Kommersiya fəaliyyəti ilə məşğulsunuzsa, nisyəyə aldanmayın — Günün qoroskopu

Kommersiya fəaliyyəti ilə məşğulsunuzsa, nisyəyə aldanmayın
00:42
15.05.2018
4458
Maraqlı
A
"Ölkə.Az" "Milli.Az" istinadən günün ulduz falını təqdim edir.

Qoç - yaşamdan həzz alın, dəyişə bilməyəcəyiz situasiyalara görə bədbinliyə qapılmayın. Süst və tənbəllik etməyin. Aktiv və təşəbbüskar olsanız, işlərdə nailiyyətlər qaçılmazdır.

Günün ikinci yarısında alış-verişə yollanmaq olar. Çoxdan bəri almaq istədiyiniz əşyaya və ya məhsula yiyələnə bilərsiniz.

Bədxərclik etməyin.
 

Buğa - peşəkar fəaliyyətinizlə bağlı yeniliklər və ya dəyişikliklər ola bilər. Canınızı boğaza yığan, əsəblərinizi gərən iş yerini daha maraqlı, sərfəli işə dəyişmək imkanı yaranır. Şansı əldən verməyin.

Günün ikinci yarısında önəmli hadisə yaşana bilər. Nüfuzlu və hadisələrə təsir imkanlarına malik insanla tanış olacaqsınız.

Axşam saatlarına yaxın yaşam potensialının səviyyəsi bir qədər aşağı düşəcək. Özünüzü çox yormayın.

Əkizlər - səhhətinizdə yaranmış problemi həll etməyə tələsin. Lakin qarşınıza çıxan ilk həkimə inanmayın. Düşünülməmiş addım atmayın - sağlamlığınızı peşəkara etibar edin. İlkin diaqnoz sizi qorxutmasın. Unutmayın ki, həkimlər arasında - təəssüflər - peşəkarlıqdan çox uzaq adamlar az deyil.

Günün ikinci yarısında bəzi problemləri həll edə biləcəksiniz. Ailədəki çətinlik aradan qalxır. Fəndgir və çevik olsanız, gözləniləndən daha artıq gəlir əldə edə bilərsiniz. Yaxınlarınızla münasibətlərinizdəki münaqişəni çözün. Həssas və qayığkeş olmağa çalışın.
 

Xərçəng - həllini uzun müddətdən bəri təxirə saldığınız bəzi məsələləri çözmək zamanıdır. Yeni tanışlıqlar olacaq. İşgüzar təkliflər alacaqsınız. Qərar verməyə tələsməyin.

Günün ikinci yarısında dostlarla və işgüzar tərəfdaşlarla görüş olacaq. Şəxsi münasibətlərdə laqeyd, hərdəmxəyal olmayın. Belə davranış sevdiyiniz insanı pərişan edə bilər.

Daha çox pul qazanmağın yollarını arayanda avantüraya baş vurmayın. Riskli işləri götür-qoy edin, səbatlı addım atın.
 

Şir - səhər saatlarından etibarən aktiv olun. Şəxsi münasibətlərdə çətinliklər yaranacaq. Dəyər verdiyiniz insanla münaqişəyə yol verməmək üçün sakit, soyuqqanlı olun. Hirslənsəniz belə, emosiyalarınıza nəzarət edin.

Günün ikinci yarısında peşəkar fəaliyyət sahəsində önəmli yenilik olmayacaq. İşdə kadr dəyişiklikləri yoxdur. Rasionunuza fikir verin. İzafi çəkidən qurtulmağı düşünməyin vaxtı çatmayıbmı?

Axşam saatlarında kompüter qarşısında çox vaxt keçirməyin. Mobil telefona saatlarınızı qurban verib gözlərinizdə yorğunluq yaratmayın.
 

Qız - çətin, qarışıq, laübəli gündür. Emosional durumunuz depressiya ilə nəticələnməsin. İndiki problemlərin də bir sonu olacaq və onlar gerildə qalacaq. Vəziyyətinizə şükr edin, ətalətə qapılmayın.

Günün ikinci yarısında şəxsi münasibətlərinizdəki donuqluğu aradan qaldırın. Sevdiyiniz insanın çətinliyini qulaqardına vurmayın.

