Kral ailəsi II Yelizavetanı belə təbrik etdi — FOTOLAR

Kral ailəsi II Yelizavetanı belə təbrik etdi
17:16
21.04.2017
55
Dünya
A
Britaniya kraliçası II Yelizavetanın ad günüdür.

"Ölkə.Az" xəbər verir ki, kral ailəsi kraliçanı sosial şəbəkədə təbrik edib. Kral ailəsi sosial şəbəkədə kraliçanın arxiv fotolarını yayımlayıb.

Məsələn, Tvitterdə paylaşılan fotolarda gələcək monarxın xaç suyuna çəkilməsini görmək olar. Eyni zamanda 21 yaşlı Yelizavetanın da fotoları var.

Fotolar və təbriklər Tvitterdə şahzadə Çarlz və Kornuol hersoginyası tərəfindən yayımlanıb. Eyni zamanda Kembric hersoginyası və şahzadə Harri də II Yelizavetanı Tvitter vasitəsilə təbrik ediblər.

II Yelizaveta 1926-cı ilin 21 aprel tarixində dünyaya gəlsə də, ənənəyə uyğun olaraq onun ad günü iyun ayında qeyd edilir.

Hikmət
Ölkə.Az

ŞƏRH YAZ
0

Ərdoğanla Putin Afrindən danışdı

Ərdoğanla Putin Afrindən danışdı
00:23
Bu gün
432
Dünya
A
Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olub.

"Ölkə.Az" xəbər verir ki, ikitərəfli əlaqələrin də müzakirə olunduğu telefon danışığında Türkiyənin Afrində həyata keçirdiyi hərbi əməliyyat, o cümlədən Suriyadakı hadisələr haqqında fikir mübadiləsi aparılıb.

Prezident Ərdoğan “Zeytun budağı” əməliyyatında məqsədin Afrin bölgəsini PYD/YPG və İŞİD kimi terror təşkilatı ünsürlərindən təmizləmək olduğunu bildirib.

Türkiyənin milli təhlükəsizliyini zəmanət altına almağı hədəfləyən bu əməliyyatın Suriyanın siyasi birliyi və ərazi bütövlüyü baxımından da əhəmiyyətli töhfə olduğunu deyən Ərdoğan Suriya məsələsində Rusiya ilə birlikdə çalışmağa önəm verdiyini vurğulayıb.

Hər iki lider Soçidə keçiriləcək Suriya Milli Dialoq Konqresinin uğuru və siyasi həllinin önünün açılması üçün birgə səyləri davam etdirməkdə qətiyyətli olduqlarını diqqətə çatdırıblar.

Ölkə.Az

ŞƏRH YAZ
0

ABŞ kürd terrorçularına — XƏBƏRDARLIQ ETDİ

ABŞ kürd terrorçularına
22:54
23.01.2018
780
Dünya
A
ABŞ PYD/YPG terror təşkilatına xəbərdarlıq edib.

“Ölkə.Az” xəbər verir ki, bu barədə Pentaqon bəyanat yayıb. Vaşinqton terrorçulara  Suriyanın Afrin bölgəsinə doğru hərəkət etməməyi məsləhət görüb. Bəyanatda qeyd olunur ki, əgər bu xəbərdarlığa əməl edilməsə, ABŞ terrorçulara dəstəyini kəsəcək.

"Suriyanın şimal-şərqindəki PYD/YPG yaraqlıları Afrinə doğru hərəkət edəcəkləri təqdirdə ABŞ-ın dəstəyini itirəcəklər", - deyə açıqlamada bildirilir.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Əməliyyat zamanı Türkiyə 3 şəhid verib.

Ölkə.Az

ŞƏRH YAZ
0
BAĞLA