“KQB” zabiti Azərbaycan səmasında “uçan boşqabdan” danışdı və öldü

“KQB” zabiti Azərbaycan səmasında “uçan boşqabdan” danışdı və öldü
23:47
18.08.2018
12164
Maraqlı
A
Mən Azərbaycanda xidmət edərkən uçan naməlum obyekt (UNO) görmüşəm. Obyekt hərbi hissəmizin üzərindən uçurdu. Diametri... Paralel kurslarda havada olan pilotlar müxtəlif rəqəmlər deyirdilər.

"Ölkə.Az" xəbər verir ki, bu barədə “Komsomolkaya pravda”ya müsahibəsində ehtiyatda olan mayor, keçmiş SSRİ Dövlət Təhlükəsizlik Komitəsinin (“KQB”) Üçüncü Baş İdarəsinin (Daxili təhlükəsizlik və sovet ordusunda əks-kəşfiyyat) əməkdaşı Vasili Kuzminıx bildirib.

Keçdiyi həyat yolundan danışan Kuzminıx, Azərbaycanda xidmətini də xatırlayıb və ölkəmizdə olarkən UNO gördüyünü bəyan edib.

“Onu uzaqdan görən pilotlar iddia edirdilər ki, diametri 800 metrdir. Lap yaxından uçanlar isə, 80 metr – stadion kimi olduğunu bildirirdilər. Sadəcə rənginə görə qaz sobasında alovun rəngini xatırladan mavi şar.

O, saatda 700 kilometr sürətlə hərəkət edirdi, bir hündürlükdə. O zaman izahını tapa bilmədilər. Mən bu fikrə gəldim ki, baş verənlər bildiklərimizin sərhədlərini aşır. Yeri gəlmişkən, pilotlar deyirdilər ki, atmosferdə turbulentlik olmayıb. Yəni, aydındır: təbiət bizim deyildi.

Yadımdadır, rəhbərlik bu hadisə ilə bağlı bütün sənədləri məndən aldıqdan sonra dedi: “İndi mən sənin bu kağızlarına nə qətnamə yazmalıyam? Qısası, mən onlarım hamısını cırıram! Bəsdir boş işlərə məşğul oldun! Yaxşısı budur get casus axtar”, - deyə, ehtiyatda olan mayor müsahibəsində bildirmişdi.

Qeyd edək ki, “Komsomolskaya pravda”nın müxbirinin sözlərinə görə, bu, keçmiş “KQB” zabitinin ilk və son müsahibəsi olub. O, öz müsahibəsi dərc olunmazdan bir neçə gün əvvəl dünyasını dəyişib.

Ölkə.Az

ŞƏRH YAZ
0

Sirlərinizi yaxşı bələd olmadığınız insanlarla bölüşməyin — Günün ulduz falı

Sirlərinizi yaxşı bələd olmadığınız insanlarla bölüşməyin
01:18
Bu gün
805
Maraqlı
A
"Ölkə.Az" milli.az-a istinadən günün qoroskopunu təqdim edir:

Qoç - liderlik məziyyətlərinizi göstərin. Uğur əldə etmək istəyirsinizsə, yaradıcılıq potensialınızdan bəhrələnin. Zəhmətkeş olun, diqqətinizi konkret işə cəmləyin. Praqmat, soyuqqanlı olun. Ən xırda təfərrüatları diqqətdən qaçırmayın.

Günün ikinci yarısında maddi durumunuz pis olmayacaq. Əlavə gəlir mənbələri var. Münasibətlərin inkişafını istəyirsinizsə, emosional olmaq, qarşı tərəfin hisslərini anlamaq vacibdir. Axşam saatları aktiv istirahət üçündür.

Buğa - günün ilk yarısında münaqişə riski artacaq. İnciklik, günah hissi, arzulanmamış arzular və ümidlər istisna deyil. Hər şey çox sərt, aqressiv, dar çərçivədə olan nəsnələr təsiri bağışlamasın.

Günün ikinci yarısında təkbaşına çalışın, müstəqil olun və fəaliyyət arealınızı kənar müdaxilələrdən qoruyun. Hadisələri, sözləri, işarələri yanlış qiymətləndirməyin.