Sizi tərifləyən insanların bəziləri səmimi, bəziləri isə riyakardır. Bunu bilin.
 

Tərəzi - genişmiqyaslı, önəmli layihəyə başlamağın zamanıdır. Etibar etdiyiniz tərəfdaşla, inandığınız insanla çalışın. Yeni əməkdaşlıq təkliflərini ciddi götür-qoy edin. Tamahınıza əsir olaraq tələsik qərar verməyin.

Günün ikinci yarısında uzunmüddətli səfərə çıxmayın. Problemləri yerindəcə həll etməyə çalışın. Şəxsi münasibətlərdə həddən artıq güzəştə gedərək buyruq quluna çevrilməyin. Mənasız qurbanlar gərək deyil, çünki onlar qiymətləndirilməyəcək.

 

Əqrəb - arzulardan, xəyallardan qorxmayın. Qarşınıza qoyduğunuz məqsədə doğru inadla addımlayın. Cəsur planlarınızdan bəziləri reallığa çevrilə bilər.

Yalandan, dezinformasiyadan özünüzü qoruyun. Bədxahların şərəfsizliyinə təmkin və soyuqqanlı şəkildə cavab verin. Hədsiz humanizm təslimçilikdir. Fatuma kor-koranə inanıb, tərki-dünya fikirlərə qapılmayın. Həyatı bir dəfə yaşayırsınız və haqqı nahaqqa qurban verərək zalımın qarşısında susmayın.

Günün ikinci yarısında şirin dillərə, cazibədar vədlərə inanmayın. Yaxın ətrafınızdakı insanların təzyiqi altında qərar qəbul etməyin. Yüz ölçüb, bir kəssəniz, işlərinizdə uğur qazanacaqsınız.
 

Oxatan - peşəkar fəaliyyət müstəvisində böyük uğurlara bel bağlamayın. İşdə rəhbərlikdən tərif və ya mükafat gözləməyin. Tənqid edilməsəniz, töhmət almasanız, artıq yaxşıdır.

Yeni tərəfdaşlıq üçün əlverişli zamandır. Hesablamalarda və sənədləşdirmə işlərində diqqətli olun.

Günün ikinci yarısında aktiv çalışın. Əyləncə və istirahəti təxirə salın. Ailə qayğılarını, yaxınlarınızın problemlərinin həllini unutmayın.

Sevdiyiniz insana dəyər verin.

Oğlaq - çoxdan bəri yarımçıq qalan, həlli sürəkli ertələnən probelmin çözülməsi üçün əlverişli zamandır. Həddən artıq çalışmayın. Əks təqdirdə faydalı iş əmsalınız aşağı düşəcək, rutin və cari işlərin öhdəsindən çətinliklə gələcəksiniz. Əlavə iş, sifarişlə razılaşmazdan əvvəl qüvvənizi, potensialınızı dəqiq qiymətləndirin.

Günün ikinci yarısında sağlam məntiqi hisslərə qurban verməyin. Təmkinli və soyuqqanlı olun. Hansısa qərar verməzdən əvvəl situasiyanı yaxşıca nəzərdən keçirin. Yaxın ətrafınızdakı insanlardan birinin qayğılı görkəminin səbəbini anlamağa çalışın.

Axşam saatlarında normal istirahət edin.

Dolça - qəfil hadisələrin sizin üçün xoşagəlməz sürprizlərə çevrilməsinə imkan verməyin. Mühüm problemin həllinin variantları nə qədər çox olarsa, çözüm şansı bir o qədər artır. Sevdiyiniz insanın davranışında anlaşılmaz məqamları sezəndə "istintaq"a başlamayın. Heç bir səbəb olmadan münaqişə yaratmamaq üçün soyuqqanlı davranın, hisslərinizi cilovlayın.

Günün ikinci yarısında bütün diqqəti işə yönəldin. Maraqlı təklif və ya əməkdaşlıqla bağlı sorğu, yeni iş üçün sifariş olarsa, gəlir imkanını əldən verməyin.

Kommersiya fəaliyyəti ilə məşğulsunuzsa, nisyəyə aldanmayın.
 

