Koreya yarımadasında nüvə müharibəsinə hazırlıq gedir
“Ölkə.Az” xəbər verir ki, 5 gün ərzində keçirilən hərbi təlimlərdə Koreya yarımadasında yüzlərlə bombardımancı və qırıcı təyyarələr hərəkət edir. Bundan başqa, Amerikanın müasir hərbi texnikaları regionda cəmləşib.
Şimali Koreya hökuməti isə keçirilən hərbi təlimlərdən narahatlıq nümayiş etdiriblər. Şimali Koreyanın Xarici İşlər Nazirliyi bununla bağlı bəyanat yayıb. Bəyanatda bildirilir ki, ABŞ Koreya yarımadasında nüvə müharibəsinə hazırlaşır.
“ABŞ Koreya yarımadasında geniş miqyaslı nüvə döyüş təlimləri keçirir. Qırıcı təyyarələr yarmadanı bütün istiqamətlərdə mühasirəyə alıb. ABŞ müasir texnikalarını bölgəyə cəlb edib. Bundan başqa, amerikalı siyasətçilərin şiddətli danışıqları Koreya yarımadasında nüvə müharibəsinin qaçılmaz olduğuna sübutdur. ABŞ Şimali Koreyaya nüvə müharibəsi elan edib. Artıq döyüşlərin başlanacağı günü dəqiqləşdirmək lazımdır”, - deyə bəyanatda bildirilib.
Ziya Səccad
Ölkə.Az
