Köşklərdə məktəblilərə görün nə satılır? — VİDEO

Köşklərdə məktəblilərə görün nə satılır?
13:15
12.10.2018
4047
Ölkə
A
Kooperasiya universitetinin yaxınlığındakı köşkdən hər gün onlarla azyaşlı siqaret alır.

 "Ölkə.Az"-ın məlumatına görə, köşkü işlədən şəxs on səkkiz yaşı tamam olmuş digələri  kimi onlara da siqaret satır. Əməkdaşımızn çəkdiyi kadrlardakı şəxslər isə çox güman ki, məktəblilərdir.

Qeyd edək ki, qanunda yetkinlik yaşına çatmayanlara siqaret satan şəxslər üçün 100 manat məbləğində cərimə nəzərdə tutulub.

Ölkə.Az

ŞƏRH YAZ
0

NATO Müdafiə Kollecinin nümayəndə heyəti Azərbaycana gəlib

NATO Müdafiə Kollecinin nümayəndə heyəti Azərbaycana gəlib
13:17
Bu gün
767
Ölkə
A
İtaliya paytaxtı Romada yerləşən NATO Müdafiə Kollecinin nümayəndə heyətinin Azərbaycana akademik səfəri başlayıb.

Bu barədə "Ölkə.Az"a Müdafiə Nazirliyinin mətbuat xidmətindən məlumat verilib.

Müxtəlif ölkələri təmsil edən yüz nəfərədək dinləyici və müəllim ölkəmizin iqtisadi, coğrafi, mədəni, tarixi, siyasi və təhlükəsizlik mühiti ilə tanış olacaq.

Səfər çərçivəsində müxtəlif dövlət qurumları və ali təhsil müəssisələrini ziyarət edəcək qonaqlara Azərbaycanın sosial-iqtisadi inkişafı, hərbi qüdrəti və qlobal təhlükəsizliyə verdiyi töhfəsi, eləcə də Ermənistan-Azərbaycan, Dağlıq Qarabağ münaqişəsi haqqında brifinqlər təqdim ediləcək.

Ölkə.Az

ŞƏRH YAZ
0

Sosial şəbəkədə tanışlıq, intim fotolar, şantaj — MƏHKƏMƏ

Sosial şəbəkədə tanışlıq, intim fotolar, şantaj
13:04
Bu gün
1045
Ölkə
A
Bakı Apellyasiya Məhkəməsində hədə-qorxu yolu ilə tələb etmədə təqsirləndirilən Astan Əzizovun barəsindəki hökmdən verilən apellyasiya şikayəti üzrə məhkəmə başlayıb.

"Ölkə.Az"ın Oxu.Az-a istinadən verdiyi xəbərinə görə, hakim Rizvan Səfərovun sədrliyi ilə keçirilən iclasda təqsirləndirilən şəxsin anket məlumatları dəqiqləşdirilib. 

Daha sonra Astan Əzizovun apellyasiya şikayətinin dəlilləri müəyyən edilib. Məlum olub ki, Astan Əzizov barəsində olan hökmün ləğv edilməsini, bəraət hökmünün çıxarılmasını istəyir. 

Qeyd edək ki, Bakı Ağır Cinayətlər Məhkəməsinin hökmü ilə A.Əzizov səkkiz il azadlıqdan məhrum edilib.

İttihama görə, Astan Əzizov Sevinc Əliyevanı (ad və soyad şərti verilib – red.) şantaj edərək pul tələb edib. Astan Sevinclə sosial şəbəkədə tanış olub. 

Aralarında isti münasibət yaranan şəxslər biri-birinə intim şəkillərini göndəriblər. Bir müddət keçəndən sonra Astan Sevinci şantaj edib, onun intim şəkillərini sosial şəbəkədə yayacağı və qadını biabır edəcəyi ilə hədələyib.

Astan Əzizov bu şəkilləri yaymamaq üçün qadından ümumilikdə dörd min dollar pul tələb edib. Qadın tələb olunan pulu ona verib. Daha sonra Sevinc Əliyeva hüquq-mühafizə orqanlarına müraciət edib.

Keçirilən əməliyyat zamanı Astan Əzizov həbs edilib.

Ölkə.Az

 
ŞƏRH YAZ
0
BAĞLA