Balıqlar - işdə problemlərin yaranmasına imkan verməmək üçün özünüzü hər sahədə peşəkar kimi göstərməyə çalışmayın. Bacardığınız işi görün. Yalanın ömrünün qısa olduğunu unutmayın. Aqressiv və sərt davranmayın - əks təqdirdə yaxınlarınızdan, dostlarınızdan biri ilə mübahisə qaçılmazdır.

Təşəxxüslü, eqoist olmayın.

Günün ikinci yarısında vədlərinizi yerinə yetirin. Yorulubsunuzsa, bir qədər dincəlin.

Axşam saatlarını kompüter və ya televizor qarşısında keçirməyin.

Divan oturmaq üçündür...

Ölkə.Az

ŞƏRH YAZ
0

Yaxşı tanıdığınız insanlardan birinin yardıma ehtiyacı var — Günün ulduz falı

Yaxşı tanıdığınız insanlardan birinin yardıma ehtiyacı var
00:51
Bu gün
701
Maraqlı
A
"Ölkə.Az" "Milli.Az"a istinadən günün qoroskopunu təqdim edir:

Qoç - gözlənilməz hadisələr və xoş sürprizlərlə dolu gündür. Eksperimentlər, yeni planların reallaşması, qeyri-adi açıqlamaların mümkün olacağı zamandır.

Karyera müstəvisində irəliləmək və ya çoxdan arzuladığınız işi, vəzifəni, sifarişi almaq imkanları var.

Bunun üçün sürətlə hərəkət etmək, qətiyyətlə davranmaq gərəkdir.

Günün ikinci yarısında emosiyalarınıza hakim olun. Ciddi tanışlıq ehtimalı azdır, amma ötəri münasibətlər olacaq.

Maliyyə məsələlərində ehtiyatlı olun. Bədxərclik eləməyin.

Borc almayın.

Buğa - çətin gündür, lakin çətinliklərin öhdəsindən gələcəksiniz.

Əsas məsələ, depressiv əhval-ruhiyyənin təsirində qalmayın. Doğrudur, yaxın ətrafınızdakı insanlarla dil tapmaq asan deyil.

Amma ümumi fəaliyyətlə bağlı razılığa gəlmək olar. Rəhbərlik sizdən çox iş tələb edir, qarşınıza yeni tapşırıqlar qoyur. Əlavə işlər görməli olacaqsınız.

Günün ikinci yarısında maliyyə fonu əlverişli deyil. Sərfəli anlaşma, yaxşı sifariş və ya gəlirə bel bağlamayın.

Bununla belə, ümidi kəsməyin. Hər şey yaxşı olacaq.

Əkizlər - işdə və evdə yaşanan dəyişikliklər planları dəyişdirəcək.

Buna sevinin, axı istifadə edə biləcəyiniz yeni imkanlar yaranır. İşdə rəhbərlik və həmkarlarla qeyri-formal şəraitdə ünsiyyət üçün yaxşı gündür.

Önəmli danışıqları özünüzü rahat və yaxşı hiss edəcəyiniz yerdə keçirin.

İş üçün gərəkli əşyalar, alətlər və texnika almaq olar.

Günün ikinci yarısında intellektual potensial yüksəkdir. Dürüst qərarları sürətlə qəbul edin, qarışıq situasiyalarda doğru yolu seçin. Ağıllı insanlarla ünsiyyət sizə xoş emosiyalar bəxş edəcək.

Xərçəng - yaşanan hadisələri dərhal adekvat dəyərləndirə bilməyəcəksiniz. İlk əvvəl narahat olacaq, təşvişə düşəcəksiniz.

Lakin az sonra anlayacaqsınız ki, dəyişikliklər yaxşılığa doğrudur. İş yerini dəyişmək, qüvvə və potensialınızı fərqli sahədə yoxlamaq imkanları yaranır.

Yeni ideya və planların reallaşması üçün əlverişli zamandır.

Peşəkar fəaliyyət sahəsi ilə yanaşı, şəxsi münasibətlərdə də təşəbbüskar ola bilərsiniz.

Günün ikinci yarısında uzunmüddətli səfərə yollana bilərsiniz. Evdə qalsanız, darıxmayın. Sizi dostlarla görüş, ya da romantik macəra gözləyir.

