KORONAVİRUSA YOLUXANLARIN SAYI - CANLI STATİSTİKA

“Koronavirus yoxdur” deyib müqəddəs yerlərin dəmirlərini yalayan jurnalist öldü — VİDEO

“Koronavirus yoxdur” deyib müqəddəs yerlərin dəmirlərini yalayan jurnalist öldü
14:34
23.03.2020
3156
Dünya
A
İranda epidemiyaya inanmayan və reklam xatirinə müqəddəs yerləri yalayan jurnalist koronavirusdan ölüb.

''Ölkə.Az'' xəbər verir ki, pandemiya insanları üç düşərgəyə bölüb: vəziyyəti ayıq başla dərk edənlər, vəziyyəti şişirdən və həddən artıq əhəmiyyətsiz qəbul edənlər. Sonuncuların sayı durmadan artır, çünki “sui-qəsd” nəzəriyyəsi tərəfdarları arasında jurnalistlər də var.

Məsələn, İranda KİV nümayəndələri koronavirusun olmadığını sübut etmək üçün müqəddəs yerləri yalayıb, hakimiyyətin təşvişə qapılanları sakitləşdirmək üçün addım atmalı olduğunu qeyd etməklə, maska taxmaqdan birmənalı şəkildə imtina edib.

Bu cür eksperimentlərdə jurnalist Həmid Cəlali Kaşane də iştirak edib. O, hakimiyyəti seçkilərin nəticəsinə təsir göstərmək üçün bilərəkdən insanları koronavirusla qorxutmaqda ittiham edib. Hətta etiraf edib ki, özü də reklam xatirinə yoluxmağa razıdır. Jurnalist bu sözləri yüksək temperatura görə xəstəxanada olduğu vaxt söyləyib.

“Budur, qripə görə xəstəxanaya düşdüm. Bunun koronavirus olmasını istərdim. Gülmək və reklam etmək olardı”, - fevralın 21-də jurnalist “Twitter” hesabında yazıb.

Lakin bu, həqiqətən, koronavirus olub, Kaşane fevralın 29-da ölüb. Onun ölümünü YJC agentliyi də təsdiqləyib.

Ölkə.Az

ŞƏRH YAZ
0

Məşhur jurnalist Malaxovdan azərbaycanlılara çağırış — VİDEO

Məşhur jurnalist Malaxovdan azərbaycanlılara çağırış
02:54
Bu gün
242
Dünya
A
Dünyada geniş yayılmış yeni tip koronavirus (COVİD-19) pandemiyası ilə əlaqədar sosial izolyasiya tədbirlərindən biri də əhalinin ehtiyac olmadıqca evlərindən çıxmamaqlarıdır.

"Ölkə.Az" oxu.az-a istinadən xəbər verir ki, #Evdəqal şüarı ilə aparılan təbliğat kampaniyasına rusiyalı jurnalistlər də qoşulub.  

“Rossiya-1” telekanalının əməkdaşı, tanınmış jurnalist Andrey Malaxov başda olmaqla bir sıra digər rus KİV nümayəndələri Azərbaycan xalqına səslənərək onlara #evdəqal çağırışı ediblər. 

ŞƏRH YAZ
0

Uxandan Avropaya qatarların hərəkəti bərpa olunub

Uxandan Avropaya qatarların hərəkəti bərpa olunub
00:40
Bu gün
495
Dünya
A
Yeni növ koronavirusun (COVID-19) yayılmağa başladığı Çinin Uxan şəhərindən Avropaya yük qatarlarının hərəkəti təxminən iki aylıq fasilədən sonra bərpa olunub.

"Ölkə.Az" azərtac-a istinadən istinadən xəbər verir ki, martın 28-də “China Railway Express” şirkətinə məxsus qatar Uxan stansiyasından Almaniya istiqamətində yola düşüb.

Qatarın 15 günə Duysburq şəhərinə çatması gözlənilir. Əlli konteynerdən ibarət qatarın yükünün təxminən 90 faizi Uxandakı müəssisələrin istehsalı olan məhsullardır. Buraya pandemiya ilə mübarizədə istifadə olunacaq 166 ton tibbi ləvazimat, avtomobil ehtiyat hissələri və aksessuarları, elektronika malları, fiberoptik kabel, habelə tikinti materialları daxildir. Mallar Duysburqdan Almaniyanın müxtəlif şəhərləri ilə yanaşı, Fransa, Macarıstan, Çexiya və Polşaya da göndəriləcək. İlkin mərhələdə Avropaya həftədə 2-3 qatarın yola salınması planlaşdırılıb. Aprel ayında isə qatarların hərəkəti tam bərpa olunacaq.

Uxanda koronavirusun sürətlə yayılmağa başladığı dövrdən fəaliyyəti dayandırılmış metronun və şəhərlərarası qatarların hərəkəti də martın 28-də bərpa olunub. Sian şəhərindən gələn sərnişin qatarı Uxanın Uçanq vağzalında qəbul olunub. Bu, iki aylıq fasilədən sonra Uxana Çinin digər şəhərlərindən gələn ilk qatar olub. Vağzalı tərk etməzdən əvvəl bütün sərnişinlərin tibbi müayinəsi aparılıb.

Şəhərdə əsas altı metro xətti üzrə qatarların da hərəkəti bərpa olunub.

Ölkə.Az

ŞƏRH YAZ
0
BAĞLA