Kompleks və fobiyalarınızın sayını artırmayın — Günün ulduz falı

Kompleks və fobiyalarınızın sayını artırmayın
00:36
09.10.2018
4341
Maraqlı
A
"Ölkə.Az" milli.az-a istinadən günün qoroskopunu təqdim edir:

Qoç - səhər saatlarında əhvalınız sürətlə dəyişə bilər. Məqsəd və niyyətinizdə ardıcıl, məntiqli davranmasanız, çətinliklərin sayı artacaq. 
İşlərinizdə sayıq olun. Kənar təsirlərlə təzyiqlərə imkan verməyin.
Günün ikinci yarısında qüvvənizi real qiymətləndirin. Potensialınıza ifrat nikbin nəzər salmayın.
Kompleks və fobiyalarınızın sayını artırmayın. Əksinə, onların əksəriyyətindən qurtulmaq olar.
Axşam saatlarında yaxın ətrafınızdakı insanlarla ünsiyyət xoş emosiyalar bəxş edəcək.

Buğa - günün ilk yarısı əsəblərin tarıma çəkilməsini vəd edir. İntensiv fiziki və ya intellektual fəaliyyət istisna deyil. Saatlar keçdikcə gərginlik daha da artacaq.
İşdə rəhbərliklə mübahisə etməyin. Rəqabət güclənəcək. Qarşıdurmaya hazır olun.
Günün ikinci yarısında kollektivdəki şəxslərdən birindən özünüzlə bağlı xoşagəlməz sözlər eşidə bilərsiniz. Səbrli və təmkinli olun. Tənqidləri səbrlə dinləyin.
Axşam saatlarında dostlarnızla birlikdə istirahət edin.

Əkizlər - günün ilk yarısından rutin işlərin və adi problemlərin sayı artacaq. Karyera inkişafı ilə bağlı konkret addımlar atmaq üçün əlverişli zaman deyil. İşdə rəhbərlik təşəbbüslərinizi dəstəkləməyəcək.
Günün ikinci yarısında çətinliklərin həllində kreativ olun. İntuisiyanızı dinləyin. Bədxərclik etməyin, alış-verişdə diqqətli olun.
Axşam saatlarında yaxşıca istirahət etməyə çalışın.

 Xərçəng - çox şey vəd edən uzunmüddətli investisiyalar yatırmaq şansınız var. Riskə getmək baxımından çox uğurlu gündür. Təkcə gəlirlərinizi artırmaq və faydalı sövdələşmələr əldə etmək olar: peşəkarlıq intuisiyanız sizi yanıltmayacaq. Daha maraqlı və yüksək maaşlı işə keçə bilərsiniz.
Şəxsi həyatınızda ciddi dəyişikliklər gözlənilmir. Sevinc və kədər o qədər əhəmiyyətsiz olacaq ki, onlara çətin diqqət yetirəsiniz. Valideynləriniz sizin davranışlarınızdan narazı qala bilərlər. Amma onlar öz fikirlərini sərt formada ifadə etməyəcəklər.

Şir - işdə çətinliklər yarana bilər. Texniki nasazlıqlar, həmkarlarınızla anlaşılmazlıqlar istisna deyil. İradənizlə mənəviyyatınızın sınağa çəkiləcəyi situasiyalarda ətrafınızdakı insanların davranışlarına diqqətlə baxın.
Günün ikinci yarısında peşəkar məziyyətlərinizi artırın. Dəyər verdiyiniz insanla əlaqələrinizi daha səmimi, rəvan edin. 
Axşam saatlarında soyuqqanlı olun.

Qız - adi günlərdən fərqli olaraq qəfil hadisələr, ilk baxışdan anlaşılmaz məsələlərlə zəngin gündür. Ən kiçik məsələlər sizi təbdən çıxarmasın.
Ünvanınıza deyilən ehtiyatsız kəlmələr, fərqli düşüncə və mövqe daşıyıcılarının dedikləri qıcıq yaratmasın. 
İşdə rəhbərliyin tənqidləri sərtləşəcək, şayiələrin sayı artacaq.
Günün ikinci yarısı yeni tanışlıq və əlaqələr üçün münasibdir. Yaxınlarınız sizi dəstəkləməyə bilər.
Axşam saatlarında normal istirahət edin.