Şir - günün ilk yarısı çətindir. Problemlər var, günün emosional fonu əlverişli deyil. Bu səbəbdən də yaşanan hadisələri bədbin çalarlarda görürsünüz.

İşlə müqayisədə şəxsi münasibətlər barədə çox düşünməyin. Belə olarsa ən sadə proseslərdə səhvlərə yol verəcəksiniz.

Rəhbərliklə fikir ayrılıqları yarana bilər.

Günün ikinci yarısında situasiya stabilləşəcək. Pozitiv təmayüllər güclənəcək, özünüzü daha rahat hiss edəcəksiniz.

Axşam saatları qeyri-adi əyləncələr, maraqlı insanlarla görüş zamanıdır.

Sevdiyiniz insanla münasibətləriniz qısqanclıqla korlanmasın.

Soyuqqanlı, səmimi olun.

Qız - günün ilk yarısında narahatlıq və təlaş ola bilər. Peşə fəaliyyəti sahəsində çətinliklər və maliyyə itkiləri istisna deyil.

İşlər çoxdur, onları yerbəyer etmək asan deyil. Aktual olan işləri ikinci dərəcəli məsələlərdən ayırın.

İşdə rəhbərlik və həmkarlarla anlaşılmaz situasiyaların yaranmasının təhəbbüskarı olmayın. Əks təqdirdə nüfuzu qorumaq asan olmayacaq. Söhbət və danışıqlarda ehtiyatlı olun. Sözlərinizə fikir verin.

Günün ikinci yarısında pozitiv təmayüllərin təsiri artır.

Çətinliklərin əksəriyyəti qət olunacaq, qarşınızda yeni imkanlar yaranacaq.

Axşam saatları ailə üzvləri ilə xoş ünsiyyət, çoxdan bəri normal təmaslarınız olmayan insanlarla dil tapmaq üçün əlverişli zamandır.

Tərəzi - diqqətli, huşyar olun. Ən müxtəlif işlər səlis yanaşma tələb edir. Bir işi yarımçıq qoyub başqasına başlamayın.

Yeni ideyalar çoxdur. Amma onları reallaşdıra bilmədiniz deyə, sinirlənməyin.

Sürətlə hərəkət edin, amma ifrata varmayın.

Əks təqdirdə ətrafınızdakı insanlarda narazılıq yaranaraq münaqişəyə rəvac verə bilər.

 

Günün ikinci yarısında əhvalınız pisləşə bilər. Axşam saatları xüsusilə əsəbi keçəcək.

Əks cins mənsubu, xüsusilə də yaşlı qohumla dil tapmaq çox çətindir.

Ən kiçik məsələ əsəbləri tarıma çəkə bilər.

Əqrəb - peşəkar fəaliyyət sahəsində asan uğurlara bel bağlamayın.

Nəyəsə nail olmaq istəyirsinizsə, zəhmət çəkməli olacaqsınız. Kimsə sizə yardım etmək, problemlərinizin bir qismini öz üzərinə götürmək niyyətində deyil.

İş yoldaşları ilə dil tapmaq asan deyil.

Günün ikinci yarısı araşdırmalar, tədqiqatlar, bilik və təcrübənin artırılması üçün əlverişli zamandır.

Dəvət aldığınız bütün tədbirlərə qatılmayın. Yorulacaq, usanacaqsınız.

Axşam saatları gəzinti və aktiv istirahət üçündür.

Oxatan - günün ilk yarısı maraqlı və hadisələrlə zəngin olacaq.

Qətiyyətli, inadkar, əzmli olsanız, məqsədlərinizə çata bilərsiniz. Tənbəllik etməyin, ətalətli davranmayın.

Yeniliyi əxz etməyə, fəaliyyətinizdə innovasiyalara yer verməyə çalışın.

Başqalarının səhvlərini təhlil edin ki, özünüz həmin səhvləri təkrarlamayasınız.

İşgüzar danışıqlarda uğur əldə etmək istəyirsinizsə güzəştə getməyin, nəyə nail olmaq istədiyinizi müəyyənləşdirin.

Günün ikinci yarısı ailə üzvləri ilə birlikdə çalışmaq, istirahətlə bağlı planları müzakirə etmək üçün əlverişlidir.

Alış-veriş edin, simic davranmayın.