Sirlərinizi yaxşı bələd olmadığınız insanlarla bölüşməyin.

Axşam saatlarında normal dincəlin.

Əkizlər - günün ilk yarısı qarışıq və gərgin vaxtdır. Mühüm olaylar diqqət tələb edir. Dəyişikliklər və yeniliklərdən qorxmayın. Fəaliyyət obyektinizin rekonstruksiyaya ehtiyacı var.

Səhvləri aşkarlayın, dürüst qərarların məntiqi ardıcıllığını hazırlayın.

Günün ikinci yarısında məhsuldar əməkdaşlıq üçün yeni imkanlar yaranacaq. Köhnə layihələrdən birinin tamamlanması və uğurla başa çatdırılması üçün münasib zamandır. İndiki dəyişikliklər pespektivdə yaxşı nəticələr verə bilər. Şərik və ya tərəfdaşları diqqətlə dinləyin.

Axşam saatlarına yaxın yaxşı məsləhətlər ala bilərsiniz.

Xərçəng - nüfuzlu insanlarla münasibətlərdə sərtlik yaratmayın. Təzyiqə məruz qala bilərsiniz. Yaxın ətrafınızdakı insanların tələbkarlığı sizin rahat çalışmağınıza maneələr yaradacaq. Səbrli, təmkinli davranıb vəziyyətdən çıxış yolu arayın.

Günün ikinci yarısında güzəştlərə meylli olun, tam müstəqilliyə can atmayın.

İmicdə zəruri dəyişikliklər barədə düşünməyin vaxtıdır. Zərərli vərdişlərinizdən birindən əl çəkin. Bütün müşküllərə, problemlərə rəğmən pozitiv olun.

Maliyyə məsələləri izafi diqqət tələb edir.
 

Şir - adi günlərdən fərqli olaraq problemləri çözmək asan deyil. Ən kiçik uğursuzluq əhvalınızı korlaya bilər. Səbrli və təmkinli olun. Həyata praktik nəzər salın. Potensial tərəfdaşlarla danışıqlarda yaxın gələcəklə bağlı planları müzakirə etməyə dəyər.

Birgə fəaliyyət ən ağır problemin həllini mümkün edir.

Günün ikinci yarısında şəxsi münasibətlərdə durum yaxşı olacaq. Yaxınlarınız və dostlarınızla ünsiyyət faydalı, həm də xoş olacaq.

Axşam saatlarında qəfil görüş ola bilər.

Qız - uğurlu, yaxşı zamandır. Hadisələrin axarına azacıq da olsa, təsir imkanlarınız var. İşlərinizi yaxşı planlaşdırın, boşuna vaxt itirməyin. Yaxşı nəticələrə nail olmaq üçün səy göstərmək gərəkdir.

İnadınız və iradəniz sonucsuz qalmayacaq.

Günün ikinci yarısında yaxınlarınızla təmaslarda daha diqqətli olun. Ünsiyyətinizin harmoniyaya ehtiyacı var. Ailə üzvləriniz və yaxınlarınızla səmimi olun. Məişət qayğılarının əhəmiyyətli hissəsinin çözümünü öz üzərinizə götürün.

 

Tərəzi - maddi məsələlərdə realist olun, illüziyalara qapılmayın. Bu yaxınlara qədər maraqlandığınız məsələ artıq ikinci dərəcəli məqam təsiri bağışlaya bilər. Tələsik qərarlar, yanılmalar sonradan ağır fəsadlar yarada bilər.

Günün ikinci yarısında inandığınız insanın müdrik məsləhətindən yararlanın. Daxili durumunuz stressdən qurtulmağınızı tələb edir. Axşam saatları sadə olmayacaq.

Normal istirahət etməyə çalışın. Qüvvələrinizi maksimal dərəcədə bərpa edin.

