Kreditlərin sayını artırmayın...

Kreditlərin sayını artırmayın...
00:27
14.02.2018
5450
Maraqlı
A
"Ölkə.Az" Milli.Az-a istinadən günün qoroskopunu təqdim edir:

Qoç - günün ilk yarısında işlərə müsbət emosiyalarla başlayın. Qüvvəniz artacaq, yaşam enerjinizin səviyyəsi yüksələcək. Əhvalınız nikbin olsun.

Ciddi işləri uğurla həll etmək mümkündür.

Günün ikinci yarısında əvvəlcədən hazırlanmış plan üzrə hərəkət etmək məsləhətdir. Axşam saatlarına yaxın dostlarla görüş yaxşı nəticə verəcək. Səhhətinizin qeydinə qalın.

Zərərli vərdişlərdən birindən imtina etmək, pəhriz saxlamağa başlamaq üçün münasib zamandır. 

Buğa - laübəli, qarışıq gün olduğundan işlərdə tələskənliyə yol verməyin. Düşünülməmiş qərarlar çox pis nəticə verə bilər. Maraqlandığınız işlə məşğul olmaq üçün imkanlar yaranıb. İşdə və təhsildə sizi xoş anlar gözləyir.

Günün ikinci yrısında maddi məsələlər ailə həyatında həyəcanlar yarada bilər. Yaxınlarınız nələrinsə alınmasını istəyirlər. Onların istəklərinin yerinə yetirilməsi ailə büdcəsinə zərbə vuracaq.

Axşam saatlarında normal istirahət edin.

Əkizlər - problemlərin çözülməsində qeyri-standart metodlar daha effekktivdir. Bütün qayda və təlimatlara riayət etmək, sadəcə, mümkün deyil. Uzun müddətdən bəri sizə opponent olmuş insanla dil tapa bilərsiniz.

Günün ikinci yarısı məhsuldardır. Çoxdan bəri həllini gözləyən məsələni çözün.

Macəralar və avantüralara qatılmayın. Axşam saatlarını sevdiyiniz insanla keçirin.

Subaysınızsa, bəxtinizi bir daha sınaya bilərsiniz.

Xərçəng - işgüzar tərəfdaşınız və ya şərikinizin fəaliyyəti ilə bağlı iradlarınız varsa, sərt danışmayın. Ailə üzvləri ilə təmaslarda aqressivlik nümayiş etdirməyin. Günün ilk yarısı məhsuldar olacaq. Ən çətin problemlərin öhdəsindən gələ bilərsiniz.

Günün ikinci yarısında yarımçıq işlər qoymayın.

Saatlar keçdikcə planlarınızda dəyişikliklər olacaq. Axşam saatlarında romantik görüş planlaşdırıbsınızsa, yeniliklər istisna deyil. Müəyyən iş barədə heç ən yaxın adamınıza da məlumat verməyə dəyməz.

Şir - xərclərinizə nəzarət edin. Maliyyə imkanlarınızı olduğundan artıq saymayın. Yeni layihəyə başlamazdan əvvəl situasiyanı dəyərləndirin. Detalların önəmini azaltmayın. Yaradıcı fəaliyyətlə məşğul olanlar üçün yaxşı zamandır.

Günün ikinci yarısında məhsuldar çalışa bilərsiniz. Yaxınlarınız və dəyər verdiyiniz insanlarla ünsiyyətə xüsusi önəm verin. Xəbər və informasiya mübadiləsini unutmayın. Planlarınızdan danışa bilərsiniz. Dedikləriniz qarşı tərəfi maraqlandıracaq.

Axşam saatlarında gəzintiyə çıxa bilərsiniz.

Qız - vaxtında başa çatdırılmış iş sizdə komfort və məmnunluq hissi yaradacaq. Yaxşı əhvalınızla maliyyə durumu arasında müəyyən qarşılıqlı əlaqələr olacaq. Maliyyə vəziyyətiniz nə qədər normal olarsa, özünüzü bir o qədər yaxşı, xoş hiss edəcəksiniz.

