Köpdən necə xilas olaq? — Həkim məsləhəti

Köpdən necə xilas olaq?
05:20
27.06.2019
1598
Maraqlı
A
“Passiv həyat tərzi, hərəkət qabiliyyətinin az olması günün aktual problemlərindən olan köpü yaradan başlıca səbəblərdəndir”.

“Ölkə.Az” xəbər verir ki, bu sözləri axar.az-a açıqlamasında ümumu cərrah, koloproktoloq Türkan Gündüz bildirib. Həkimin sözlərinə görə, qəbizlikdən əziyyət çəkən insanlarda bu problem daha çox yaşanır:

Bağırsaqlarda qazların əmələ gəlməsi normal fizioloji prosesdir və normalda bu, insana ciddi narahatçılıq vermir. Bunun səbəbi qida və ya maye qəbulu zamanı udduğumuz hava və bağırsaqlarda yaşayan mikroorqanizmlərin fəaliyyəti nəticəsində əmələ gələn qazlardır. Adətən bu halda qaz çox olmur, insana heç bir narahatçılıq vermir, ağızdan (gəyirmə zamanı) və düz bağırsaqdan xaric olunur və ya qana sorulur.

Lakin qazın həddən artıq əmələ gəlməsi patoloji prosesdir. Bu zaman müxtəlif pozulmalar - qarın nahiyyəsində güclü ağrılar, qarında qurultu, tez-tez baş verən gəyirmə, süstlük, hal-əhvalın pozulması və s. baş verir.

Köp daha çox qəbizliyin, ishalın, bağırsaqda baş verən xəstəliklərin və yaxud mədəaltı vəzinin, öd kisəsinin düzgün işləməməsi zamanı yaranır. Yəni bunlar həzm sisteminin yaxşı işləməməsinə, bu isə köpə səbəb olur.

Buna görə də, köpdən azad olmaq üçün ilk olaraq onu yaradan səbəbləri aşkarlamaq, sonra doğru müalicə metodu seçmək lazımdır.

Başlıca olaraq isə, köpdən azad olmaq üçün fiziki aktivliyi artırmaq, lifli qidalardan daha çox istifadə etmək, yağlı və qızardılmış yeməklərdən, alkoqoldan, şəkərli və unlu məshullardan tamamilə imtina etmək, çoxlu maye qəbul etmək lazımdır.

Köpün qarşısını almaq üçün eyni zamanda konservativ dərman müalicəsi də var ki, bu isə həkim-mütəxəssis tərəfindən təyin edilir”.

Ölkə.Az

ŞƏRH YAZ
0

Mobil telefonlar beyin xərçəngini yaradırmı?

Mobil telefonlar beyin xərçəngini yaradırmı?
09:15
Bu gün
5108
Maraqlı
A
Son zamanlar bütün dünyada beyin xərçəngi artmaqdadır. Bəzi mütəxəssislər bunu qəcetlərdən uzun müddət ərzində istifadə etməsi ilə əlaqələndirir. Lakin araşdırmalar bunu inkar edir. Son belə araşdırma da növbəti dəfə sübut edib ki, mobil telefonları və digər qəcetlərdən istifadə beyin xərçənginin yaranmasına heç bir təsir etmir və bu xəstəliyin riskini artırmır.

"Ölkə.Az" saglamolun.az-a istinadən bildirir ki, Avstraliya və Yeni Zelandiya alimləri uzun illər ərzində 20-59 yaşlar arası və 60 yaşdan sonra olan 2 qrup insanlara nəzarət edirdilər. Nəticədə alimlər belə qənaətə gəliblər ki, mobil telefonlar bu yaş qruplarında xərçəngin inkişafına səbəb olmur.

Alimlər qeyd edir ki, bu araşdırma növbəti dəfə sübut edib ki, mobil telefonlar və beyin xərçəngi arasında əlaqə yoxdur.

Ölkə.Az

ŞƏRH YAZ
0

Qış üçün bu salatı edin - Usta öz sirlərini açır — VİDEO

Qış üçün bu salatı edin - Usta öz sirlərini açır
09:00
Bu gün
3478
Maraqlı
A
"Ölkə.Az" Lent.az-a istinadən maraqlı resepti təqdim edir:

Bu dəfə sizi sosial şəbəkədə "Myfoodchannel" adı ilə məşhur olan səhifəyə istinadla qış üçün salat resepti ilə tanış edəcəyik.

Tərkibi:

4 ədəd badımcan, 4 ədəd pomidor, 4 ədəd soğan, 4 ədəd kök, 4 diş sarımsaq, 2-3 sap cəfəri və şüyüd, 1-2 ədəd acı bibər, 100 ml duru yağ, 100 ml sirkə, 1 dolu yemək qaşığı duz, 1 yemək qaşığı şəkər tozu

Hazırlanma qaydası:

Badımcanları soyub, uzunsov formada doğrayırıq. Sonra acısını çıxarmaq üçün bir qaba qoyub, üzərinə duz və su əlavə edirik. Digər ərzaqlar hazır olana kimi badımcanları kənarda saxlayırıq. Daha sonra pomidorları soyub, doğrayırıq və tavaya əlavə edirik. Sonra bibərlərin içini təmizləyib uzunsov doğrayırıq. Sarımsağı, soğanı və kökü də eyni qayda ilə doğrayıb pomidorun üzərinə əlavə edirik. Üzərinə duru yağ, sirkə, duz və şəkər tozunu tökürük. Sonda badımcanı və sarımsağı əlavə edib qarışdırırıq. 20 dəqiqə kənarda saxlayıb yenidən qarışdırırıq və ocağa qoyuruq. Qazanın qapağını örtürük, qaynamağa başladıqda qapağı açıb ara-sıra qarışdıraraq yarım saat bişiririk. Sonra şüyüd və cəfərini doğrayıb qazana əlavə edirik. Daha sonra qazanı ocaqdan götürüb, salatı sterilizə olunmuş bankalara yığırıq.

Nuş olsun!

<iframe width="670" height="400" src="https://daytube.az/embed/87483" frameborder="0" allowfullscreen></iframe>

Ölkə.Az

ŞƏRH YAZ
0
BAĞLA