Tərəzi - çətinliklər olmayan yerdə özünüzə problemlər aramayın. Həddən artıq şübhəli insan təsiri bağışlamayın. Sonradan sonuclarına təəssüflənəcəyiniz addımlar atmayın. 
Günün ikinci yarısı əmlak və ya maliyyə ilə bağlı əməliyyatlar üçün əlverişli deyil. Alış-verişə yollansanız, çox pul xərcləməyin. Tərəfdaş və ya şəriklərlə qarşılıqlı fəaliyyətdə işinizi yüngülləşdirmək cəhdləri neqativ reaksiya doğura bilər.
Axşam saatlarını sevdiyiniz insana həsr edin.

Əqrəb - səhər saatlarında emosional narahatlıq apogeyə çata bilər. Mümkün qədər fəal çalışmağa can atın. Daxili enerjinizi zahirdəki əməllərə döndərin. Məqsədli olun, iradəli insan təsiri bağışlayın.
Günün ikinci yarısında yerinizdə saymayın, qüvvənizi real və praktik sahələrdə reallaşdırın. Yaxın vaxtlarda məntiqi şəkildə başa vura biləcəyiniz layihənin gerçəkləşdirilməsinə üstünlük verin.
Yaxın bildiyiniz insanların məsləhətlərinə qulaq asın.
Axşam saatlarını ailənizə sərf edin.

Oxatan - yaşamınızda dəyişikliklər üçün əlverişli zaman deyil. Emosional "partlayış"dan qaçın. Mənfi hisslər, qıcıq yaradacaq məqamlardan uzaq durun. Məsuliyyətli işi görərkən diqqətli olun. Fikrinizin dağınıq olması ciddi fəsadlar yarada bilər.
Günün ikinci yarısında başladığınız işləri başa vurun. Həddən ziyadə önəm verdiyiniz işi sabaha ertələmək olar. Axşam saatları üçün nəzərdə tutduğunuz görüşün baş tutmayacağı təqdirdə fəaliyyətinizdə mütləq şəkildə yenilik edin.
Əyləncəni zəhmətdən üstün tutmayın.

Oğlaq - yaşadığınız durumu diqqətlə müşahidə edin. Sayıq, çevik olun. Ən kiçik dəyişiklikləri nəzərdən qaçırmayın. Yaxın ətrafınızdakı insanlar arasındakı münaqişələrə dəstək verməyin. Mübahisə, qarşıdurma istisna deyil.
Günün ikinci yarısında münasibətləri araşdırmağa çalışmayın. Ani çətinliklərə həddən artıq əhəmiyyət verməyin. Bəzi problemlər və çətinliklər avtomatik olaraq həllini tapacaq. Bilavasitə iştirakınızın tələb olunduğu məsələlərdə aktivlik edin. 
Axşam saatlarında şəxsi münasibətlərdə ənənəvi davranış modelindən kənara çıxmayın. Ekssentrik, ekstravaqant olmayın.

Dolça - ilk əvvəl təxirəsalınmaz məsələlərin həlli ilə məşğul olun. Bu işlər xeyli vaxtınızı və qüvvənizi alacaq. Daha maraqlı işlərə can atmayın. Rutinlikdən qaçmaq mümkün deyil.
Günün ikinci yarısında yeni layihə, təklif, ideya istisna deyil. Sizə qarşı neqativ əhval-ruhiyyədəki insanlarla ünsiyyətinizi minimuma endirin.