Yeni planlar qurun, hədəfləri dəqiqləşdirin.

Günün ikinci yarısında konseptual yeniliklərə ciddi lüzum yoxdur. Bədxərclik depressiya yarada bilər.

Kreditlərin sayını artırmayın. Borc götürmək yox, borcu qaytarmaq çətindir. Şəxsi maraqlarınızı ailə mənafelərindən üstün tutmayın. Yaşam enerjinizin səviyyəsi yüksəkdir. Axşam saatlarında aktiv olun.

Tərəzi - uzaqgörən olun. Seçimdə yanılmayın. Ortamdakı tələskənlik və vurnuxma işlərinizə əsla təsir etməməlidir. Emosiyalarınızı ciolvlayın. Məntiqi qənaətcillik maliyyə məsələlərində itkilərin qarşısını alacaq.

Əsas məsələ vaxtı boş yerə keçirməmək, mənasız söhbətlərə qatılmamaqdır.

Günün ikinci yarısında yaxınlarınızın istəklərini anlamaqda çətinlikləriniz yarana bilər. Sağlam məntiqə zidd qərarlar qəbul etməyin. Baş verənlərə praktiki yanaşın.

Praqmat olun.

Əqrəb - işgüzar tərəfdaşlarla müzakirələrdə əsas məsələni diqqətdən yayındıraraq ikinci dərəcəli məqamlarla bağlı dartışmalara başlamayın. Qarşı tərəflə münasibətlərdə sərinlik yaratmayın. Şəxsi istəklər və fərdi seçim ön plana çıxmamalıdır.

Sayıq davranın, qarşınıza qoyduğunuz məqsədə çatmağın yollarını müəyyənləşdirin.

Günün ikinci yarısı alış-veriş üçün pis deyil. Aldığınız əşyadan uzun müddət yararlana bilərsiniz. Yaxınlarınızın istəklərini anlamağa çalışın. Sevdiyiniz insanla əlaqələrdə harmoniya yaradın.

Oxatan - günün ilk yarısında önəmli müzakirələr yaxşı keçəcək. Danışıqlar zamanı mövqelərinizi qoruyun. Mənasız iddialara və iradlara cavab verməyin. Maliyyə məsələlərinin həllinə diqqət ayırın. Kreditlər götürmək, sərmayə ilə bağlı məsələləri həll etmək olar. Alış-verişdə gərəksiz mal və ya əşya almayın.

Günün ikinci yarısında maddi problemlər arxa plana keçəcək. Yaxınlar və dostlarla ünsiyyətdə olun. Axşam saatlarını əyləncəyə, istirahətə həsr edə bilərsiniz.

Oğlaq - əsas məsələləri günün ilk yarısında həll etmək olar. Çətinliklərin öhdəsindən gəlmək şansı var. Emosiyalara qapılmayın, hisslərinizə hakim olun. İntizamlı davranın. İtkilərə yol verməmək, işgüzar tərəfdaşlarla normal əlaqələri qorumaq üçün səbrli, təmkinli olun.

Günün ikinci yarısında diqqət mərkəzində olacaqsınız. Durumuzunu ideal saymayın və təkamülə can atın. Yaxınlarla qohumlara qayğı göstərin. Laqeyd insan təsiri bağışlamayın.

Axşam saatlarında gəzintiyə çıxın.

Dolça - fərdi seçiminiz fəaliyyət prosesinə ciddi təsir edəcək. Tərəfdaş və ya şəriklə kollektiv işdə uğur qazana bilərsiniz. Maraqlandığınız işə başlamaq və yeni layihə ilə bağlı irəliləyiş əldə etmək olar.

İşgüzar aktivliyinizi doğru məcraya yönəldin.

