Kokos yağından istifadə edə biləcəyimiz — 6 FƏRQLİ ÜSUL

Kokos yağından istifadə edə biləcəyimiz
18:50
15.05.2017
25
Maraqlı
A
Kokos yağı son vaxtlar həyatımıza sürətlə girib. Bir çox keks və qəhvəyə aroma və dad gətirmək üçün istifadə edənlər çoxdur. Bu yağlardan əsasən kosmetika və gigiyenada istifadə edilir.

"Ölkə.Az" oxucularına kokos yağından 6 fərqli üsulu təqdim edir.

Pilinq

1 xörək qaşığı kokos yağını 1 çay qaşığı şəkər tozu ilə qarışdırın və bütün dərinizə pilinq edin. Həm ölü dəri hüceyrələrini ortadan qaldıracaq, həm də dərinizi təravətləndirəcək.

Saçlara qulluq

Kokos yağını bir az isidin və saçınızın dibindən tutmuş ucuna qədər sürtün. Saç dərinizi masaj edin və yağ tam hopduqdan sonra 20 dəqiqə gözləyin. 20 dəqiqədən sonra isə saçınızı yuyun. Bu prosesi həftədə 1 gün tətbiq edərək daha sağlam və parıltılı saçlara qovuşun.

Nəmləndirici kimi

Kokos yağından bütün vücudunuzu nəmləndirmək üçün istifadə edə bilərsiniz. Kimyəvi tərkibli maddələrdən uzaq qalmaq və təbii nəmləndiricidən istifadə etmək istəyənlər üçün kokos yağı əla seçimdir.

Hamiləlik dövründə dəri çatlarına qarşı

Hamilə qadınlarda qarının böyüməsi ilə dəridə çatlar əmələ gəlir. Bunun qarşısını almaq üçün kokos yağından istifadə edin.

Makiyajı təmizləmək üçün

Ən ağır makiyajlar da kokos yağı ilə asanlıqla təmizlənir. Pambığa yağ hopdurun və üzünüzü silin. Həm makiyajı silə bilərsiniz, həm də eyni zamanda dərinizə təbii üsulla qulluq etmiş olarsınız.


Hikmət
Ölkə.Az

 

ŞƏRH YAZ
0

Rusiyanın ən yaxşı şərabı seçildi

Rusiyanın ən yaxşı şərabı seçildi
00:55
Bu gün
638
Maraqlı
A
Sevastopolda Rusiya şərablarının festivalı keçirilib.

“Ölkə.Az” xəbər verir ki, seçim üçün festivalda müxtəlif şirkətlərin şərabları təqdim edilib. Təqdim edilən 7 kateqoriyada 10  istehsalçının şərabı seçim turuna hüquq qazanıb. Ən yaxşı məhsullar sırasına isə Krım və Sevastopol şirkətlərinin şərabları layiq görülüb. Kubandan iki istehsalçı, Rostov bölgəsindən isə bir şirkətin məhsulu fərqlənib. 

Şərablar 6 münsif tərəfindən 100 bala qədər qiymətləndirilib. Şərabın qiymətləndirilməsi meyarları isə standart olub: dadın təmizliyi, məhsulun iyi və turşuluğu.

Məhsullardan dadma qapalı rejimdə keçirilib. Müsabiqənin nəticələri isə tədbirin sonunda açıqlanıb. Nəticələrə görə, Rusiyanın 2017-ci il üçün ən yaxşı şərabı Sevastopol məhsulu olub.

Ziya Səccad
Ölkə.Az

ŞƏRH YAZ
0

İnsanlar turşudan niyə zəhərlənir? — VİDEO

İnsanlar turşudan niyə zəhərlənir?
22:00
16.12.2017
1838
Maraqlı
A
Bakının Binəqədi rayonunda yaşayan 40 yaşlı Anar Hümbətov xiyar turşusundan zəhərlənərək ölüb.

Ölkə.Az Xezerxeber-ə istinadən xəbər verir ki, illərdir ev şəraitində bağlanan turşuların zəhərlənməyə səbəb olduğu deyilsə də, insanlar buna məhəl qoymurlar.

Təkcə 2017-ci ilin 11 ayı ərzində 528 nəfər turşudan zəhərlənib, 4 ölüm halı qeydə alınıb.

Gigiyena və Epidemiologiya Mərkəzinin şöbə müdiri Ziyəddin Kazımov evdə turşu bağlanılmasının birmənalı şəkildə əleyhinədir. Onun sözlərinə görə, konservləşdirilmiş turşularda inkişaf edən toksinlərə müdaxilə çətindir. Bu, çox hallarda ölümlə nəticələnir. Zəhərlənən insanın müdaxilə üçün maksimum 8 saatı qalır.

Çox hallarda zəhərlənməyə səbəb olma ehtimalı böyük olan turşuları əvvəlcədən müəyyən etmək olur.

Turşu zəhərlənməsinin ilkin əlaməti qarında kəskin ağrılar və mütamadi qusma hallarıdır. Çoxları tutma bağlamağı asan hesab edirlər. Əslində isə tərəvəz vasitəsi ilə bankaya daxil olan torpaq qırıntıları, toz hissəcikləri sonradan reaksiyaya girərək zəhərlənmə yaradır.

 

ŞƏRH YAZ
0
BAĞLA