Balıqlar - ruhdan düşməyin. Böyük miqyaslı layihəyə başlamaq niyyətiniz varsa, potensialınızı real və ciddi şəkildə dəyərləndirin. Nə istədiyinizi müəyyənləşdirin. Məqsədə çatmaq üçün bütün imkanlardan istifadə edin.

Günün ikinci yarısında işdə rəhbərliklə normal münasibətləri korlamayın. Maaş, karyera müstəvisində irəliləyişdə bağlı məsələləri müzakirə etmək olar. Hisslərə qapılmayın.
Axşam saatlarında nüfuzunuza zərbə vura biləcək addımlar atmayın.

Ölkə.Az

ŞƏRH YAZ
0

Öz niyyət və planlarınızı gizlətməyin

Öz niyyət və planlarınızı gizlətməyin
01:30
Bu gün
3182
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - günün ilk yarısında mənfi təmayüllərin təsiri güclü olacaq. Ehtiyatlı olun, sayıq davranın. Peşəkar fəaliyyətlə bağlı mühüm məsələləri həll etmək üçün yaxşı zaman deyil. Sizə yardım və dəstək vəd edən insanların yardımlarına bel bağlamayın. Kömək etmək istədiklərini deyən insanlar sizin maraqlarınızı nəzərə almırlar.

Günün ikinci yarısında müsbət təmayüllərin təsiri güclənəcək. Axşam saatları maraqlı ünsiyyət və görüşlər zamanıdır.

Yaşam potensialının səviyyəsi yüksək olsa da, orqanizmi sınağa çəkməyin. İfrata varmaq xroniki ağrıları gücləndirə bilər.

Buğa - yaranmış situasiyanı mümkün qədər tez dəyərləndirməyə çalışın. Situasiyanı düzgün qiymətləndirsəniz, gününüz pis keçməyəcək. Yanlış ümidlər və illüziyalardan qurtulmağa çalışın. Bu, sizə xoş olmasa da, problemin öhdəsindən gəlin. Ünvanınıza deyilən tənqidlərə diqqətlə qulan asın. Eşidəcəyiniz sözlər arasında məntiqli, ağıllı ifadələr də var.

İşgüzar görüşlərdə soyuqqanlı və sayıq olun. Vədlər verməyin, çünki onlara riayət etmək asan deyil. İşdə həmkarlarla fikir ayrılıqları ola bilər.

Günün ikinci yarısında isə şəxsi münasibətlər müstəvisində problemlər həllini tapacaq. Müsbət təmayüllərin təsiri güclənir. Ciddi çətinliklər olmayacaq. Axşam saatlarında yaxınlarınızı xoş xəbərlərlə sevindirməyə çalışın.

Ailə üzvlərinizin istəklərini nəzərə alın.

Əkizlər - emosiyalarınızı nəzarətdə saxlayın. Hisslərinizi cilovlaya bilməsəniz, bunun heç bir yaxşı nəticəsi olmayacaq. Adi vaxtlarla müqayisədə münaqişələrin sayı sürətlə artır. Etiraf edin ki, belə situasiyanın formalaşmasında özünüz də suçlusunuz. İşdə həmkarlar və rəhbərlik istənilən səhvinizə diqqət yetirəcək, sizi nəzarətdə saxlayacaqlar. Təkbaşına gördüyünüz böyük həcmdə işi onlar görməyəcəklər.

Günün ikinci yarısında mühüm məsələləri yaxınlarınızla müzakirə etməyin. Problemləri təkbaşına həll etməyə çalışmayın. Seçiminiz sual doğura bilər. Həll və çözüm axtarışını bir qədər ertələməyə can atın.

Axşam saatlarında gəzintiyə çıxmayın.

Xərçəng - bu gün əməlli-başlı çalışmalısınız. Əldə edəcəyiniz uğurlar gələcək qələbələrinizin rəhni ola bilər. Yeni işgüzar münasibətlərə başlamaq üçün pis zaman deyil. Yeni müttəfiqlər və hamilər axtarışına başlamaq olar. Səyləriniz əbəs olmayacaq. Gördüyünüz işlərə görə mükafat və ya ödəniş əldə etmək asan olmasa da, narahat olmayın. Sonucda ödəniş səxavətli olacaq.

