Kötük əvəzinə nəhəng ilanı tapdaladı
İndoneziyanın Padanq Pariaman bölgəsində bir balıqçının başına qəribə hadisə gəlib.
“Ölkə.Az” xəbər verir ki, balıqçı kötüyü tapdaladığını düşünsə də, əslində 8 metrlik piton ilana basıb. Balıqçı ilan balığı ovuna çıxıbmış. İlan balıqçıya hücum edib və onun biləyinə sarılıb.
100 kilo çəkisi olan ilan balıqçını sıxmağa başlayıb. Bunu görən digər 6 balıqçı kömək üçün gəlib. Onlar ilanın ağzını tutub dişləməsinə imkan verməyiblər. Bir neçə dəqiqə ərzində ilanı zəbt edən balıqçılar dostlarını ölümdən xilas ediblər. Dini inanclarına görə isə yemədikləri heyvanı sərbəst buraxıblar.
Hikmət Həsənov
Ölkə.Az
