KORONAVİRUSA YOLUXANLARIN SAYI - CANLI STATİSTİKA

Kral nəvələrini taxt titulunun hüquqlarından məhrum etdi — FOTO

Kral nəvələrini taxt titulunun hüquqlarından məhrum etdi
08:08
10.10.2019
2065
Dünya
A
73 yaşlı İsveç Kralı Karl XVI Qustav, ölkənin həyatında əhəmiyyətli dəyişikliklər olduğunu açıqlayıb.

“Ölkə.Az” oxu.az-a istinadən xəbər verir ki, yeni qaydalar birbaşa kral ailəsinin üzvlərinə və iş vəzifələrinə aiddir.

Belə ki, şahzadənin oğlu şahzadə Karl Filipp və onun kiçik qızı şahzadə Madlen, bu gündən etibarən İsveç kral evinin üzvləri deyillər, həmçinin onlar öz royal zadəganlıq titulunu itirirlər və İsveç taxtını tələb etmək hüququna sahib deyillər.

Bu gün isə İsveç Kral Sarayının rəsmi saytından Karl Filipp və Madlenin uşaqlarının tərcümeyi-halı silinib.

Bu o deməkdir ki, Karl Filipp və Şahzadə Madlenin övladları - üç yaşlı şahzadə Aleksandr, iki yaşlı şahzadə Qabriel, beş yaşlı şahzadə Leonora, dörd yaşlı şahzadə Nikolas və bir yaşlı şahzadə Adrien kral tərəfindən onlara əvvəllər verilmiş şahzadə, hersoq titullarını qorusalar da, heç bir kral vəzifəsi ilə yüklənməyəcəklər.

İsveç Kralı Karl XVI Qustav, həyat yoldaşı Kraliça Silvia, böyük qızı şahzadə Viktoriya və əri şahzadə Daniel “Kral Ziyarətçisi” statusunu qoruyacaq və İsveçin hakim nümayəndələri olaraq qalacaqlar. Eyni zamanda, Viktoria və Danielin övladları kral titullarından və vəzifələrindən məhrum edilmirlər.

Kralın oğlu şahzadə Karl Filipp, həyat yoldaşı şahzadə Sofiya, həmçinin kiçik bacısı şahzadə Madlen xeyriyyəçilik işlərini davam etdirəcək və əvvəllər əməkdaşlıq etdikləri təşkilatlar üçün çalışacaqlar. Kralın tələb etdiyi təqdirdə onlar rəsmi vəzifələri də yerinə yetirəcəklər.

İsveç kralı qərarının səbəbini izah etməkdən boyun qaçırıb.

Qeyd edək ki, kralın kiçik qızı Madlen, hazırda ailəsi ilə Mayamidə yaşayır.

Ölkə.Az

ŞƏRH YAZ
0

Polis daha bir qarədəriliyə zor tətbiq edərək HƏBS ETDİ — VİDEO

Polis daha bir qarədəriliyə zor tətbiq edərək HƏBS ETDİ
12:35
Bu gün
958
Dünya
A
ABŞ-da daha bir polis afroamerikalını həbs edərkən ona qarşı zorakılıq edib. Bu barədə “The Sun” məlumat yayıb.

“Ölkə.Az” xəbər verir ki, hadisə, 11 iyul şənbə günü axşam, Pensilvaniyanın Allentoun şəhərində baş verib. Şahidlər üç polis məmurunun yerdə uzanmış bir qaradəriliyə qarşı zorakılıq etdiyini kameranın yaddaşına köçürüblər. Polislərdən biri dizi ilə şübhəlinin boynundan basaraq onu boğub. Hadisənin şahidləri polisdən qaradəriliyə edilən zorakılığın dayandırmasını istəyiblər.

Polislər isə kişinin həbsi zamanı müqavimət göstərməsi, qışqırması və onlara tüpürməsini bildirərək, hərəkətlərinə haqq qazandırıblar.

Xatırladaq ki, mayın sonunda Minneapolisdə afroamerikalı Corc Floydun həbsi zamanı ona qarşı edilən zorakılığa görə böyük qalmaqal yaşanmışdı. Floydun ölümü ilə bağlı hazırda ölkədə qaradərilərə qarşı edilən zülmlərə qarşı etirazlar davam edir.

Ölkə.Az

 

ŞƏRH YAZ
0

Rusiyada təyyarə qəzası — Ölən və ağır xəsarət alan var

Rusiyada təyyarə qəzası
10:48
Bu gün
1957
Dünya
A
Rusiyanın Nijni Novqorod vilayətində “An-2” təyyarəsi qəzaya uğrayıb.

“İnterfaks” bu barədə Rusiya Fövqəladə Hallar Nazirliyinin regional idarəsinə istinadən xəbər yayıb.

Rəsmi məlumata əsasən, “An-2” təyyarəsi yerli vaxtla saat 04:10-da Nijni Novqorod vilayətinin Kistenevo yaşayış məntəqəsində yerə çırpılıb və yanğın baş verib.

Qəza nəticəsində təyyarənin göyərtəsində olan iki nəfər ağır yaralanıb, bir müddət sonra onlardan biri həyatını itirib. (Oxu.az)

Ölkə.Az

ŞƏRH YAZ
0
BAĞLA