Günün ikinci yarısında bilik və informasiya əldə etmək, yaxşı məsləhətlər almağa can atın. Peşəkar fəaliyyət sahəsində başqasının təcrübəsindən yararlana bilərsiniz. Şəxsi münasibətlərinizin rəvan olmasına çalışın.

Axşam saatlarında səhhətinizdə problemlər yarana bilər. Narahat olmayın, ciddi ağrılar olmayacaq.

Şir - günün ilk yarısında aktiv və qətiyyətli olun. Peşəkar fəaliyyət sahəsində əhəmiyyətli uğurlar əldə edə bilərsiniz. Saatlar keçdikcə sədlər və maneələrin sayı artacaq. Etibar etdiyiniz müttəfiqə, köhnə dosta üz tutaraq yardım istəyə bilərsiniz. Bununla belə, müraciətinizə rədd cavabı da istisna deyil.

Yeni işgüzar təmaslara və əməkdaşlığa başlamaq olar. Yerinə yetirilməsi çətin, bəzən də mümkünsüz vədlər verməyin.

Şəxsi münasibətlərdə intuisiyaya bel bağlayın. Diqqətli olsanız, səhvlərin sayı azalacaq, dürüst həllin tapılması sürətlənəcək.

Nagahani etiraf, nəzərdə tutulmamış görüş istisna deyil.

Qarşı tərəfin rəğbətini qazanmağa çalışın.

Qız - günün ilk yarısında maksimum dərəcədə ehtiyatlı davranın. Sizi aldatmağa, fırıldaq və kələyin qurbanı etməyə çalışan insan var. Mənfi təmayüllərin təsiri saatlar keçdikcə azalacaq. Son vaxtlar sizi narahat edən bir sıra məsələlər həllini tapa bilər. Yeni işlərə başlamağa tələsməyin. Həmin işləri həyata keçirəcəyiniz yolda dəf ediləsi çox çətin problemlər yarada bilər.

Günün ikinci yarısında bəzi planları dəyişmək, nəzərdə tutulmuş əyləncələrdən imtina etmək gərəkdir. Çətin vəziyyətə düşmüş yaxınınıza yardım edin. Maliyyə probelmləri yaranarsa, onları çözməyin yollarını arayın.

Qəfil hədiyyə və gəlir istisna deyil.

Tərəzi - əsas məsələ sakitliyi qorumaq və ya heç olmasa, belə görüntü yaratmaqdır. Qeyri-rəvan, gərgin gündür. Mahiyyət etibarilə pis zaman deyil. Sadəcə, başınızı itirməyin, çaş-baş qalmayın. Yeni layihə və işlərin reallaşdırılmasında irəliləyə bilərsiniz.

Daşınmaz əmlakla bağlı anlaşmalara nail olmaq, habelə ev üçün nə isə almaq olar.

Təmkinli və səbrli olsanız, yaranmış problemləri həll etməklə yanaşı yeni layihələrin gerçəkləşdirilməsinə başlaya bilərsiniz.

Günün ikinci yarısı faydalı məlumatın əldə olunması, yarımçıq işin başa çatdırılması istisna deyil. Sırf məişət məsələləri, praktiki məqamlarla bağlı ailədə fikir ayrılığı yarana bilər. Ciddi anlarda yaxınlarınız və ailə üzvləriniz sizi dəstəkləyəcəklər.

Əqrəb - bu günə hansısa mühüm işi planlaşdırıbsınızsa, təkbaşına və müstəqil işləməyə hazır olun. Müttəfiqlərlə dil tapmaq asan deyil. Sizi yanlış anlayacaqlar. Birgə layihələrin həyata keçirilməsi fikir ayrılıqları və münaqişələr yarada bilər.