Əqrəb - fəaliyyətinizdə rasional olun. Hisslərinizdəki laübələr işlərinizə təsir etməməlidir. Mümkün qədər tez həll etməyə çalışdığınız məsələlələrin çözümü ilə məşğul olun. Əvvəlki günlərlə müqayisədə daha çox güzəştlər etməli olacaqsınız.

Günün ikinci yarısında hadisələrə təsir imkanlarınız məhdudlaşacaq. Dəyişikliklərin mənasını, proseslərin məğzini anlayın. Qərarlarla yanaşı, informasiya alınmasında aktiv olun.

Maddi məsələlərdə gözləntiləriniz doğrulmayacaq. Perspektivlər tam aydın deyil.

Oxatan - günün ilk yarısında yaşananlar sizdə gərginlik hissi yarada bilər. Rəqiblər bütün qaydaları pozacaq, məqsədlərinə çatmaq üçün istənilən vasitədən istifadə edəcəklər. Cavab tədbirləri hazırlayın.

Vicdanınıza xilaf çıxmayın, ədalətli olun.

Günün ikinci yarısı yaxşı şanslar vəd edir. Amma bununla belə, bəzi problemlərin həllində çətinliklər yarana bilər.

Gördüyünüz işlərdə ciddi, fəsadlı nöqsanlara yol verməyin. Təfərrüatlara və detallara barmaqarası baxmayın.

Oğlaq - hadisələrə təsir imkanlarına malik insanlarla əlaqələri yenidən qiymətləndirin. İnandığınız insanla yeni layihənin icrasına başlamaq olar. Cari proseslərə təsir etməklə hadisələrin məcrasına korrektələr edin. Planlara riayət edin. Yaranan insanları və aldığınız təklifləri dəyərləndirin.

Günün ikinci yarısında avantüralara qatılmayın. Konstruktiv məsələlərin müzakirəsi üçün yaxşı zamandır. Əlaqələri bərpa edin.

Maliyyə məsələləri aktuallaşacaq.

Yardıma ehtiyacı olan insanlara diqqətlə yanaşın. Emosional travmaya uğramayın.

Dolça - yeni ideyalar, qüvvələr və dəstək olacaq. Başladığınız işdə uğur qazana bilərsiniz. İndiyədək tam sürətlə hərəkət etdiyiniz sahələrdə aktivliyinizi bir qədər azaldın. Zəif mövqeləri gücləndirin.

Günün ikinci yarısında situasiya sizdən qəti qərar, vidalaşma, bəzən isə niyyətlərdən əl çəkməyi tələb edə bilər. Asılılıqlarınızın birindən qurtulun. Rasionunuzun sağlam olmasına çalışın.

Şəxsi münasibətlərdə vəziyyət pis deyil. Axşam saatlarında nisgilli hisslər yarana bilər.

Balıqlar - mühüm saydığınız məsələlərdən biri ilə bağlı danışıqlar aparın. Emosional gərginliyə rəğmən sakit, təmkinli olun. Təxribatlara uymayın. Sizi münaqişəyə cəlb etmək istəyəcəklər. Gərəksiz məqamlardan imtina edin, lazımsız əlaqələrə son qoyun.

Günün ikinci yarısında dəyər verdiyiniz insanlardan biri ilə mühüm söhbət olacaq. Münasibətlərdə dəqiqləşdirmələrə ehtiyac var.

Ev işlərinin sayı adi günlərlə müqayisədə artacaq.

Alış-verişdə çox pul xərcləməyin.

Ölkə.Az

ŞƏRH YAZ
0

Balaca uşaq quşları yemlədi — Onlar da növbəyə düzüldü + VİDEO

Balaca uşaq quşları yemlədi
23:20
20.09.2018
1541
Maraqlı
A
Balaca uşağın əlindəki cubuqla quşları yemlədiyi görüntülər sosial şəbəkələrdə izlənmə rekordu qırır.

“Ölkə.Az” xəbər verir ki, internetdə paylaşılan videoda uşağın əlindəki yemək qabı ilə quşları bəslədiyi görünür.

Quşların yemək üçün sıraya düzülməsi isə daha çox diqqət çəkib.

Ölkə.Az

ŞƏRH YAZ
0
BAĞLA