Günün ikinci yarısında süstlüyə qapılmayın, aktiv olun.

Fiziki təmrinlərlə məşğul olmaq üçün əlverişli zamandır. Yaşam arealında rahat ortam yaradın. Təmir və ya köç üçün münasib zaman deyil.

Balıqlar - günün ilk yarısından etibarən gərgin anlar yaşanacaq. Cari məsələləri və rutin problemləri çətinlik çəkmədən həll edə bilərsiniz. İşdə rəhbərliyin sizi tənqid etməsi istisna deyil.

Günün ikinci yarısında münaqişələr və qarşılıqlı iradlar riski artır.

Yaxınlarınızla təmaslarda emosiyalı davranmayın. Əsəblərinizə hakim olun. Qəfil situasiyalarda çaşqın vəziyyətə düşsəniz, mövqeləriniz zəifləyəcək.

Axşam saatlarında normal istirahət etməyə çalışın.

Ölkə.Az

ŞƏRH YAZ
0

Kiçik, amma cansıxıcı işlər az olmayacaq

Kiçik, amma cansıxıcı işlər az olmayacaq
01:03
Bu gün
4531
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - ədalət və haqların təminatı ilə bağlı problemlər ön plana keçəcək. İddialarınızla bağlı məqamları həll edin. Qohumlar, dostlar arasında mübahisələr olacaq.

Yaxın ətrafınızdakı insanlarla münasibətləri korlamayın.

Günün ikinci yarısında müzakirə zamanı hədsiz emosionallıq əlaqələrin kəsilməsinə səbəb olmamalıdır. Aqressiv, kobud olmayın.

Önəmli saydığınız məqamı danışıqlar yolu ilə çözə bilmirsinizsə, müzakirələri dayandırın. Məşğul olduğunuz işin təfərrüatlarına fikir verin, detalları nəzərdən qaçırmayın.

Buğa - böyük həcmli işlərə hazır olun. Günün ilk yarısından etibarən, çox yəqin ki, bir məsələnin həlli ilə məşğul olmaq gərəkdir. İkinci dərəcəli işləri təxirə salın. Yollarda xüsusilə diqqətli olun. 

Günün ikinci yarısında qəza vəziyyəti yaratmayın. Çalışdığınız sahədə qərarları təcili, təxirəsalınmaz şəkildə verin.

Ailə üzvlərindən birinin problemi var. Həmin problemin çözülməsi çox vaxt apara bilər. Laqeyd olmayın.

Əkizlər - günün ilk yarısında hər şey yaxşıdır. Narahatlıq və nigaranlıq üçün heç bir səbəb yoxdur. Nəzərdə tutduğunuz layihəni reallaşdırmaq gözlədiyinizdən də asandır. Dostlar sizə yardım edəcəklər. Onlar problemlərin həllinin yeni variantını təklif edəcəklər. Ən yaxşı məziyyətlərinizi nümayiş etdirin.

Günün ikinci yarısı yeni tanışlıqlar üçün əlverişlidir.

Təxəyyülə qapılmayın, illüziyalara aldanmayın. Yaşanan olayları bədbin çalarlarda görməyin. Nikbin olun. Problemlərin həllində yaradıcı olun.

Axşam saatlarını əyləncəyə həsr edə bilərsiniz.

Xərçəng - mürəkkəb, qarışıq gündür. İntellektual yük fiziki işlərlə müşayiət olunacaq. Ciddi emosional sarsıntı istisna deyil. Diskomfort vəziyyətdə ruhdan düşməyin.

Günün ikinci yarısında maliyyə vəsaitinizin qədrini bilin. Biznes, karyera ilə bağlı önəmli qərarları verəndə tələsməyin. Alış-verişdə bədxərclik etməyin.

Məişət zəminində qarşıdurmaya, münaqişəyə ehtiyac yoxdur. Təmkinli davranın.

