Koronavirusla mübarizə üçün bir günə 11 milyon manat yardım edildi
Prezident İlham Əliyevin fərmanı ilə yaradılan Koronavirusla Mübarizəyə Dəstək Fonduna ianələr göndərilməkdə davam edir.
"Ölkə.Az" xəbər verir ki, martın 26-sı saat 20:40-a olan məlumata görə, ümumilikdə fonda 90 milyon 155 min 635 manat pul köçürülüb.
Bu vəsait 1068 hüquqi, 2192 fiziki şəxsin ianəsi ilə toplanıb.
Qeyd edək ki, martın 25-nə kimi fonda 78 milyon 764 min 611 manat pul köçürülüb. Son bir gün ərzində təxminən 11 milyondan çox manat ianə edilib.
Ölkə.Az