Sənədlərlə çalışmaq, yaxın gələcəklə bağlı planlar qurmaq, maliyyə məsələlərini həll etmək olar.

Günün ikinci yarısında yaxınlarınızla münasibətlər rəvan və harmonik olacaq. Səmimiyyət, qayğı, diqqətə ehtiyacı olanların istəklərini nəzərə alın. Öz niyyət və planlarınızı da gizlətməyin. Sizə dəyər verən insanlar yardımlarını əsirgəməyəcəklər.

Oxatan - aktiv və qətiyyətli olun. Sizinlə mübahisə etmək çətindir. Amma bu, o demək deyil ki, bütün məsələlərdə haqlısınız. Yaxın ətrafınızdakı insanların barənizdə dedikləri sözlərə diqqətlə qulaq asın. Səfər və səyahətlər planlaşdırılandan artıq vaxt alacaq. Qəfil təxirəsalma və gecikmə mühüm görüşün baş tutmamasına səbəb ola bilər. Amma narahat olmayın, görüşəcəyiniz insan sinirlənməyəcək.

Günün ikinci yarısı maliyyə məsələlərinin həlli üçün düşərli zamandır. Anlaşmalar, sövdələşmələr, alış-veriş üçün pis vaxt deyil. Yaradıcılıq potensialının səviyyəsi yüksəkdir. Təxəyyül və bacarıq tələb edən işlərdə aktiv olun.

Oğlaq - peşəkar fəaliyyət sahəsində çiyinlərinə düşən yüklər az deyil. Yeni öhdəliklər və qayğılar peyda olur. Gördüyünüz əməyin müqabilində istədiyiniz məbləği ala bilmirsiniz. Vaxtınızı dürüst dəyərləndirsəniz, çox iş görə bilərsiniz. Uğurlarınız məhsuldar çalışa bilməyən insanlarda paxıllıq yaradır.

Günün ikinci yarısında aldığınız bütün məlumatları və informasiyaları yoxlayın. Kimsə sizi aldatmağa, manipulyasiyalarının qurbanına çevirməyə çalışacaq.

Şəxsi münasibətlərdə irəliləyiş baxımından əlverişli zamandır. Yaxınlarınızla təmaslarda heç bir çətinlik çəkmədən ümumi dil tapacaqsınız.

Ailə üzvlərinin xətrinə dəyməyin. Sərt və aqressiv olmayın.

Dolça - özünüzü həddən artıq yormayın, görə biləcəyiniz işlərə başlayın. İmkan və potensialınızın hüdudsuz olmadığını bilin. İfrat yorğunluq qıcıq mənbəyi ola bilər. Başağrısı və yuxusuzluq yarada biləcək məqamların sayının azaldılmasına çalışın.

Ən mühüm işlərdən savayı yerdə qalan işlərin hamısını başqalarına həvalə edə bilərsiniz.

Günün ortalarında mühüm görüşlər keçirmək olar. Bir şərtlə ki, həmin qarşılaşma xoş ortamda olsun.

Yeni tanışlıqlar, maraqlı görüşlər istisna deyil. Yaxın ətrafınızdakı insanlarda özünüzlə bağlı xoş təəssürat yaratmağa çalışın.

Yeni münasibət qurularsa, onun ömrü uzun olacaq.

Balıqlar - uğurlu gündür, çətin problemlərinizi həll edə bilərsiniz. Rəqiblər və bədxahlarla müqayisədə mürəkkəb işləri daha tez başa vura bilərsiniz. İşgüzar tərəfdaş və ya işdəki rəhbərliklə münasibətlərinizdəki çoxdankı ixtilafı çözə bilərsiniz. Peşəkar mövqelərinizi daha da möhkəmləndirin. Amma son vaxtlar bədxahlarınızı dəstəkləyən insanların son zamanlar mövqelərini dəyişməsi şübhəlidir. Buna inanmayın.

