Komitə: \"Əlində təsbeh, əynində dini qiyafə ilə rəsmi icazə olmadan yas aparmaq qanunsuzluqdur\"
Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanda müvafiq icazəsi olmadan dini və yaz mərəsimləri aparan mollalarla bağlı məsələyə münasibət bildirib.
"Ölkə.Az" xəbər verir ki, Dövlət Komitəsinin sədri deyib ki, Azərbaycanda yalnız rəsmi şəkildə təsdiq olunmuş şəxs din fəaliyyət ilə məşğul ola bilər.
Onun sözlərinə görə, bu tək İslama aid deyil:
"Kimsə İslama zidd fəaliyyət göstərirsə inzibati qaydada cəzalandırılır. Qeyri-qanuni dini mərasim icra etmək qəti qadağandır. Bir nəfər əlinə təsbeh alıb, başına papaq qoyub, əyninə dini qiyafə geyinib, amma rəsmi icazəsi olamdan dini fəaliyyət göstərirsə bu qanunsuzluqdur. Hər şey qanun çərçivəsində olmalıdır. Buna qarşı mübarizə davam edir və gələcəkdə də davam edəcək. Bəzən belə şəxslər insanları aldadaraq qeyri-qanuni kəbin də kəsirlər".
