Kredit borclarını ödəməyənlərə qarşı cəza sərtləşir — 5 il həbs oluna bilərlər

Kredit borclarını ödəməyənlərə qarşı cəza sərtləşir
10:51
13.10.2017
514
İqtisadiyyat
A
Kreditor borcları ödəməkdən qəsdən yayınmaya görə cəzalar sərtləşdirilir.

"Ölkə.Az" modern.az-a istinadən xəbər verir ki, bununla bağlı Cinayət Məcəlləsinin 196-cı maddəsininin (Kreditor borclarını ödəməkdən qəsdən yayınma) 196.1 və 196.2-ci bəndlərinə dəyişiklik təklif edilir.

Maddə 196.1. Məhkəmənin qanuni qüvvəyə minmiş müvafiq qərarına əsasən, təşkilat rəhbərinin və ya vətəndaşın kreditor borclarını, yaxud qiymətli kağızları ödəməkdən qəsdən yayınması xeyli miqdarda ziyan vurduqda - üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə cinayət nəticəsində vurulmuş ziyanın iki mislindən dörd mislinədək miqdarda cərimə və ya bir ilədək müddətə islah işləri və iki ilədək müddətə azadlığın məhdudlaşdırılması və ya iki ilədək müddətə azadlıqdan məhrum etmə ilə cəzalandırılacaq.

Maddə 196.2. Eyni əməllər külli miqdarda ziyan vurduqda - üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə cinayət nəticəsində vurulmuş ziyanın üç mislindən beş mislinədək miqdarda cərimə və ya iki ilədək müddətə islah işləri və ya bir ildən üç ilədək müddətə azadlığın məhdudlaşdırılması və ya iki ildən beş ilədək müddətə azadlıqdan məhrum etmə ilə cəzalandırılacaq.

Qanun layihəsi oktyabrın 20-də Milli Məclisin müzakirəsinə çıxarılacaq

ŞƏRH YAZ
0

Azərbaycanda pambığın alış qiyməti artırıldı

Azərbaycanda pambığın alış qiyməti artırıldı
10:55
Bu gün
316
İqtisadiyyat
A
Kənd Təsərrüfatı Nazirliyinin (KTN) və İqtisadiyyat Nazirliyinin məsul işçilərinin iştirakı ilə pambıq istehsalı və emalı ilə məşğul olan şirkət rəhbərləri ilə görüş keçirilib.

KTN-dən "Ölkə.Az"a verilən məlumata görə, görüşdə bu il görülən işlər, pambıq yığımının gedişi, tədarükü və emalı vəziyyəti, eləcə də qarşıya qoyulan hədəflərə nail olunması üçün həyata keçirilməsi vacib olan məsələlər müzakirə edilib.

Pambıq əkən fermerlərin məhsul istehsalına, yığımına həvəsləndirilməsi və onların maddi rifahının daha da yüksəldilməsi məqsədilə pambığın növlər üzrə mövcud alış qiymətlərinin hər ton üçün 50 manat artırılaraq 2018-ci ilin məhsulu üçün aşağıdakı kimi müəyyənləşdirilməsi barədə razılıq əldə edilib.

2018-ci il
1-ci növ 600-dən 650 manata
2-ci növ 580-dən 630 manata
3-cü növ 540-dan 590 manata
4-cü növ 500-dən 550 manata

Pambığın 1 tonunun alış qiymətinin 50 manat artırılması pambıq istehsalı ilə məşğul olan fermerlərin əlavə olaraq 12 mln. manatdan çox qazanc əldə etməsi gözlənilir.

ŞƏRH YAZ
0

“Caspian Energy Forum Baku 2018” tədbiri başladı

“Caspian Energy Forum Baku 2018” tədbiri başladı
10:18
Bu gün
274
İqtisadiyyat
A
"Azərbacan Xəzər dənizində həyata keçirdiyi uğurulu enerji layihələri sayəsində etibarlı tərəfdaşa çevrilib".

"Ölkə.Az" Report-a istinadən xəbər verir ki, bunu Bakıda keçirilən 7-ci Beynəlxalq “Caspian Energy Forum Baku – 2018” tədbirində çıxış edən energetika naziri Pərviz Şahbazov deyb.

Onun sözlərinə görə, Avropa İttifaqı (Aİ) və ABŞ-ın Cənub Qaz Dəhlizi layihəsinə olan marağı onun region üçün əhəmiyyətini göstərir. 

"Cənub Qaz Dəhlizinə (CQD) ilkin mərhələdə şübhə ilə yanaşanlar da artıq onun əhəmiyyətini anlayırlar. CQD Avropanın enerji təchizatının şaxələndirilməsində böyük rol oynayır. Məhz bu layihə çərçivəsində Bolqarıstanın təbii qaza olan tələbatının 30-35%-i, İtaliyanın isə ilkin mərhələdə 10%-i təmin olunacaq. Növbət mərhələdə isə CQD bu ölkənin enerji habına çevrilməsinə şərait yaradacaq. Gələcəkdə layihə vasitəsi ilə nəinki "Şahdəniz" yatağının qazı, həmçinin digər yataqlardan hasil olunan "mavi yanacaq" da dünya bazarlarına çıxarılacaq", - o qeyd edib. 

Nazir Azərbaycanın gələcək enerji siyasəti ilə bağlı da danışıb və deyib ki, ölkədə bərpa olunan enerji mənbələrinin sayının artırılması istiqamətində işlər görüləcək.

ŞƏRH YAZ
0
BAĞLA