Oğlaq - ən müxtəlif işlər üçün uğurlu və əlverişli gündür. Yaxın ətrafınızdakı insanlarla asanlıqla dil tapacaqsınız.

Əvvəllər anlamadığınız, başa düşmək istəmədiyiniz insanların problemlərini dərk edin.

Əks cins mənsubu ilə söhbətdə ehtiyatlı olun.

Qəfil hədiyyə, gəlir istisna deyil. Qarşınızda yeni işgüzar perspektivlər yaradan təklif alacaqsınız.

Günün ikinci yarısında neqativ təmayüllər üzə çıxacaq. Əhvalınız pozulacaq, kiçik anlaşılmazlıqlar yaranacaq.

Lakin ruhdan düşməyin, qətiyyətlə və inamla çalışın.

Özünüzü sevindirməyin yollarını tapın.

Dolça - sizi maraqlandıran sahələrdə əməkdaşlıq üçün əlverişli zamandır.

Nikbin və qətiyyətli olun.

Ətrafınızdakı insanlar sizin əzminizdən ruhlanmalıdır.

Çoxdan bəri görmədiyiniz insanlarla görüşlər effektiv nəticə verəcək. Anlayacaqsınız ki, qarşılıqlı rəğbət və maraq yox olmayıb.

Zəifləmiş romantik münasibətləri bərpa etmək şansı var. Lakin bu addımı atmazdan əvvəl düşünün: belə bərpaya ehtiyac duyulur?

Günün ikinci yarısında əldə edilən razılaşma və sövdələşmə gəlir vəd edir. Yeni işə başlayırsınızsa, ümidləriniz doğrulacaq.

Yaxşı tanımadığınız insanlarla ünsiyyətdə səlis və diqqətli olun.

Balıqlar - yaxın ətrafınızdakı insanlarla münaqişəyə rəvac verməyin. Mübahisə edənləri sakitləşdirin, küsənləri barışdırın.

Yaxşı tanıdığınız insanlardan birinin yardıma ehtiyacı var. Ona kömək edin. İşgüzar danışıqlar yaxşı keçəcək. Həssas və diqqətli olun.

Yeni işə başlamaq üçün əlverişli zamandır. İlk uğur tezliklə əldə olunacaq. Hətta ən çətin problemlərin öhdəsindən asanlıqla gələcəksiniz.

Dəvət aldığınız tədbirə qatılın.

Dostlarla görüşün, ailəvi istirahət edin.

Pozitiv emosiyalar ala bilərsiniz.

ŞƏRH YAZ
0

Alimlərdən yeni açıqlama — Qalaktikamızda Yerə bənzər planetlər çoxdur

Alimlərdən yeni açıqlama
17:52
16.08.2018
2225
Maraqlı
A
Astronomlar 20 planetar sistemin kimyəvi tərkibini tədqiq ediblər.

“Ölkə.Az” xəbər verir ki, tədqiqat nəticəsində məlum olub ki, Yerlə bu planetlər arasında elə də ciddi bir fərq yoxdur. Bu isə alimlərin fikrinə görə, yerdənkənar sivilizasiyanın kəşf edilməsi ilə bağlı şansı daha da artırır.

Digər ulduz sistemlərindəki planetlər də Yer planeti kimi faktorlardan ibarətdir. O planetlərdə də bütün vacib elementlər var. Bu o mənaya gəlir ki, Yerə bənzəyən planetlər Süd Yolu Qalaktikasında da var.

50 il əvvəl amerikalı astronom Frenk Dreyk yerdənkənar sivilizasiya şansını qiymətləndirmək üçün Qalaktikadakı sivilizasiyaların sayını hesablayan düstur yaratmışdı. Fizika alimi Enriko Fermi isə bu düstur əsasında yeni tezis hazırlayıb.  Tezisə əsasən, əgər yadplanetli sivilizasiyalar çoxdursa, niyə bəşəriyyət onların izinə rast gəlmir? 

Bu paradoksa əsasən alimlər bəyan etdilər ki, şüurlu varlıqların yaranması üçün planetimiz kimi unikal şərtlər lazımdır.

Hikmət Həsənov
Ölkə.Az

ŞƏRH YAZ
0
BAĞLA