Günün ikinci yarısı olaylarla zəngin olacaq. Sizinlə maraqlanacaqlar. Amma əfsuslar olsun ki, onların arasında diqqətə və etibara layiq olmayanlar az deyil.

Ümumi işə başlamazdan əvvəl bu insanın davranışına diqqətlə nəzər salın.

Ölkə.Az

ŞƏRH YAZ
0

Bu bitki müqəddəs bağlarda yetişdirilib, mumiyalara vurulurdu...

Bu bitki müqəddəs bağlarda yetişdirilib, mumiyalara vurulurdu...
00:29
Bu gün
2518
Maraqlı
A
Vaxtilə lavanda bitkisi ticari, mədəni və dini əhəmiyyət daşıyırdı. Qədim misirlilər onu müqəddəs Fiva bağlarında yetişdirirdi. Misirdə mumiyaların balzamlanmasında istifadə edilən maddənin əsas komponentlərindən biri də lavanda olub. Keçən əsrin 20-ci illərində Misir fironu Tutanxamonun mumiyasından ətirli lavandanın qalıqları tapılıb. Deməli, lavanda min illər boyu öz ətrini saxlaya bilir.

"Ölkə.Az" AzərTac-a xəbər verir ki, gözəl ətrinə və dadına görə lavanda qədim zamanlardan tanınırdı. Qədim romalılar bitkidən suyu ətirləndirmək üçün istifadə edirdilər. Latınca “lavare” yuyunmaq deməkdir, lavandanın adı da elə həmin sözdən götürülüb. Orta əsrlərdə lavanda həm ədviyyat, həm də dərman bitkisi kimi çox yüksək qiymətləndirilirdi. Onu qurudaraq digər ətirli bitkilərə qarışdırıb kiçik kisəciklərə doldurur, kisəciklərin ağzı tikilir və quru yerdə saxlanılırdı. Ətirli kisəciklərdən ağrılı nahiyəyə qoymaq üçün və miqren xəstəliyi zamanı geniş istifadə edilirdi. Lavanda parazit cücüləri, milçəkləri və s. qovmaq üçün şkaflara və ipək parçaların arasına səpilirdi.

Onu əsasən iki məqsədlə- ədviyyat kimi və efir yağlarının alınması üçün yetişdirirdilər. Lavandadan ən çox Fransada efir yağı istehsal edilir və il ərzində ondan 60-70 ton efir yağı alınır. Distillə yolu ilə alınan efir yağından tibb, kosmetologiya və ətriyyat sahəsində istifadə edilir. Lavanda spirti antiseptik vasitə kimi bəzi məlhəmlərin tərkibinə daxildir. Bunlardan əlavə lavanda ədviyyat bitkisi kimi italyan, fransız və ispan kulinariyasında, xüsusilə ətli yeməklərin hazırlanmasında geniş tətbiq edilir. Onun ətrini daha da gücləndirmək üçün şüyüd və adaçayı ilə birlikdə istifadə edirlər.

Fransada bitki diuretik, Avstriyada sakitləşdirici kimi tətbiq olunur. Bolqarıstanda bitkinin çiçəklərindən sinir və həzm sistemi xəstəliklərində, Polşada isə dəmləməsindən orta qulağın iltihabı (otit) zamanı istifadə edirlər.

Revmatizm xəstəliyinin, taxikardiya və miqren tutmaları zamanı lavanda yağı spirtdə həll olunaraq qəbul edilir. Lavanda qrip xəstəliyi zamanı müsbət təsir göstərir, oyanıqlığı azaldır, yuxusuzluğun, isterik reaksiyaların qarşısını alır, istənilən dəriyə müsbət təsir göstərir. Lavanda orqanizmin infeksion xəstəliklərə qarşı müqavimətini artırır, iltihab əleyhinə təsirinə görə sistit, uretrit və vaginitlərin müalicəsində istifadə edilir, şlakları orqanizmdən xaric edir.

Ölkə.Az

ŞƏRH YAZ
0
BAĞLA