteriya və mikroblardan qoruyur, damar tıxanması riskini azaldır.


Stres və gərginliyi azaldır

Mütəxəssislərin apardıqları araşdırmalar nəticəsində məlum olub ki, sinirləri gücləndirən B6 vitamini xurmanın tərkibində çoxdur. Bu isə stresə qarşı bir müdafiə yaradır. Xurmanın tərkibindəki B1 vitamini də sinir sisteminin sağlamlığı üçün faydalıdır.


Qan azlığının qarşısını alır

Xurmanın tərkibində dəmirin miqdarı çoxdur. Müntəzəm qəbul edən insanlarda qan azlığının da qarşısını alır. Bundan başqa B2 və B3 vitaminləri də qırmızı qan hüceyrələrinin sayını artırır.


Enerji deposudur

Gün ərzində özünü yorğun hiss edən, halsız olan insanlar xurma ilə ehtiyac duyduqları enerjini təmin edə bilərlər. Yüksək enerji sayəsində xüsusən də arıqlamaq istəyən insanlar və inkişaf dövründə olan uşaqlar üçün çox faydalıdır.


İmmunitet sistemini gücləndirir

Xurmanın tərkibində immunitet sistemini dəstəkləyən selenium və C vitamini boldur. Bu isə orqanizmi zərərli bakteriya və mikroblardan təmizləyir. Bundan başqa maqnezium da orqanizmdə yarana biləcək infeksiyaların miqdarını azaldır.


Sümükləri gücləndirir

Xurmanın tərkibindəki kalsium və fosfat sümük yaranmasına və orqanizmin sümük strukturuna müsbət təsir edir. Bundan başqa sümük əriməsi və yumşalması kimi sümük xəstəliklərinin də qarşısını alır.

Hikmət Həsənov
Ölkə.Az

ŞƏRH YAZ
0

102 yaşlı qadın paraşütlə tullandı — VİDEO

102 yaşlı qadın paraşütlə tullandı
12:53
Bu gün
1681
Maraqlı
A
Avstraliyada 102 yaşlı qadın paraşütlə tullanıb.

 “Ölkə.Az” xəbər verir ki, İren Oşi bir neçə il əvvəl ALS xəstəsi olan qızını itirən anadır və bu xəstəliyə diqqət çəkmək üçün paraşütlə tullanıb. O, 102 yaşı olsa da, bu mövzuda qorxusuz olduğunu sübut edib.

1916-cı ildə anadan olan İren paraşütlə tullanmağa yaşın maneə olmadığını hamıya göstərib. Bu, 2016-cı ildən bu yana qadının 3-cü atlayışıdır. 4300 metr hündürlükdən tullanan amerikalı İren 100 yaşını da helikopterdən paraşütlə tullanaraq qeyd etmişdi.

İren bu dəfə “paraşütlə tullanan ən yaşlı insan” ünvanını əldə edib.

102 yaşında paraşütle atlayış yaptı

Hikmət Həsənov
Ölkə.Az

ŞƏRH YAZ
0
BAĞLA