Kral ailəsi nə yeyib-içir? — Keçmiş aşbaz SİRRLƏRİ AÇDI

Kral ailəsi nə yeyib-içir?
11:30
23.10.2017
6846
Maraqlı
A
İngiltərədəki kral ailəsinin nə yeyib-içdiyi hər zaman diqqət marağında olub.

"Ölkə.Az" xəbər verir ki, sarayın keçmiş baş-aşpazı bütün sirrləri açıb.

Darren MakQreydi bildirir ki, kral ailəsinin ən qəribə anları yemək saatları ilə bağlıdır. Keçmişdə kraliça Yelizaveta, şahzadə Filip, Şahzadə Diana, şahzadə Uilyam və şahzadə Harri üçün yemək bişirən baş-aşpaz bütün sirrləri açığa çıxarıb.

Axşam yeməkləri çox rəsmi abu-havada olur

Günortadan sonra kral ailəsinin üzvləri gündəlik paltarları ilə daş sobanın ətrafında oturub çay içirlər. Axşam yeməyi üçün isə əyin-başlarını dəyişirlər. Adətə uyğun olaraq kral ailəsinin üzvləri şam yeməyinə ziyafət paltarında gəlirmiş.

Şahzadə Diana pəhriz saxlayırdı

Bir gün Diana baş-aşpaza deyib: "Darren, sən bütün yağları həll et, karbohidratları mən idman zalında həll edəcəm". Bununla da mətbəxdə çox şey dəyişib. Darren Bukinhem sarayı reseptlərini bir kənara atıb fərqli yeməklər bişirməyə başlayıb. Diana bibər və badımcan dolması, balığı çox xoşlayırdı.

Diananın qonaqları onun eyni yeməyin yağsız versiyasını yediyini əsla bilməzdilər

"İnsanları aldadırdı. Prezident Reyqan üçün "mousse" bişir dedi. Özü isə mayonez və krem olan o yeməyi yeməzdi. Mən də yağsız bişirdim. Qonaqlar heç nəyi başa düşmədilər"-deyə Darren xatırlayır.

Şahzadə Filip yemək masasına köhnə pal-paltarda otururdu

Darren deyir: "Bir dəfə mətbəxə gəldi və mən onu bağban zənn etdim. Köhnə pal-paltarda idi. Amma diqqətlə baxanda şahzadə Filip olduğunu başa düşdüm".

Kral ailəsi Şotlandiyadakı yay mülkləri olan Balmoral qəsrində tamamilə fərqli davranırlar

Balmoral kral ailəsinin rahat nəfəs aldığı yerdir. Onları orada daim görmək mümkündür. Amma kraliça Bukinhem sarayında çox məşğuldur. Onun oradakı otağı ilə mətbəx arasında xeyli məsafə var. Balmoralda isə şahzadə Filip manqalı qalayır və mətbəxə gəlib kömür soruşurdu. Kraliça və şahzadə Marqaret çiyələk yığır, axşam isə topladıqları çiyələyi yeyirdilər.

Kraliçaya yemək saatını səhv deyirdilər

Əgər kraliça Balmoraldakı axşam yeməyində iştirak edəcəkdisə, ona yalan söyləyirdilər. Qəsrdə axşam yeməyi 20:30 olsa da, kraliçaya 20:15 deyirdilər. Çünki kraliçanın gec gələcəyini hamı bilirdi.

Diana qırmızı ət yeməzdi

Diana qırmızı ət yeməzdi. Nadir hallarda quzu əti yeyərdi. Dana əti əsla qəbul etməzdi. Quzu ətini isə ancaq əyləncə və tədbirlərdə xoşlayardı.

Kraliça tez-tez plastik qablarda yemək yeyirdi

Kraliça deyəndə ağlımıza qızıl boşqablar, qızıl çəngəl-bıçaq gəlir. Amma Balmoral qəsrində kraliça meyvələri sadə və sarı plastik qabdan yeyirdi. Amma bəzən almazla bəzədilmiş boşqabda da meyvə yeyirdi. Bu, üzərində qızıldan at olan mərmər boşqabdır. Almaz, yaqut, sapfir və zümrüdlərlə bəzədilib. 300 ildən çox yaşı olan boşqabın dəyəri 500 min funt sterlinqdir.

Harri və Uilyam fast-food xoşlayırdı

Darren deyir: "Bir gün şahzadə mətbəxə girib "yeməyi ləğv et, uşaqları hamburger yeməyə aparacam"-dedi. Mən də hamburger düzəldə biləcəyimi dedim. Amma Diana bildirdi ki, hamburgerlərin içindən çıxan oyuncaq uşaqlar üçün çox maraqlıdır. Uilyam və Harri hamburger, pizza və kartof qızartması xoşlayırlar".

Bir dəfə Ferci planları dəyişdirdi və bütün yemək zibilliyə atıldı

"Sara Ferguson teatra getmişdi və axşam yeməyini də 22:30-a təyin etmişdi. Hazırlıqlara başladıq. Amma zəng edib "restorana gedəcəyik"-dedi. Bütün yeməklər xarab oldu".