Şir - günün ilk yarısında çətinliklər az olmayacaq. Qarşınıza qoyduğunuz məqsəddən imtina etməyin. Hədəfə sürətlə çatmağı ağlınızdan da keçirməyin.

Qətiyyətli və iradəli olun, əzmkar davranın. İşin müqabilində əldə edəcəyiniz mükafat pis olmayacaq. Yaşlı qohumlarla ünsiyyətdə fayda var.

Kömək üçün müraciət edən insana yardım edin. Təcrübənizi bölüşməkdən çəkinməyin.

Günün ikinci yarısında maliyyə məsələlərini həll etməyə başlayın. İşgüzar intuisiyanız sizi yanıltmayacaq. Səfər və ya səyahət pis alınmayacaq. Evdən uzaqda yeni təəssüratlar istisna deyil.

Qız - yaxın gələcəkdəki perspektik işlərin bünövrəsini bu gün qoymaq gərəkdir. Keçdiyiniz yola nəzər salın, səhvlərin təkrarlanmaması üçün zəruri addımlar atın. Ənənəvi məşğuliyyəti yeniləmək, fərqli sahələrdə sınaq keçirmək olar.

Günün ikinci yarısında maraqlandığınız insan barədə az da olsa, məlumatlar əldə etməyə can atın. Belə kiçik eksperiment belə, dəyişikliklərə hazırlıq səviyyəsinizi aşkarlayacaq.

Yaxınlarınız sizə dəstək verəcəklər. Depressiyaya qapılmayın, ruhdan düşməyin.

Tərəzi - resurslarınızı olduğundan artıq qiymətləndirməyin. Can atdığınız məqsədə maksimal sürətlə irəliləmək üçün gərəkli variantlardan praqmatikcəsinə yararlanın. Əsas diqqəti aktual işlərin görülməsinə yönəldin. Bu işlərin nəticəsi prosesə təsir edir.

Günün ikinci yarısında eyni vaxtda bir neçə iş görməyin. Belədə diqqətsizlik və ehtiyatsızlıq ucbatından yanıla bilərsiniz.

Axşam saatlarını ailə üzvlərinə ayırın. Səmimi, qayğıkeş olun.

Əqrəb - yaxşı, rəvan, asudə gündür. İşdə həmkarlar və rəhbərliklə fikir ayrılıqları ola bilər. Cari işlərin, rutin proseslərin ciddi müdaxiləyə ehtiyacı yoxdur.

Günün ikinci yarısında təşəbbüslərinizi yaxın ətrafınızdakı insanlar sizi anlamayacaqlar. Əməyiniz yetərincə dəyərləndirilməyəcək. Dəyər verdiyiniz insanla əlaqələri sərinlətməyin.

Kiçik anlaşılmazlıqlar böyük mübahisələrə səbəb olmamalıdır.

Oxatan - səhər saatlarından etibatən tərəfdaşınızla problemlər yaratmayın. Həmkarlarla, şəriklərlə rəvan, normal münasibətlər qurun. Mübahisələri və fikir ayrılıqlarını qarşılıqlı anlaşma yolu ilə həll etməyə çalışın.

Günün ikinci yarısında əvvəlki anlaşmalar və müqavilələrin pozulması istisna deyil. Nə isə deməzdən əvvəl yaxşı fikirləşin. Düşünüb-daşınmadan qəti qərar verməyin. Bəzi məsələlərin həllini ertələyin.

Axşam saatlarında diqqətli olun.

Oğlaq - çalışdığınız sahədə problemlər yaradacaq. Dəyər verdiyiniz insanlardan biri ilə fikir ayrılığı, mübahisə istisna deyil. Təmkinli, soyuqqanlı olun.

Emosiyaların köləsinə çevrilməyin. 

Günün ikinci yarısında, onsuz da, çətin vəziyyəti daha da ağırlaşdırmayın. Stress və gərginlikdən qurtulmaq üçün diqqətinizi işə yönəldin. Müzakirə olunan məsələlərdə ortaq məxrəcin əldə olunması üçün müəyyən güzəştlərə ehtiyac var.

