“Kopenhagen” “Qarabağ”la 19 il əvvəlki oyunun videosunu yaydı — VİDEO

“Kopenhagen” “Qarabağ”la 19 il əvvəlki oyunun videosunu yaydı
23:10
21.08.2017
263
İdman
A
Çempionlar Liqasının pley-off mərhələsində “Qarabağ”ın rəqibi olan “Kopenhagen” Ağdam klubu ilə hələ 19 il əvvəl – 1998-ci ildə Danimarkada keçirilən oyunun videosunu yayıb.

Bu video klubun saytında yer alıb. 

Qeyd edək ki, o vaxt UEFA Kuboklar Kuboku turniri adlanan yarışın birinci mərhələsində “Qarabağ” “Kopenhagen”ə Bakıda 0:4, səfərdə 0:6 hesabı ilə uduzmuşdu. 

“Bu dəfə “Qarabağ”a qələbə qazanmaq asan olmayacaq. Bunun üçün sizin dəstəyiniz lazımdır” - deyə saytdakı yazıda bildirilib. 

Qeyd edək ki, bu komandaların ötən həftə Bakıda keçirilən qarşılaşmasında isə “Qarabağ” 1:0 hesabı ilə qalib gəlib.  (qol.az)

Ölkə.Az

 

ŞƏRH YAZ
0

DÇ-də G qrupunun ilk turuna yekun vuruldu

DÇ-də G qrupunun ilk turuna yekun vuruldu
00:17
Bu gün
177
İdman
A
Rusiyadakı futbol üzrə dünya çempionatında G qrupunun ilk turuna yekun vurulub.

"Ölkə.Az" xəbər verir ki, qrupda növbəti oyun Volqoqraddakı eyniadlı arenada Tunis və İngiltərə yığmaları arasında keçirilib. Görüş İngiltərənin 2:1 hesablı qələbəsi ilə yekunlaşıb. Hesabı artıq 11-ci dəqiqədə Harri Keyn açıb. Lakin 35-ci dəiqə Ferjani Sassi penaltidən dəqiq yararlanıb. İngiltərə millisi qələbə topunu uzatma dəqiqəsində vurmağa müvəffəq olub. Yenə Keyn fərqlənərək, komandasına vacib 3 xal qazandırıb.

Qeyd edək ki, G qrupunun ilk oyununda Belçika Panamanı darmadağın edib - 3:0. Bu nəticələrdən sonra Belçika və İngiltərə hərəyə 3 xalla ilk 2, xalı olmayan Tunis və Panama isə son 2 pillədə qərarlaşıb.

DÇ-2018
18 iyun

G qrupu

19:00. Belçika - Panama - 3:0

Qollar: Dris Mertens, 47. Romelu Lukaku, 69; 75

Hakimlər: Canni Sikazu (Zambiya), Jerson Dos Santos (Anqola), Zaxele Siula (CAR), Ryuji Sato (Yaponiya)

Soçi, "Fişt" stadionu

22:00. Tunis - İngiltərə - 1:2

Qollar: Ferjani Sassi, 35 (pen.) - Harri Keyn, 11; 90+1

Hakimlər: Vilmar Roldan, Aleksander Quzman, Kristian de la Kruz (hamısı Kolumbiya), Rikardo Montero (Kosta-Rika), Kori Rokuel (ABŞ)

Volqoqrad, "Volqoqrad Arena" 

Ölkə.Az

ŞƏRH YAZ
0

Belçika ilk qrup matçında Panama yığmasını darmadağın etdi

Belçika ilk qrup matçında Panama yığmasını darmadağın etdi
21:08
18.06.2018
210
İdman
A
Rusiyada keçirilən futbol üzrə Dünya Çempionatının qrup mərhələsinin ilk turu davam edir.

"Ölkə.Az" xəbər verir ki, "G" qrupu çərçivəsində baş tutan ilk matç Belçika və Panama komandaları arasında keçirilib.

Oyun belçikalıların 3-0 hesablı qələbəsi ilə yekunlaşıb. Belçikanın qollarını 47-ci dəqiqədə Dries Mertens, 69 və 75-ci dəqiqlərdə isə Romelu Lukaku vurub.

Bildirək ki, qrup çərçivəsində növbəti oyun bu gün Bakı vaxtı ilə saat 22:00-da İngiltərə və Tunis komandaları arasında baş tutacaq.

ŞƏRH YAZ
0
BAĞLA