KORONAVİRUSA YOLUXANLARIN SAYI - CANLI STATİSTİKA

Koronavirusa yoluxan ilk insan o imiş...

Koronavirusa yoluxan ilk insan o imiş...
12:51
26.03.2020
3950
Dünya
A
Koronavirusa yoluxan ilk şəxsin kimliyi artıq müəyyən olunub.

"Ölkə.Az" oxu.az-a istinadən xəbər verir ki, bu barədə “RİA Novosti” Çin mətbuatına istinadla xəbər yayıb.

Bildirilir ki, Vey soyadı olan qadın Uhan şəhərində “Hunan” bazarında canlı xərçəng satıcısı işləyib. 2019-cu ilin dekabrın 11-də naməlum səbəbdən onun temperaturu yüksəlib və o, klinikaya müraciət edib.

Satıcının sözlərinə görə, adətən, soyuqdəymə zamanı o, xəstəxanaya müraciət edir, orada ona iynə vurulur, səhəri isə onun vəziyyəti düzəlirdi. Lakin həmin vaxt hətta iki iynə belə ona kömək etməyib. Dekabrın 16-da Vey Xuaçjun Elm və Texnologiyalar Universitetinin “Sehe” xəstəxanasına müraciət edib.

Sonradan məlum olub ki, o, “Hunan” bazarında koronavirusa yoluxduğu təsdiqlənmiş ilk şəxsdir. Ehtimal edilir ki, məhz bu bazar infeksiyanın yayılmasının mənbəyi olub. Lakin mütəxəssislər hələ də müəyyən edə bilməyib ki, virus necə və hansı vəziyyətdə daşıyıcı heyvandan insana keçə bilib.

Dekabrın 31-də Uhan Səhiyyə Komitəsi ilk yoluxma qrupunda 27 nəfərin olduğunu bəyan edib. Jurnalistlər həmin şəxslərin siyahısını araşdırarkən onlardan 24-nün “Hunan” bazarı ilə əlaqəli olduğunu öyrəniblər.

Çin KİV, eyni zamanda, “Hunan”la əlaqəsi olmadığı halda yoluxan ilk şəxsi müəyyən edib. Məlum olub ki, ötən ilin dekabr ayının 16-da Çen soyadlı kişinin temperaturu yüksəlib və o, Uhan yaxınlığında xəstəxanaya müraciət edib. O vurğulayıb ki, ailə üzvləri, həmçinin, onu xəstəxanaya aparan şəxs sağlamdır.

Ölkə.Az

ŞƏRH YAZ
0

ABŞ-da 17 il ərzində ilk dəfə məhkəmənin verdiyi ölüm cəzası icra edilmədi

ABŞ-da 17 il ərzində ilk dəfə məhkəmənin verdiyi ölüm cəzası icra edilmədi
10:11
Bu gün
491
Dünya
A
ABŞ-da məhkəmə 17 il ərzində ilk dəfə olaraq ağır cinayətə görə həbs olunan məhkumun ölüm hökmünü ləğv edib.

Bu barədə “Associated Press” agentliyi məlumat yayıb.

Qeyd olunur ki, 47 yaşlı Deniel Luis Li bir ailənin qətlində ittiham olunaraq ölüm hökmünə məhkum edilmişdi.

Ölüm hökmünün dayandırılması barədə qərar İndiana dairəvi məhkəməsi tərəfindən verilib.

Ölüm cəzasının ləğv edilməsi tələbi ilə qətlə yetirilən ailə üzvlərinin yaxınları çıxış edib.

Zərərçəkən tərəf hesab edir ki, həbsxana rəhbərliyi məhkəmə iclaslarının təhlükəsizliyini lazımi səviyyədə təşkil edə bilmədiyindən onlar məhkəmədə iştirak edə bilməyib və cəzanın ədalətli olub-olmadığına şübhə edirlər.

ŞƏRH YAZ
0

Məşhur hind aktyoru koronavirusa yoluxub

Məşhur hind aktyoru koronavirusa yoluxub
23:29
11.07.2020
3734
Dünya
A
Hind aktyoru və Bollivud ulduzu Amitabx Baççan bildirib ki, koronavirusa yoluxaraq xəstəxanaya yerləşdirilib.

"Ölkə.Az" report-a istinadən xəbər verir ki, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor “Twitter”də yazıb.

Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Ölkə.Az

ŞƏRH YAZ
0
BAĞLA