Axşam saatlarında evdəki vəziyyət normallaşacaq.

Dolça - kiçik, amma cansıxıcı işlər az olmayacaq. Məişət qayğılarının sayı çoxdur. Qüvvə və potensialınızı yanlış dəyənləndirməyin ki, sonradan səhvlərin nəticələrini aradan qaldırmaq zərurəti ilə üzləşməyəsiniz.

Günün ikinci yarısında resurs qıtlığı, yorğunluq yeni işə başlamağa mane ola bilər. Yaxın ətrafınızdakı insanlardan biri sizə maneələr yaratmağa çalışır.

Beləsinin cəhdlərini dezavuasiya edin.

Təcrübəsiz, amma lovğa və təkkəbbürlü insanların "məsləhət"lərinə inanmayın. Yaltaqlardan uzaq durun.

Balıqlar - günün ilk yarısından etibarən proseslər gərgin və qarışıq olacaq. Çətinlikləri ənənəvi, adət etdiyiniz vasitələrlə həll etmək asan deyil. Bəzi mühüm məsələləri təxirə salmadan, dərhal çözmək gərəkdir. Maneələri dəf etmək üçün çox vaxt yoxdur.

Günün ikinci yarısında avadanlıq və texnikada problemlər yarana bilər. Yaxın ətrafınızdakı insanların sərt iradlarına, tənqidlərinə aqressiv reaksiya verməyin. Axşam saatlarında normal istirahət etməyə çalışın.

Ölkə.Az

ŞƏRH YAZ
0

“Ağdamlı Faiq” avtoxuliqanlığı təbliğ edir — VİDEO

“Ağdamlı Faiq” avtoxuliqanlığı təbliğ edir
23:42
21.07.2018
3813
Maraqlı
A
Özünü "Ağdamlı Faiq" kimi təqdim edən şəxs saxta profil vasitəsi ilə "facebook"un canlı yayımında avtoxuliqanlıq edir.

"Ölkə.Az" Xezerxeber.az-a istinadən məlumatına görə, o, canlı yayım zamanı avtomobillərin intensiv hərəkət etdiyi yola çıxaraq təhlükəli manevrlər etməyə başlayır. Üstəlik, saatda 160 kilometrdən artıq sürətlə gedərkən, özünün də dediyi kimi ''bir əlində telefon, bir əlində sükan'' olur.

O, bu hərəkətləri edə-edə izləyicilərinin suallarını da cavablandırır və özünə haqq qazandırmağa çalışır.

"Ağdamlı Faiq" bu hərəkətləri mütəmadi şəkildə etdiyini deyir. Açıq şəkildə avtoxuliqanlığın təbliği ilə məşğul olan şəxsin əsas izləyiciləri isə azyaşlılar və gənclərdir. Gənclərin suallarını cavablayan Faiq öz "məharətindən" ağız dolusu danışır. Hətta bir dəfə canlı yayımda qəza etdiyini də deyir.

Qeyd edək ki, bu görüntülər Ağdamda qeydə alınıb. Ümumiyyətlə isə, son dövrlər bu cür hallara tez-tez rast gəlinir. Özlərini avtoxuliqan zənn edənlər sosial şəbəkələrdə bu hərəkətlərini izləyiciləri ilə paylaşırlar və qanunsuz hərəkətlərini təbliğ edirlər.

Baş Dövlət Yol Polisi İdarəsindən bildirilib ki, bu görüntülər araşdırılacaq, rayon üzrə təhlükəsizlik kameralarına baxış keçiriləcək və qanun çərçivəvində bütün tədbirlər görüləcək.

Mövzu ilə bağlı daha ətraflı videomaterialı təqdim edirik:

ŞƏRH YAZ
1
BAĞLA