KORONAVİRUSA YOLUXANLARIN SAYI - CANLI STATİSTİKA

Kontakt Home onlayn çatdırılma xidmətinə onlarla yeni işçi cəlb edib

Kontakt Home onlayn çatdırılma xidmətinə onlarla yeni işçi cəlb edib
13:00
01.04.2020
2974
Ölkə
A

Ölkəmizdə öz seqmentində gün ərzində pulsuz çatdırılma xidmətini təmin edən yeganə şəbəkə olan Kontakt Home müştərilərin tələbatını qarşılamaq məqsədilə həm Çağrı Mərkəzinə, həm Onlayn Kredit şöbəsinə, həm də Çatdırılma xidmətinə onlarla yeni əməkdaş cəlb edib. 

Satışları www.kontakt.az saytı vasitəsilə həyata keçirən Kontakt Home sürətli çatdırılmanı təmin etmək üçün ünvanlara mopedli kuryerlər yollayır. Müştərilərlə minimum əlaqədə olmaq üçün kuryerlər xüsusi maska və əlcəklərdə çatdırılmanı həyata keçirir. Məhsulların saxlanıldığı anbarlar isə mütəmadi dezinfeksiya olunur.

Çatdırılma Bakı, Sumqayıt, Xırdalan, Abşeron, Gəncə, Masallı, Qəbələdə istənilən ünvana pulsuz çatdırılır.

Bəs daha çox nələr alınır?

İnsanların daha çox evdə vaxt keçirməsiylə əlaqədar olaraq elektronika məhsullarına olan maraq artıb. Ən çox tələbat gözlənildiyi kimi smartfon, noutbuk və televizorlaradır. Çünki əksər şirkətlər evdən işləmə, məktəblər isə onlayn dərs rejiminə keçib. Ona görə də telefon və noutbuklar indi əvvəlkindən daha çox tələb olunurlar. Televizor indi evin ən dəyərli əşyasına çevrilib. Evdə sıxılmamaq, sevimli serial və verilişləri izləmək, xəbərlərdən məlumatlı olmaq üçün hər kəs ekran başındadır. Oğlanlar arasında ən çox populyar əşya şübhəsiz ki Playstation-dur. Bütün futbol çempionatlarının təxirə salındığı bir vaxtda PES və ya FİFA oynamaqdan gözəl nə ola bilər?

Xanımlar arasında böyük məişətdən paltaryuyan soyuducu, qabyuyan, kiçik məişət alətlərindən mini sobalar, ətçəkən, mikser, şirəçəkən və blenderlər, təmizlik avadanlıqlarından tozsoran, ütülər daha çox populyardırlar. Gözlənildiyi kimi, karantin dövründə evdarlıq xanımların ən sevimli hobbisinə çevrilib.
Qeyd edək ki, "COVID-19 virusu (koronavirus) ilə əlaqədar tətbiq edilmiş xüsusi karantin rejimindən sonra elektronika və mebel məhsullarına tələbat artıb. İnsanlar karantində olsa belə, market və apteklərdən sonra ən çox elektronika məhsullarına ehtiyac duyur.

 

ŞƏRH YAZ
0

Azərbaycanlı jurnalist koronavirusdan ölən anasının dəfnində iştirak edə bilmədi

Azərbaycanlı jurnalist koronavirusdan ölən anasının dəfnində iştirak edə bilmədi
23:47
30.05.2020
3301
Ölkə
A
Azərbaycanlı jurnalist Anar Cəfərsoy koronavirusdan dünyasını dəyişən anasının dəfnində iştirak edə bilməyib.

Bu barədə baş redaktor, 44 yaşlı Anar Cəfərsoy sosial media hesabında paylaşım edib. 

Özü də koronavirusdan əziyyət çəkən jurnalist anası Zöhrə Cəfərovaya son sözlərini belə ifadə edib: 

“Bütün varlığım, tacım, canım Ana, koronavirusdan sənin həyatını xilas edə bilmədik, cəhdlər alınmadı, bacarmadıq, vida görüşündən də kənarda qaldım. Allahın əmri qarşısında hər kəs acizdir. Uca Rabbimin lütfünə, mərhəmətinə, məğfirətinə tam əminəm. Atamı itirəndə də fədakarlığın, sonsuz zəhmətinlə bizi çiyinlərində daşıdın Ana. Allah anamı, atamı qəbr əzabı, cəhənnəm atəşindən qorusun, cənnətlik etsin.

Anam Zöhrə, atam Kamil, rahat olun. Allah rizasını dərk edərək, son nəfəsimizə kimi üç qardaş olaraq Vətənə, millətə, xalqa, insanlara düzgün xidmət etməyə davam edəcəyik. vida görüşündən kənar qalıb”.

Qeyd edək ki, 69 yaşlı Z.Cəfərova, mayın 28-də Mərkəzi Neftçilər Xəstəxanasında vəfat edib. oxu.az

ŞƏRH YAZ
0

Virusun ikinci dalğasından qorunmaq üçün evdə, dükanda və nəqliyyatda bunları edin

Virusun ikinci dalğasından qorunmaq üçün evdə, dükanda və nəqliyyatda bunları edin
23:23
30.05.2020
2234
Ölkə
A
Son həftələr ərzində Azərbaycanda aparılan bütün elmi-statistik təhlillər göstərirdi ki, bizi Covid-19-un ikinci dalğası gözləyir.

"Ölkə.Az" e-tibb.az-a istinadən bildirir ki, bu barədə Səhiyyə Nazirliyinin açıqladığı məlumatda bildirilir.

Məlumatda qeyd olunub ki, Azərbaycan səhiyyəsinin buna tam hazır olduğuna baxmayaraq, hər bir vətəndaş yoluxmadan qorunmağını özü düşünməlidi: "Bu baxımdan şəxsi gigiyena profilaktikanın əsas amillərindən biridir. Əllərinizi tez-tez yumaq, evinizi təmiz saxlamaq və paltarları tez-tez yumaq kimi sadə qaydalara riayət etməklə Siz özünüzü, yaxınlarınızı və ərtafdakı insanları yoluxma təhlükəsindən azad etmiş olursunuz.

Bundan başqa, dükan və ictimai nəqliyyatda da antibakterial vasitələrindən istifadə koronavirusun yayılmasının qarşısını ala bilər.

Gəlin, birlikdə karantin rejimindən sağlam çıxaq".

ŞƏRH YAZ
0
BAĞLA