Kredit istəyən sahibkarların sayı artıb

Kredit istəyən sahibkarların sayı artıb
20:54
17.03.2017
120
İqtisadiyyat
A
İqtisadiyyat Nazirliyinin “195-2 Çağrı Mərkəzi”nə bu ilin fevral ayında 1200-ə yaxın müraciət daxil olub.

Nazirliyin mətbuat xidmətindən Ölkə.Az-a verilən məlumata görə, bu müraciətlərin 930-dan çoxu canlı rejimdə, 260-a yaxını isə səsli menyu vasitəsilə cavablandırılıb.

Müraciətlər əsasən, sahibkarlığın inkişafı, güzəştli kreditlərin əldə olunması, istehlakçıların qanuni hüquqlarının müdafiəsi, lisenziyaların və  investisiya təşviqi sənədinin verilməsi, qeyri-neft məhsullarının ixracının dəstəklənməsi mexanizmləri, “Made in Azerbaijan” brendinin təşviqi və Nazirliyin səlahiyyətlərinə aid digər məsələlər barədə olub. Nazirliyin 7 fəaliyyət istiqaməti üzrə məlumat verən Çağrı Mərkəzinin səsli menyusundan istifadə edənlər isə daha çox güzəştli kreditlərin əldə edilməsi barədə məlumatlar əldə ediblər.

Fevral ayında Çağrı Mərkəzinə daxil olmuş müraciətlərin 60%-i Bakı şəhərinin, 40%-i isə regionların payına düşüb.

Çağrı Mərkəzinə daxil olmuş müraciətlər operativ şəkildə cavablandırılıb, xüsusi araşdırma tələb edən müraciətlər isə qanunamüvafiq qaydada baxılaraq müvafiq tədbirlər görülməsi məqsədilə Nazirliyin aidiyyəti strukturlarına təqdim edilib. Nazirliyin səlahiyyətlərinə aid olmayan müraciətlər isə qanunvericiliyə uyğun olaraq cavablandırılması üçün aidiyyəti üzrə yönəldilib.

Qeyd edək ki, 195-2 Çağrı Mərkəzi İqtisadiyyat Nazirliyinin fəaliyyəti ilə bağlı müraciətləri birbaşa və ya araşdırıldıqdan sonra cavablandırır, məlumatlandırma və məsləhət xidməti göstərir, şikayətləri qəbul edir. Xüsusi avadanlıqlarla və avtomatlaşdırılmış sistemlə təchiz olunmuş müasir xidmət zalında fəaliyyət göstərən Çağrı Mərkəzi ilə ölkə ərazisində bütün sabit və mobil telekommunikasiya şəbəkələrindən birbaşa əlaqə saxlamaq mümkündür. Stasionar telefonlardan daxil olan bütün zənglər və 195-2 tərəfindən göstərilən bütün xidmətlər ödənişsizdir.

Ziya Səccad
Ölkə.Az

ŞƏRH YAZ
0

Bu il əhaliyə pərakəndə formada nə qədər məhsul satılıb?

Bu il əhaliyə pərakəndə formada nə qədər məhsul satılıb?
17:59
Bu gün
119
İqtisadiyyat
A
2018-ci ilin yanvar-may aylarında pərakəndə ticarət şəbəkəsindən əhaliyə 13697,7 milyon manatlıq məhsul satılıb, xidmət subyektləri tərəfindən 3175,5 milyon manatlıq ödənişli xidmət göstərilib.

Dövlət Statistika Komitəsindən "Ölkə.Az"a verilən məlumata görə, ötən ilin müvafiq dövrü ilə müqayisədə həm əmtəə dövriyyəsi, həm də əhaliyə göstərilmiş ödənişli xidmətlərdən əldə olunan gəlir 2,4 faiz artıb, ticarət şəbəkəsində 6858,7 milyon manatlıq ərzaq məhsulları, içkilər və tütün məmulatları, 6839,0 milyon manatlıq qeyri-ərzaq məhsulları satılıb.

Ölkə.Az

ŞƏRH YAZ
0

Azərbaycanın energetika naziri Vyanada bir sıra görüşlər keçirib

Azərbaycanın energetika naziri Vyanada bir sıra görüşlər keçirib
10:08
Bu gün
218
İqtisadiyyat
A
Vyanada OPEC+nazirlərinin 4-cü görüşü çərçivəsində Azərbaycanın energetika naziri Pərviz Şahbazov BƏƏ-nin energetika naziri, OPEC konfransının prezidenti Suhail Mohamed Al Mazrouei ilə görüşüb.

"Ölkə.Az" xəbər verir ki, görüşdə qlobal neft bazarının sabitliyi ilə bağlı OPEC+ çərçivəsində görülən tədbirlər, qəbul edilən yeni qərar və Azərbaycan-OPEC əməkdaşlığı ətrafında müzakirələr aparılıb.

Eləcə də Azərbaycanla Birləşmiş Ərəb Əmirlikləri arasında bərpa olunan enerji mənbələri sahəsində mümkün əməkdaşlıq imkanları nəzərdən keçirilib.

Pərviz Şahbazovun İraqın neft naziri Cabbar Əli əl-Layibi ilə də görüşü olub. Görüşdə dünya neft bazarının inkişaf tendensiyaları ilə yanaşı iki ölkə arasında enerji əməkdaşlığın mövcud vəziyyəti və perspektivlərinə dair fikir mübadiləsi aparılıb. İraqın neft naziri yaxın vaxtlarda Azərbaycana səfər edərək neft sektorunun inkişafı ilə yaxından tanış olmaq istəyini ifadə edib.

Ölkə.Az

ŞƏRH YAZ
0
BAĞLA