Kraliçanın ən xoşladığı qida şokoladdır

"Kraliça fermada yetişən tərəvəzlərdən hazırlanan yeməkləri xoşlayır. Amma ən çox şokoladı xoşlayır. Əsasən də tünd şokoladları üstün tutur".

Kraliça sarımsaq xoşlamır

Menyuda sarımsaq olmasına əsla icazə verməzdi. Qoxusundan və dadından qətiyyən xoşu gəlməzdi.

Kraliçaya xüsusi menyu göndərilir

Bukinhem sarayında 3-4 gün əvvəldən kraliçaya menyu göndərilir. Onun menyudan seçdiyi yeməklər bişirilir. Kraliça bu menyuya uyğun hərəkət edir.

Şahzadə Filip Çarlzın təbii qidalarına etibar etmirdi

Harrods bizə həmişə onlardan alver etdiyimiz üçün ərzaq dolu bir səbət göndərirdi. Bir gün şahzadə Filip mətbəxə gəldi və iki səbət gördü. Səbətin Harrods səbəti olduğunu soruşdu. Bunların şahzadə Çarlzın yetişdirdiyi meyvə-tərəvəz olduğunu deyəndə başını bulayıb çıxdı.

Kraliça səhər qəhvəaltısında qarğıdalı yarması yeyir

Kraliçanın səhər yeməyi çox sadədir. Plastik qabda qarğıdalı yarması yeyir. Sonra isə çay içir.

Şahzadə Filip bir dəfə fəhlələrin yeməyini çox bəyəndi

Bir gün şahzadə Filip mətbəxə gəldi və "axşama nə yeyəcəyik?"-soruşdu. "Sizin üçün quzu budu hazırladıq"-dedik. Digər qabı göstərib "burada nə var"-deyə soruşdu. İşçilər üçün kotlet hazırladığımızı dedik. "Şahzadə kotlet yedi, biz isə quzu budunu yedik"-deyə Darren xatirələrini bölüşür.

Hikmət Həsənov
Ölkə.Az

ŞƏRH YAZ
0

Vampir-balıq kəşf edildi

Vampir-balıq kəşf edildi
10:13
Bu gün
1019
Maraqlı
A
Bioloqlar Somali mağaralarında çox nadir tapılan balıq kəşf ediblər.

“Ölkə.Az” xəbər verir ki, balığın hüceyrələrində DNA mutasiyalarına cavab verən xüsusi sistem yoxdur. Bu isə günəş şüalarını balıq üçün ölümcül edir.
Balığın orqanizmində bütün canlılarda olan DNA təmir edən sistem yoxdur. Maraqlıdır ki, belə bir hal platsenarlarda da baş verib. Nikolas Folkun ehtimalına görə, qədimdə canlılar qaranlıqda yaşayıblar.

Avropa, Asiya və Amerikada əhalinin milyondan bir nəfəri qeyri-adi xəstəlikdən əziyyət çəkir. Tarixçilərin fikrinə görə, bu xəstəlik vampirlər haqqında əfsanələrin yaranmasına təkan verib. Söhbət nadir genetik xəstəlik sayılan piqment kserodermindən gedir.

Somalidə kəşf edilən balıq “phreatichthys andruzzii” adlandırılıb. Onun genlərini tədqiq edən alimlər bir neçə qəribə hal ilə rastlaşıblar.

Hikmət Həsənov
Ölkə.Az

ŞƏRH YAZ
0

Saqqalına görə küçəyə çıxa bilməyən qadının son halı — FOTO / VİDEO

Saqqalına görə küçəyə çıxa bilməyən qadının son halı
09:34
Bu gün
2146
Maraqlı
A
Saqqalına görə küçəyə çıxa bilməyən və ətrafdakı insanların sərt reaksiyalarına səbəb olan qadın ailə həyatını xilas etmək üçün Zahidə Yetişin verilişinə müraciət edib.

“Ölkə.Az” xəbər verir ki, gənc qadında baş verən dəyişiklik onu görənlərin çaşqınlığına səbəb olub. 

Zahidənin verilişinə çıxıb kömək istəyən Gülsərən xanımın hekayəsi tamaşaçıları göz yaşına boğmuşdu. Onun müalicəsinə start verilmişdi. Saqqalına görə son günlər hətta dükana da gedə bilməyən Gülsərən demişdi:

“Ətrafdakıların reaksiyasına görə ölüm barədə düşünürdüm. Mənə sadəcə ərim dəstək durdu. Ərimdən çox razıyam. O, mənə dəstək durmasaydı, daha pis vəziyyətdə olardım”.

Müalicə prosesində ilk dəfə ekrana çıxan Gülsərənin dəyişikliyi ərini və tamaşaçıları təəccübləndirib. Əri “Sevgilim çox gözəl olub” deyərək əlindəki gül buketini ona uzadıb.

Hikmət Həsənov
Ölkə.Az

ŞƏRH YAZ
0
BAĞLA